IPL 2026: പ്രതിഭകൾ നിരവധി, ഈ യുവതാരങ്ങളിൽ ആരെയൊക്കെ ഇന്ത്യ പരി​ഗണിക്കും? ഓപ്പണിങ്ങിലേക്ക് മാത്രം എട്ട് പേർ, സെലക്ടർമാർക്ക് തലവേദന

ഇന്ത്യൻ പ്രീമിയർ ലീഗിന്റെ 2026 സീസൺ ആവേശകരമായി പുരോഗമിക്കുകയാണ്. എല്ലാ സീസണിലേയും പോലെ ഇത്തവണയും പ്രതീക്ഷ നൽകുന്ന നിരവധി യുവതാരങ്ങൾ വളർന്നുവന്നിരിക്കുകയാണ്. എല്ലാ ടീമിനൊപ്പവും ഇത്തരത്തിൽ മികവ് കാട്ടുന്ന താരങ്ങളെ കാണാൻ സാധിക്കും. ഇവരിൽ മിക്കവരും ലഭിച്ച അവസരം നന്നായി മുതലാക്കുകയും ഇന്ത്യൻ ടീമിലേക്ക് വിളി പ്രതീക്ഷിക്കുകയും ചെയ്യുന്നുണ്ട്.ഓരോ ഐപിഎൽ സീസണിലും ഇന്ത്യൻ ടീമിലേക്ക് നോട്ടമിട്ട് നിരവധി യുവതാരങ്ങൾ എത്തുന്നത് സെലക്ടർമാർക്ക് വലിയ ജോലിഭാരമാണ് നൽകുന്നത്. ഇത്തവണയും നിരവധി താരങ്ങൾ ഐപിഎല്ലിൽ ശോഭിച്ച് ഇന്ത്യൻ ടീമിലേക്ക് വിളി പ്രതീക്ഷിക്കുകയാണ്. ഇതിൽ ആർക്കൊക്കെ അവസരം ലഭിക്കുമെന്നതാണ് കണ്ടറിയേണ്ടത്. ഓപ്പണിങ്ങിലേക്ക് മാത്രം വിളി പ്രതീക്ഷിച്ചിരിക്കുന്നത് എട്ട് പേരാണ്. ഇവരിൽ ആർക്കൊക്കെയാവും വിളി ലഭിക്കുക?. പരിശോധിക്കാം.

സഞ്ജു സാംസണും അഭിഷേക് ശർമക്കും തന്നെയാണ് ടി20 ഓപ്പണർ റോളിൽ പ്രധാന പരിഗണന. വെെഭവ് സൂര്യവംശി , പ്രിയൻഷ് ആര്യ , യശ്വസി ജയ്സ്വാൾ, പ്രഭ്സിംറാൻ സിങ്, ശുഭ്മാൻ ഗിൽ, സായ് സുദർശൻ, റുതുരാജ് ഗെയ്ക് വാദ് എന്നിവരെല്ലാം ഓപ്പണിങ്ങിൽ അവസരം തേടുന്നവരാണ്. ഇതിൽ വെെഭവ് സൂര്യവംശിക്ക് ഇന്ത്യ ടി20 ടീമിലേക്ക് വിളി നൽകാൻ സാധ്യതയുണ്ട്. മറ്റുള്ളവരിൽ ആരെയൊക്കെ പരിഗണിക്കുമെന്നതാണ് പ്രധാനപ്പെട്ട ചോദ്യം.

പ്രിയൻഷ് ആര്യ തുടർച്ചയായി മികവ് കാട്ടുന്ന താരമാണ്. ഇടം കെെയൻ ഓപ്പണറായ പ്രിയൻഷ് ആര്യക്ക് തകർപ്പൻ പ്രകടനം നടത്താൻ കഴിവുണ്ട്. എന്നാൽ താരത്തിന് പെട്ടെന്ന് ഇന്ത്യൻ ടീമിലേക്ക് വിളി പ്രതീക്ഷിക്കാനാവില്ല. ഇന്ത്യൻ ടീമിലേക്ക് വിളി ലഭിക്കാതെ പ്രിയൻഷിന്റെ കരിയർ അവസാനിപ്പിച്ചാലും അത്ഭുതപ്പെടാനാവില്ല. പഞ്ചാബ് കിങ്സിന്റെ പ്രഭ്സിംറാൻ സിങ് വിക്കറ്റ് കീപ്പർ ബാറ്റ്സ്മാനാണ്. തകർത്തടിച്ച് കളിക്കാൻ പ്രഭ്സിംറാന് കഴിവുണ്ട്.
IPL 2026: ഡക്കിൽ നിന്ന് രക്ഷപെട്ടു, പിന്നാലെ ചരിത്ര റെക്കോഡിട്ട് വിരാട് കോഹ്ലി; ഐപിഎല്ലിൽ മറ്റാർക്കും ഇല്ലാത്ത നേട്ടം
വലം കെെയൻ ബാറ്റ്സ്മാനും ഇന്ത്യൻ ടീമിലേക്കെത്തുക പ്രയാസമാണെന്ന് തന്നെ പറയാം. ശുഭ്മാൻ ഗിൽ ഇന്ത്യയുടെ ഏകദിന, ടെസ്റ്റ് ടീമിന്റെ നായകനാണെങ്കിലും ടി20 ടീമിൽ അവസരം ലഭിക്കാൻ സാധ്യത കുറവാണ്. യശ്വസി ജയ്സ്വാൾ രാജസ്ഥാൻ റോയൽസിനൊപ്പം തകർപ്പൻ പ്രകടനം നടത്തുന്ന താരമാണ്. എന്നാൽ ജയ്സ്വാളിന് പോലും ഇന്ത്യയുടെ ടി20 ടീമിൽ‌ ഇടം ലഭിക്കുന്നില്ലെന്നതാണ് എടുത്തു പറയേണ്ടത്.

ശ്രേയസ് അയ്യർ, രജത് പാട്ടീധാർ എന്നിവർ ഇന്ത്യയുടെ ടി20 ടീമിലേക്കെത്താൻ സാധ്യത കൂടുതലാണ്. ശ്രേയസിനെ ഇന്ത്യ ടി20 ടീമിന്റെ നായകനാക്കാനുള്ള സാധ്യത കൂടുതലാണെന്ന് തന്നെ പറയാം. രജത് പാട്ടീധാർ മധ്യനിരയിൽ ബാറ്റ്സ്മാനെന്ന നിലയിൽ പരിഗണിക്കപ്പെടുമോയെന്നതാണ് കാത്തിരുന്ന് കാണേണ്ടത്.
IPL 2026: സെഞ്ചുറിത്തിളക്കത്തിൽ സായ് സുദർശൻ, ഇത് മൂന്നാം തവണ; ക്രിസ് ഗെയ്ലിന്റെ വമ്പൻ റെക്കോഡും തകർത്തു

ബൗളിങ് നിരയിൽ ഇന്ത്യക്ക് മികച്ച താരങ്ങളെ ആവശ്യമാണ്. മൊഹ്സിൻ ഖാൻ, സാക്കിബ് ഹുസെെൻ, പ്രിൻസ് യാദവ് എന്നിവരെല്ലാം ഇന്ത്യയുടെ ടി20 ടീമിലേക്കെത്താൻ കഴിവുള്ളവരാണ്. ഇവരിൽ ആർക്കെങ്കിലും അവസരം ലഭിക്കുമോയെന്നതും കാത്തിരുന്ന് കാണേണ്ട കാര്യമാണ്. എന്തായാലും ഇന്ത്യയുടെ സെലക്ടർമാർക്ക് മുന്നിൽ വലിയ തലവേദയാണുള്ളതെന്ന് നിസംശയം പറയാം. ഇവരിൽ ആർക്കൊക്കെ അവസരം ലഭിക്കുമെന്നത് കാത്തിരുന്ന് കണ്ടറിയാം.