IPL 2026: പ്ലേ ഓഫിലേക്കെത്തുക ആരൊക്കെ? ജിടിക്കും എസ്ആർഎച്ചിനും ആർസിബിക്കും നിർണ്ണായകം; പ്രതീക്ഷയോടെ വമ്പന്മാർ

ഇന്ത്യൻ പ്രീമിയർ ലീഗിന്റെ 2026 സീസൺ ആവേശകരമായി പുരോഗമിക്കുകയാണ്. പോരാട്ടം കടുക്കവെ പ്ലേ ഓഫിലേക്കെത്തുക ആരൊക്കെയെന്നതാണ് എല്ലാവരും ഉറ്റുനോക്കുന്നത്. വമ്പൻ താരനിരയോടെ ഇറങ്ങിയ പല ടീമുകൾക്കും ഇത്തവണ പ്രതീക്ഷക്കൊത്ത പ്രകടനം നടത്താൻ സാധിച്ചിട്ടില്ല. അതുകൊണ്ടുതന്നെ വമ്പൻ ടീമുകളിൽ പലരും ഇത്തവണ പ്ലേ ഓഫിലേക്കെത്താൻ സാധ്യത കുറവാണെന്നതാണ് വസ്തുത.പഞ്ചാബ് കിങ്സാണ് നിലവിൽ പോയിന്റ് പട്ടികയിൽ തലപ്പത്തുള്ളത്. എട്ട് മത്സരത്തിൽ നിന്ന് ആറ് ജയവും ഒരു തോൽവിയും നേരിട്ട പഞ്ചാബ് 13 പോയിന്റോടെയാണ് തലപ്പത്ത് നിൽക്കുന്നത്. +1.043 എന്ന മികച്ച നെറ്റ് റൺറേറ്റും പഞ്ചാബിനുണ്ട്. അതുകൊണ്ടുതന്നെ പഞ്ചാബ് ഇത്തവണ പ്ലേ ഓഫിലേക്കെത്താൻ സാധ്യത കൂടുതലാണ്. ആർസിബി ഒമ്പത് മത്സരത്തിൽ നിന്ന് ആറ് ജയവും മൂന്ന് തോൽവിയും നേരിട്ട് 12 പോയിന്റോടെ രണ്ടാം സ്ഥാനത്താണുള്ളത്.

ഒമ്പത് മത്സരത്തിൽ നിന്ന് 12 പോയിന്റോടെ സൺറെെസേഴ്സ് ഹെെദരാബാദും രാജസ്ഥാൻ റോയൽസും മൂന്നും നാലും സ്ഥാനങ്ങളിലാണുള്ളത്. അഞ്ചാം സ്ഥാനത്തുള്ള ഗുജറാത്ത് ടെെറ്റൻസിന് ഒമ്പത് മത്സരങ്ങളിൽ നിന്ന് 10 പോയിന്റാണുള്ളത്. ഈ അഞ്ച് ടീമുകളിൽ പഞ്ചാബും രാജസ്ഥാനും ആർസിബിയും പ്ലേ ഓഫിലേക്കെത്താൻ സാധ്യത കൂടുതലാണ്. നിലവിലെ ഫോമിൽ ഈ മൂന്ന് ടീമുകൾക്ക് പ്ലേ ഓഫ് സാധ്യത സജീവമാണ്.

എന്നാൽ ആറാം സ്ഥാനം മുതൽ 10ാം സ്ഥാനംവരെയുള്ള സിഎസ്കെ , ഡൽഹി ക്യാപിറ്റൽസ്, കെകെആർ, മുംബെെ ഇന്ത്യൻസ് , ലഖ്നൗ സൂപ്പർ ജയ്ന്റ്സ് ടീമുകൾക്ക് കാര്യങ്ങൾ എളുപ്പമല്ല. സൺറെെസേഴ്സ് ഹെെദരാബാദ്, ഗുജറാത്ത് ടെെറ്റൻസ് ടീമുകളുടെ പ്രകടനമാണ് ഇനി നിർണ്ണായകമാവുകയെന്ന് തന്നെ പറയാം. നിലവിൽ ടോപ് ഫെെവിൽ നിൽക്കുന്ന ടീമുകളിൽ നിലവിലെ ഫോം വിലയിരുത്തുമ്പോൾ അൽപ്പം ദുർബലരായിട്ടുള്ളത് എസ്ആർഎച്ചും ജിടിയുമാണ്.
IPL 2026: കോഹ്ലിക്ക് ​ഗില്ലിനോട് എന്താണ് പ്രശ്നം? ക്യാച്ച് നേടിയതിന് പിന്നാലെ 'കട്ടക്കലിപ്പ് ' ആഘോഷം, സൂപ്പർ താരത്തെ ചൊടിപ്പിച്ചത് ഇക്കാര്യം
അതുകൊണ്ടുതന്നെ ഈ രണ്ട് ടീമുകളുടേയും പ്രകടനത്തിലേക്കാണ് മറ്റ് ടീമുകൾ ഉറ്റുനോക്കുന്നത്. ജിടി അവസാന മത്സരത്തിൽ ആർസിബിയെ തോൽപ്പിച്ചു. എന്നാൽ ഇനിയുള്ള മത്സരങ്ങളിൽ ജിടി തുടർ തോൽവി നേരിടണം. സൺറെെസേഴ്സ് ഹെെദരാബാദും ആർസിബിയും തുടർ തോൽവികൾ നേരിടാത്ത പക്ഷം സിഎസ്കെയ്ക്കും മുംബെെക്കുമൊന്നും പ്ലേ ഓഫിലേക്കെത്താൻ സാധിക്കില്ല.

സിഎസ്കെയ്ക്ക് മുംബെെയെക്കാൾ പ്ലേ ഓഫ് പ്രതീക്ഷയുണ്ട്. എട്ട് മത്സരത്തിൽ നിന്ന് ആറ് പോയിന്റാണ് സിഎസ്കെയ്ക്കുള്ളത്. ഇനി ആറ് മത്സരങ്ങൾ ശേഷിക്കെ തുടർ ജയങ്ങൾ നേടിയാൽ സിഎസ്കെയ്ക്ക് പ്ലേ ഓഫ് പ്രതീക്ഷ വെക്കാം. എന്നാൽ വലിയ മാർജിനിൽ ജയിക്കാൻ സാധിക്കേണ്ടതായുണ്ട്. സഞ്ജു സാംസൺ ഫോമാകുന്ന മത്സരം മാത്രം ജയിക്കുന്ന സിഎസ്കെയ്ക്ക് കാര്യങ്ങൾ എളുപ്പമാവില്ലെന്നുറപ്പ്.

IPL 2026: രജത് പാട്ടീധാറിന്റേത് ഔട്ടല്ലേ? ഹോൾഡർ പന്ത് നിലത്ത് തട്ടിച്ചോ; തേർഡ് അംപയറെ ചോദ്യം ചെയ്ത് വിരാട് കോഹ്ലി, വിവാദം

അതേ സമയം മുംബെെ ഇന്ത്യൻസിന് പ്ലേ ഓഫിലേക്കെത്തുക ഇനി ദുഷ്കരമായിരിക്കും. അത്ഭുതങ്ങൾ സംഭവിക്കാത്ത പക്ഷം പഞ്ചാബ് കിങ്സും ആർസിബിയും സൺറെെസേഴ്സ് ഹെെദരാബാദും രാജസ്ഥാൻ റോയൽസുമാവും ഇത്തവണ പ്ലേ ഓഫിലേക്ക് എത്താൻ കൂടുതൽ സാധ്യത. മറിച്ച് സംഭവിക്കുമോയെന്നത് കാത്തിരുന്ന് തന്നെ കണ്ടറിയണം.