IPL 2026: ബുംറ മുംബെെ ഇന്ത്യൻസിൽ സന്തോഷവാനല്ലേ? ഹീറോയിൽ നിന്ന് സീറോ ആയി, ഫ്ളോപ്പ് ഷോക്ക് കാരണങ്ങൾ ഇതാ

ഇന്ത്യൻ പ്രീമിയർ ലീഗിന്റെ 2026 സീസൺ പ്ലേ ഓഫിലേക്കടുക്കവെ ഏറ്റവും കൂടുതൽ നിരാശപ്പെടുത്തുന്ന ടീമുകളിലൊന്നാണ് മുംബെെ ഇന്ത്യൻസ് . എട്ട് മത്സരങ്ങൾ കഴിയുമ്പോൾ ആറ് ജയത്തോടെ മുംബെെ പോയിന്റ് പട്ടികയിൽ ഒമ്പതാം സ്ഥാനത്താണ്. ഇനി മുംബെെ പ്ലേ ഓഫിലേക്കെത്താൻ സാധ്യതകൾ വിരളമാണെന്ന് തന്നെ പറയാം. കരുത്തുറ്റ താരനിരയുണ്ടായിട്ടും മുംബെെക്ക് ഇതിനൊത്ത മികവ് കാട്ടാൻ സാധിക്കുന്നില്ല.ഇത്തവണത്തെ മുംബെെയുടെ പിന്നോട്ട് പോക്കിന് പ്രധാന കാരണം ജസ്പ്രീത് ബുംറയുടെ മോശം ഫോമാണ്. നിലവിലെ ഏറ്റവും മികച്ച പേസ് ബൗളർമാരിലൊരാളായ ബുംറ ഈ സീസണിൽ ചെണ്ടയായി മാറുന്നതാണ് കാണാനാവുന്നത്. എട്ട് മത്സരത്തിൽ നിന്ന് രണ്ട് വിക്കറ്റ് മാത്രമാണ് ബുംറക്ക് നേടാനായത്. മികച്ച ഇക്കോണമിയിൽ പന്തെറിയാനും ബുംറക്ക് സാധിക്കുന്നില്ല. ഇത് മുംബെെയെ പിന്നോട്ടടിക്കുന്ന കാര്യമാണെന്ന് നിസംശയം പറയാം.

എന്താണ് ബുംറക്ക് സംഭവിച്ചത് എന്ന ചോദ്യം പ്രസക്തമാണ്. ഇത്തവണത്തെ ബുംറയുടെ മോശം ഫോമിന്റെ കാരണം അദ്ദേഹത്തിന് ടീമിനുള്ളിലുള്ള അതൃപ്തിയാണെന്നുള്ള റിപ്പോർട്ടുകൾ പുറത്ത് വന്നിരുന്നു. ഹാർദിക് പാണ്ഡ്യക്ക് കീഴിൽ കളിക്കുമ്പോൾ ബുംറക്ക് മികവ് കാട്ടാൻ സാധിക്കുന്നില്ല. രോഹിത് ശർമക്ക് കീഴിൽ കളിച്ചുകൊണ്ടിരുന്നപ്പോഴുള്ള മികവ് ഹാർദിക്കിന് കീഴിൽ കാട്ടാൻ ബുംറക്ക് കഴിയുന്നില്ല.

ബുംറ ആവശ്യപ്പെട്ട ഫീൽഡ് ഒരുക്കി നൽകാൻ ഹാർദിക് പാണ്ഡ്യ തയ്യാറാവാതിരുന്നതും പിന്നാലെ ബുംറ അതൃപ്തനായതുമെല്ലാം കണ്ടതാണ്. മുംബെെ ടീമിനുള്ളിലെ പടലപ്പിണക്കങ്ങൾ ബുംറയുടെ ഫോമിനെ കാര്യമായി ബാധിച്ചിട്ടുണ്ടെന്ന് നിസംശയം പറയാം. ഹാർദിക്കിന് കീഴിലെ മുംബെെയുടെ പ്രകടനത്തിൽ ടീം മാനേജ്മെന്റിനും അതൃപ്തിയുണ്ടെന്നാണ് സമീപകാലത്തെ പ്രതികരണങ്ങളിൽ നിന്ന് വ്യക്തമാക്കുന്നത്.
IPL 2026: കോഹ്ലിക്ക് ​ഗില്ലിനോട് എന്താണ് പ്രശ്നം? ക്യാച്ച് നേടിയതിന് പിന്നാലെ 'കട്ടക്കലിപ്പ് ' ആഘോഷം, സൂപ്പർ താരത്തെ ചൊടിപ്പിച്ചത് ഇക്കാര്യം
രണ്ടാമത്തെ പ്രശ്നം ബുംറ ഇത്തവണ ഉപയോഗിക്കുന്ന പദ്ധതിയാണ്. പതിവിൽ നിന്ന് വ്യത്യസ്തമായി സ്ലോ ബോളുകളാണ് കൂടുതലും ബുംറ ഇത്തവണ കൂടുതലും ഉപയോഗിക്കുന്നത്. ബുംറയുടെ സ്ലോ ബോൾ തന്ത്രം ഫലം കാണുന്നില്ലെന്നാണ് പ്രകടനത്തിൽ നിന്ന് വ്യക്തമാകുന്നത്. ബുംറ ഇത്തവണ യോർക്കറുകൾ എറിയാൻ ശ്രമിക്കുന്നതൊന്നും ഫലം കാണുന്നില്ല.

ഇതെല്ലാം ഫുൾട്ടോസായി മാറുകയും തല്ലുവാങ്ങുകയും ചെയ്യുകയാണ്. ബുംറയുടെ ഓവറിൽ വെെഭവ് സൂര്യവംശി സിക്സർ ഉൾപ്പെടെയുള്ള യുവതാരങ്ങൾ അനായാസമായി സിക്സറുകൾ നേടിയതോടെ സൂപ്പർ പേസറുടെ വില പോയിരിക്കുകയാണെന്ന് പറയാം. വെെഭവ് ബുംറയുടെ ഒരോവറിൽ രണ്ട് സിക്സുകളാണ് നേടിയത്. ഇത്തവണത്തെ ഐപിഎല്ലിൽ 132 ആണ് ബുംറയുടെ ബൗളിങ് ശരാശരി. അദ്ദേഹത്തിന്റെ കരിയറിലെ ഏറ്റവും മോശം ബൗളിങ് ശരാശരിയാണിത്.

IPL 2026: രജത് പാട്ടീധാറിന്റേത് ഔട്ടല്ലേ? ഹോൾഡർ പന്ത് നിലത്ത് തട്ടിച്ചോ; തേർഡ് അംപയറെ ചോദ്യം ചെയ്ത് വിരാട് കോഹ്ലി, വിവാദം

ബുംറക്ക് വിശ്രമം വേണമെന്ന അഭിപ്രായവും പലരും ഉയർത്തുന്നുണ്ട്. ടി20 ലോകകപ്പിന് ശേഷം ബുംറക്ക് വേണ്ടത്ര വിശ്രമം ലഭിക്കാത്തത് അദ്ദേഹത്തിന്റെ പ്രകടനത്തെ ബാധിച്ചിട്ടുണ്ടെന്നാണ് ആരാധകർ പറയുന്നത്. പവർപ്ലേയിലും ‍ഡെത്തോവറിലും ബുംറക്ക് ഇപ്പോൾ മികവ് കാട്ടാൻ സാധിക്കുന്നില്ല. ഇത് മുംബെെയെ കാര്യമായി ബാധിക്കുന്നുണ്ടെന്ന് പറയാം. ശക്തമായ തിരിച്ചുവരവ് നടത്തേണ്ടത് ബുംറയെ സംബന്ധിച്ച് വളരെ പ്രധാനപ്പെട്ട കാര്യമാണ്. അല്ലാത്ത പക്ഷം ഹീറോ ഇമേജിനത് വലിയ കോട്ടം സൃഷ്ടിക്കുമെന്നുറപ്പ്.