IPL 2026: മുംബെെ ജയവർധനയെ മാറ്റിയേക്കും; പുതിയ പരിശീലകനാര്? ഈ നാല് പേരിൽ ഒരാൾ വന്നേക്കും, മുൻ ഇന്ത്യൻ ക്യാപ്റ്റനും പരി​ഗണനയിൽ

ഇന്ത്യൻ പ്രീമിയർ ലീഗിന്റെ 2026 സീസണിൽ പ്രതീക്ഷിച്ച പ്രകടനം നടത്താൻ സാധിക്കാതെ മുംബെെ ഇന്ത്യൻസ് പുറത്തായിരിക്കുകയാണ്. ഇത്തവണ വലിയ താരനിരയോടെയെത്തിയ മുംബെെക്ക് തൊട്ടതെല്ലാം പിഴച്ചുവെന്നതാണ് എടുത്തു പറയേണ്ടത്. ടീമിന്റെ പ്രകടനത്തിൽ ടീം മാനേജ്മെന്റിനും കടുത്ത അതൃപ്തിയാണുള്ളത്. അതുകൊണ്ടുതന്നെ വലിയ പൊളിച്ചെഴുത്തിലേക്ക് മുംബെെ ടീം കടക്കാൻ പോവുകയാണ്.ക്യാപ്റ്റൻ സ്ഥാനത്ത് നിന്ന് ഹാർദിക് പാണ്ഡ്യയെ ഒഴിവാക്കുമെന്ന് ഉറപ്പായിക്കഴിഞ്ഞു. എന്നാൽ ഇതുകൊണ്ടുമാത്രം നിർത്താൻ മുംബെെ മാനേജ്മെന്റ് ഉദ്ദേശിച്ചിട്ടില്ല. നിലവിലെ റിപ്പോർട്ടുകൾ പ്രകാരം മുംബെെ പരിശീലകസ്ഥാനത്ത് നിന്ന് മഹേല ജയവർധനയെ മാറ്റിയേക്കും. വരുന്ന സീസണിൽ പുതിയൊരു പരിശീലകനെ മുംബെെ കൊണ്ടുവരുമെന്ന് ഉറപ്പായിരിക്കുകയാണ്. മുംബെെക്ക് പരിഗണിക്കാൻ സാധിക്കുന്ന താരങ്ങൾ ആരൊക്കെയാണ്?. പരിശോധിക്കാം.

രവി ശാസ്ത്രി

മുംബെെ ഇന്ത്യൻസിന്റെ പരിശീലകസ്ഥാനത്തേക്ക് രവി ശാസ്ത്രിയെ പരിഗണിക്കാവുന്നതാണ്. ഇന്ത്യൻ ക്രിക്കറ്റ് ടീമിനെ മികച്ച നിലയിൽ മുന്നോട്ട് കൊണ്ടുപോയ പരിശീലകനാണ് രവി ശാസ്ത്രി. എന്നാൽ ഇന്ത്യൻ ടീമിന്റെ പരിശീലകസ്ഥാനം ഉപേക്ഷിച്ച ശേഷം അദ്ദേഹം അവതാരകന്റെ റോളിൽ തിളങ്ങുകയാണ്. ഐപിഎല്ലിൽ ഇതുവരെ പരിശീലകസ്ഥാനത്തിലേക്കെത്താൻ ശാസ്ത്രി തയ്യാറായിട്ടില്ല.

എന്നാൽ മുംബെെയെപ്പോലൊരു വമ്പൻ ഫ്രാഞ്ചെെസിക്ക് ശാസ്ത്രിയെ ഈ സ്ഥാനത്തേക്കെത്തിക്കാവുന്നതാണ്. താരങ്ങളുടെ മനസറി‍ഞ്ഞ് പിന്തുണക്കുന്ന പരിശീലകനാണ് അദ്ദേഹം. താരങ്ങൾക്ക് സ്വാതന്ത്ര്യം നൽകുന്ന ശാസ്ത്രി ഏത് വെല്ലുവിളിയും ഏറ്റെടുക്കാൻ ധെെര്യം കാട്ടുന്ന പരിശീലകനാണ്. മുംബെെക്ക് ശക്തമായി തിരിച്ചെത്താൻ ശാസ്ത്രിയെപ്പോലൊരു പരിശീലകൻ ആവശ്യമാണെന്ന് തന്നെ പറയാം.
IND vs IRE: അയർലൻഡിനെതിരേ സൂര്യ തന്നെ നയിക്കും? സഞ്ജുവിന് ലഭിക്കുക ആ റോൾ മാത്രം; ബിസിസിഐ നീക്കം ഇങ്ങനെ, റിപ്പോർട്ട് പുറത്ത്

ആദം ഗിൽക്രിസ്റ്റ്

മുൻ ഓസ്ട്രേലിയൻ വിക്കറ്റ് കീപ്പറായ ആദം ഗിൽക്രിസ്റ്റ് വിക്കറ്റ് കീപ്പറായും ക്യാപ്റ്റനായും ഒരുപോലെ മികവ് കാട്ടിയ താരമാണ്. ഐപിഎല്ലിൽ കിരീടം നേടിയിട്ടുള്ള ക്യാപ്റ്റനാണ് ആദം ഗിൽക്രിസ്റ്റ്. എന്നാൽ വിരമിച്ച ശേഷം അവതാരകനായും കമന്റേറ്ററായും പ്രവർത്തിക്കുന്നുണ്ടെങ്കിലും പരിശീലക റോളിലേക്ക് വന്നിട്ടില്ല. മുംബെെക്ക് ഇപ്പോൾ കൊണ്ടുവരാൻ പറ്റുന്ന മികച്ച പരിശീലകനായിരിക്കും ഗിൽ ക്രിസ്റ്റ്. ടി20യിൽ ഗംഭീര പ്രകടനം നടത്തിയിട്ടുള്ള ഗിൽ ക്രിസ്റ്റിനെപ്പോലൊരു പരിശീലകനായി വന്നാൽ അത് മുംബെെക്ക് ഗുണകരമായി മാറിയേക്കും.

ഹെർഷ്വൽ ഗിബ്സ്

ഇന്ത്യൻ ക്രിക്കറ്റ് ടീമിന്റെ പരിശീലകനാവാനടക്കം ആഗ്രഹം പ്രകടിപ്പിച്ചവരിലൊരാളാണ് മുൻ സൗത്താഫ്രിക്കൻ വെടിക്കെട്ട് ബാറ്റ്സ്മാനായ ഹെർഷ്വൽ ഗിബ്സ്. തല്ലിത്തകർക്കുന്ന ബാറ്റ്സ്മാനായ ഗിബ്സിന് പരിശീലക റോളിൽ തിളങ്ങാനായേക്കും. ഇതുവരെ ഒരു ഐപിഎൽ ടീമും ഗിബ്സിനെ പരിശീലക റോളിലേക്ക് കൊണ്ടുവന്നിട്ടില്ല. മുംബെെക്ക് ഇപ്പോൾ ആവശ്യം പുതിയൊരു തുടക്കമായതിനാൽ ഗിബ്സിനെപ്പോലൊരു പരിശീലകൻ വരുന്നത് ഗുണം ചെയ്തേക്കും.

‌IPL 2026: ഇങ്ങനെ തുടർന്നാൽ കാര്യം ഉണ്ടാകില്ല, വെെഭവിന് മുന്നറിയിപ്പുമായി ഡിവില്ലിയേഴ്സ്; നൽകിയ ഉപദേശം ഇതാണ്

സൗരവ് ഗാംഗുലി

ഇന്ത്യൻ ക്രിക്കറ്റ് ടീമിന്റെ മുൻ ക്യാപ്റ്റനായ സൗരവ് ഗാംഗുലി ഇപ്പോൾ പരിശീലക റോളിൽ സജീവമാണ്. ഡൽഹി ക്യാപിറ്റൽസിന്റെയടക്കം പരിശീലക സംഘത്തിന്റെ ഭാഗമായിരുന്ന ഗാംഗുലിയെ ഇപ്പോൾ മുംബെെ ഇന്ത്യ‍ൻസിന് പരിശീലക റോളിലേക്ക് കൊണ്ടുവരാവുന്നതാണ്. ഇടം കെെയൻ ബാറ്റ്സ്മാനായിരുന്ന ഗാംഗുലി ധെെര്യശാലിയായ ക്യാപ്റ്റനും ബാറ്റ്സ്മാനുമായിരുന്നു. പരിശീലക റോളിലേക്കെത്തിയാൽ വലിയ ഇംപാക്ട് സൃഷ്ടിക്കാൻ ഗാംഗുലിക്ക് കഴിവുണ്ട്. അതുകൊണ്ടുതന്നെ മുംബെെക്ക് ഗാംഗുലിയെ പരിശീലകസ്ഥാനത്തേക്ക് പരിഗണിക്കാവുന്നതാണ്.