IPL 2026: മുംബെെ ഹാർദിക്കിനെ നായകസ്ഥാനത്ത് നിന്ന് മാറ്റണം, പകരം സൂര്യകുമാർ വരട്ടെ; ആർ അശ്വിൻ പറയുന്നത് ഇങ്ങനെ

ഇന്ത്യൻ സൂപ്പർ ലീഗിന്റെ 2026 സീസൺ ആരംഭിക്കാൻ ഇനി നാല് ദിവസം മാത്രമാണ് ശേഷിക്കുന്നത്. എല്ലാ ടീമുകളും അവസാന ഘട്ട പടയൊരുക്കത്തിലാണുള്ളത്. അവസാന സീസണിൽ കെെവിട്ട കിരീടം ഇത്തവണ എന്ത് വിലകൊടുത്തും തിരികെ കൊണ്ടുവരാനുള്ള പദ്ധതികളാണ് ടീമുകൾ മെനയുന്നത്. ആർസിബി കിരീടം നിലനിർത്താനുള്ള മാസ്റ്റർപ്ലാനുമായാവും ഇത്തവണ എത്തുക.ഈ സീസണിൽ ആരാധകർ വലിയ പ്രതീക്ഷയോടെ കാണുന്ന ടീമാണ് മുംബെെ ഇന്ത്യൻസ് . അഞ്ച് തവണ ചാമ്പ്യന്മാരായ മുംബെെ ഇത്തവണ ആറാം കിരീടത്തിലേക്കെത്തുമോയെന്നതാണ് എല്ലാവരും ഉറ്റുനോക്കുന്നത്. മുംബെെക്കൊപ്പം ശക്തമായ ടീം കരുത്തും ഇത്തവണയുള്ളതിനാൽ കിരീടത്തിലേക്കെത്താൻ സാധ്യത കൂടുതലാണെന്ന് തന്നെ പറയാം.

ഇപ്പോഴിതാ ഐപിഎൽ 2026ൽ മുംബെെ നിർണ്ണായക തീരുമാനം എടുക്കണമെന്ന് ഉപദേശിച്ചിരിക്കുകയാണ് ആർ അശ്വിൻ. മുംബെെ നായകസ്ഥാനത്ത് നിന്ന് ഹാർദിക് പാണ്ഡ്യ യെ മാറ്റി പകരം സൂര്യകുമാർ യാദവിനെ കൊണ്ടുവരണമെന്നാണ് അശ്വിൻ പറയുന്നത്. സൂര്യകുമാർ യാദവിനെ മുംബെെ ക്യാപ്റ്റനാക്കണം. അത് ചെയ്യുന്നില്ല എന്നത് ആശങ്കയുണ്ടാക്കുന്ന കാര്യമാണ്. ഹാർദിക് പാണ്ഡ്യ ഗുജറാത്ത് ടെെറ്റൻസിനെ ആദ്യ സീസണിൽ കിരീടത്തിലെത്തിച്ചു. രണ്ടാം തവണ റണ്ണറപ്പാക്കി.

മുംബെെയിലേക്കെത്തിയപ്പോൾ അവൻ ഈ ട്രന്റ് തുടരുമെന്നാണ് കരുതിയത്. എന്നാൽ ആദ്യ സീസണിൽ രോഹിത് ശർമയുമായുള്ള പ്രശ്നങ്ങൾ മാത്രമായിരുന്നു. സൂര്യകുമാർ യാദവ് ഇന്ത്യൻ ടീം ക്യാപ്റ്റനാണ്. എന്നിട്ടും മുംബെെയിൽ ഇപ്പോഴും ഹാർദിക് ക്യാപ്റ്റനായി തുടരുന്നതിനെതിരേ നിരവധി ആരാധകർ പ്രതികരിക്കുന്നുണ്ട്. ഇത് വളരെ വെല്ലുവിളി നിറഞ്ഞ സാഹചര്യമാണ്.
ആറിൽ അ‍ഞ്ച് തോൽവി, കറ്റാലയെ പുറത്താക്കി കേരള ബ്ലാസ്റ്റേഴ്സ്, പുതിയ പരിശീലകനായി ആഷ്ലി എത്തുന്നു; ഇനി കളി മാറും
ഇപ്പോൾ നിരവധി കാര്യങ്ങൾ അവന്റെ മനസിലൂടെ പോകുന്നുണ്ടാവും. എന്നാൽ ഹാർദിക് പാണ്ഡ്യ ക്യാപ്റ്റനാവാൻ യോഗ്യത ഇല്ലാത്തവനാണെന്ന് കരുതുന്നില്ല. ഗുജറാത്തിന്റെ നായകനെന്ന നിലയിൽ അവൻ ശ്രദ്ധേയ പ്രകടനമാണ് നടത്തിയത്' യുട്യൂബ് ചാനലിൽ സംസാരിക്കവെ അശ്വിൻ പറഞ്ഞു. ഹാർദിക് പാണ്ഡ്യ മികച്ച നായകൻ ആണെന്ന കാര്യത്തിൽ തർക്കമില്ല.

എന്നാൽ മുംബെെ ടീമിനുള്ളിലെ താരങ്ങളുടെ പ്രീതി പിടിച്ചുപറ്റുന്ന നായകനല്ല ഹാർദിക് പാണ്ഡ്യയെന്ന് പറയാം. രോഹിത് ശർമയെ മാറ്റി ഹാർദിക് നായകസ്ഥാനത്തേക്കെത്തിയത് രോഹിത്തിൽ അതൃപ്തിയുണ്ടാക്കിയിരുന്നു. ഇതിന് പിന്നാലെ ആരാധകരും ഹാർദിക്കിനെതിരേ തിരിഞ്ഞു. ഇതോടെ വലിയ വിമർശനം അദ്ദേഹത്തിനെതിരേ ഉണ്ടായി. മുംബെെയുടെ സ്വന്തം ആരാധകർ ഹാർദിക്കിനെ കൂവുന്ന സാഹചര്യം പോലുമുണ്ടായി.

IPL 2026: സിഎസ്കെ ആരാധകർക്ക് സഞ്ജുവിന്റെ ഉറപ്പ്, മലയാളി താരം പറഞ്ഞത് ഒരു കാര്യം; ആർപ്പുവിളിച്ച് കാണികൾ

ഇത്തവണയും ഹാർദിക്കിന് മുകളിൽ വലിയ സമ്മർദ്ദമുണ്ട്. ഇന്ത്യയെ ടി20 ലോകകപ്പ് കിരീടത്തിലേക്കെത്തിച്ച ക്യാപ്റ്റനായ സൂര്യകുമാർ ഒപ്പമുള്ളപ്പോഴാണ് ഹാർദിക്കിനെ മുംബെെ നായകനാക്കി മുന്നോട്ട് പോകുന്നത്. ഇതിൽ ആരാധകർക്കും കടുത്ത അതൃപ്തിയാണുള്ളത്. എന്നാൽ സൂര്യയെ ക്യാപ്റ്റനാക്കാൻ മുംബെെക്ക് അത്ര എളുപ്പത്തിൽ സാധിക്കില്ല.

മുംബെെ ഇന്ത്യൻസിലേക്ക് ഹാർദിക് പാണ്ഡ്യ തിരിച്ചെത്തിയത് തികച്ചും അപ്രതീക്ഷിതമായാണ്. ക്യാപ്റ്റൻ സ്ഥാനം ഓഫർ ചെയ്തതിന് ശേഷമാണ് ഹാർദിക് മുംബെെയിലേക്കെത്തിയത് എന്ന റിപ്പോർട്ട് നേരത്തെ തന്നെ പുറത്ത് വന്നതാണ്. ഹാർദിക്കിനെ മുംബെെ നായകസ്ഥാനത്ത് നിന്ന് മാറ്റിയാൽ അത് ഹാർദിക്ക് ടീം വിടാനുള്ള കാരണമായി മാറിയേക്കും. അതുകൊണ്ടുതന്നെ തിടുക്കപ്പെട്ട് മുംബെെ ക്യാപ്റ്റന്റെ കാര്യത്തിൽ തീരുമാനത്തിലേക്കെത്തിയേക്കില്ല.