IPL 2026: മുംബൈയുടെ റണ്‍വേട്ടക്കാരന്‍ ആരായിരിക്കും? പ്ലേയിങ് ഇലവനില്‍ സര്‍പ്രൈസ് നീക്കങ്ങളുണ്ടാകുമോ? ആകാശ് ചോപ്രയുടെ പ്രവചനം ഇങ്ങനെ

2026 ഐപിഎല്‍ സീസണിലെ മുംബൈ ഇന്ത്യന്‍സിന്റെ ആദ്യ മത്സരം മാര്‍ച്ച് 29ന് കൊല്‍ക്കത്ത നൈറ്റ് റൈഡേഴ്സിനെതിരെയാണ്. ഈ സീസണിലെ മുംബൈയുടെ സാധ്യതാ പ്ലെയിങ് ഇലവന്‍ പ്രവചിച്ച് രംഗത്ത് വന്നിരിക്കുകയാണ് മുന്‍ ഇന്ത്യന്‍ താരം ആകാശ് ചോപ്ര. സീസണിലെ ഫ്രാ‍ഞ്ചൈസിയുടെ മികച്ച റണ്‍വേട്ടക്കാരന്‍ ആരായിരിക്കുമെന്നും ആകാശ് ചോപ്ര പ്രവചിക്കുന്നുണ്ട്. ഇത് അത്ര എളുപ്പത്തില്‍ പ്രവചിക്കാവുന്ന കാര്യമല്ലെങ്കിലും രോഹിത് ശര്‍മ മികച്ച റണ്‍വേട്ടക്കാരനാകാണ് സാധ്യതയെന്നാണ് ആകാശ് ചോപ്രയുടെ വിലയിരുത്തല്‍. പുതിയ സീസണ് വേണ്ടി കഴിഞ്ഞ സീസണില്‍ ടീമിലുണ്ടായിരുന്ന 17 താരങ്ങളെ മുംബൈ ഇന്ത്യന്‍സ് നിലനിര്‍ത്തിയിരുന്നു. 2026 ഐപിഎല്‍ ലേലത്തിന് മുന്നോടിയായി ഷെര്‍ഫെയിന്‍ റൂതര്‍ഫോര്‍ഡ്, ഷര്‍ദുല്‍ താക്കൂര്‍, മായങ്ക് മര്‍ക്കണ്ഡേ എന്നീ താരങ്ങളെ മുംബൈ ട്രേഡിലൂടെ സ്വന്തമാക്കുകയും ചെയ്തു. ലേലത്തില്‍ നിന്ന് അഞ്ച് താരങ്ങളെ കൂടി സ്വന്തമാക്കി മുംബൈ തങ്ങളുടെ കരുത്ത് വര്‍ധിപ്പിച്ചു.
IPL 2026: സിഎസ്കെ ആരാധകർക്ക് സഞ്ജുവിന്റെ ഉറപ്പ്, മലയാളി താരം പറഞ്ഞത് ഒരു കാര്യം; ആർപ്പുവിളിച്ച് കാണികൾ
ക്വിന്‍റണ്‍ ഡി കോക്ക്, വില്‍ ജാക്സ് എന്നിവരായിരിക്കും ആദ്യ ഏഴിലെ മുംബൈ ടീമിന്റെ വിദേശ ബാറ്റര്‍മാരെന്ന് തന്റെ യൂട്യൂബ് ചാനലില്‍ പോസ്റ്റ് ചെയ്ത വീഡിയോയില്‍ ആകാശ് ചോപ്ര പറയുന്നു. "പ്ലെയിങ് ഇലവന്‍ എങ്ങനെയായിരിക്കും? മുംബൈക്ക് ഒരുപാട് ഓപ്ഷനുകള്‍ ലഭ്യമാണ്. രോഹിത് ശര്‍മ, ക്വിന്‍റണ്‍ ഡി കോക്ക്, തിലക് വര്‍മ, സൂര്യകുമാര്‍ യാദവ്, ഹാര്‍ദിക് പാണ്ഡ്യ, വില്‍ ജാക്ക്സ് എന്നിവരായിരിക്കും ആദ്യം കളിക്കുക, നമന്‍ ദിര്‍ ഏഴാമത്തെ പൊസിഷനില്‍ കളിക്കും" - ആകാശ് ചോപ്ര പറഞ്ഞു.

വിദേശ ബോളര്‍മാരില്‍ ട്രെന്റ് ബോള്‍ട്ട്, മിച്ചല്‍ സാന്‍റ്നര്‍ എന്നിവര്‍ക്ക് പകരം കോര്‍ബിന്‍ ബോഷ്, അല്ലാഹ് ഗസന്‍ഫര്‍ എന്നിവരെയാണ് ആകാശ് ചോപ്ര പരിഗണിക്കുന്നത്. "കോര്‍ബിന്‍ ബോഷ് എട്ടാമതും ദീപക് ചഹര്‍ ഒമ്പതാമതും ജസ്പ്രീത് ബുംറ പത്താമതും അല്ലാഹ് ഗസന്‍ഫര്‍ 11ാമതും കളിക്കുമെന്നാണ് എനിക്ക് തോന്നുന്നത്, ഗസന്‍ഫറിന്‍റെ സ്പിന്നും കോര്‍ബിന്‍ ബോഷിന്‍റെ ബോളിങ്ങും ബാറ്റിങ്ങും ടീമിന് ഗുണം ചെയ്യും, മുംബൈ ടീമിന് ആഗ്രഹമുണ്ടാകുമെങ്കിലും ട്രെന്‍റ് ബോള്‍ട്ടിന് ഒരു സ്ഥാനം ഈ ഇലവനില്‍ നല്‍കാന്‍ എനിക്ക് കഴിയുന്നില്ല" - ആകാശ് ചോപ്ര കൂട്ടിച്ചേര്‍ത്തു.

മുംബൈ ടീമിന്റെ പ്ലേയങ് ഇലവന്‍ എങ്ങനെയായിരിക്കുമെന്ന് മാത്രമല്ല, മികച്ച റണ്‍വേട്ടക്കാരനും വിക്കറ്റ് വേട്ടക്കാരനും ആരൊക്കെയായിരിക്കുമെന്ന കാര്യവും ആകാശ് ചോപ്ര പ്രവചിക്കുന്നുണ്ട്. "ആര് റണ്‍വേട്ടക്കാരനാകുമെന്ന് പ്രവചിക്കുക എളുപ്പമല്ല, എങ്കിലും രോഹിത് ശര്‍മയെന്ന് ഞാന്‍ പറയും, കാരണം രോഹിത് അധികം ക്രിക്കറ്റ് കളിക്കുന്നില്ല, ജനുവരിയിലാണ് അദ്ദേഹം കളിച്ചത്, അത്ര മികച്ച പ്രകടനം നടത്തിയില്ല. അതുകൊണ്ട് തന്നെ റണ്‍സെടുക്കാന്‍ രോഹിതിന് ദാഹമുണ്ടാകും" - ആകാശ് ചോപ്ര പറഞ്ഞു.
ആറിൽ അ‍ഞ്ച് തോൽവി, കറ്റാലയെ പുറത്താക്കി കേരള ബ്ലാസ്റ്റേഴ്സ്, പുതിയ പരിശീലകനായി ആഷ്ലി എത്തുന്നു; ഇനി കളി മാറും
"ഏറ്റവും മികച്ച വിക്കറ്റ് വേട്ടക്കാരന്‍റെ കാര്യത്തില്‍ ഞാന്‍ ബുംറയെയാണ് തെരഞ്ഞെടുക്കുന്നത്. മുംബൈയുടെ മാത്രം വിക്കറ്റ് വേട്ടക്കാരനല്ല, ഇത്തവണ ഐപിഎല്ലിലെ പര്‍പ്പിള്‍ ക്യാപ്പും ബുംറ സ്വന്തമാക്കുമെന്നാണ് എനിക്ക് തോന്നുന്നത്" - ആകാശ് ചോപ്ര വിശദീകരിച്ചു. 167.91 സ്ട്രൈക്ക് റേറ്റില്‍ 717 റണ്‍സ് നേടിയ സൂര്യകുമാര്‍ യാദവായിരുന്നു കഴിഞ്ഞ സീസണിലെ മുംബൈയുടെ റണ്‍വേട്ടക്കാരന്‍. ഓറഞ്ച് ക്യാപ്പില്‍ സൂര്യ രണ്ടാം സ്ഥാനത്തായിരുന്നു. 16 മത്സരങ്ങളില്‍ നിന്ന് 22 വിക്കറ്റുകള്‍ നേടിയ ട്രെന്‍റ് ബോള്‍ട്ടായിരുന്നു കഴിഞ്ഞ സീസണില്‍ മുംബൈക്കായി കൂടുതല്‍ വിക്കറ്റുകള്‍ നേടിയത്. 18 വിക്കറ്റുകളുമായി ബുംറ രണ്ടാം സ്ഥാനത്തായിരുന്നു.