IPL 2026: മുരളീധരനെ നേരിടണം, സ്വപ്നം സാക്ഷാത്കരിച്ച് സഞ്ജു സാംസൺ; പക്ഷെ കെെയടിക്കായി അത് ചെയ്തില്ല, സംഭവിച്ചത് ഇങ്ങനെ

ഇന്ത്യൻ പ്രീമിയർ ലീഗിന്റെ 2028 സീസൺ ആരംഭിക്കാൻ ഇനി നാല് ദിവസമാണ് ബാക്കി. ഈ മാസം 28നാണ് ഐപിഎല്ലിലെ ആവേശ പോരാട്ടങ്ങൾ ആരംഭിക്കുന്നത്. ഐപിഎൽ വരാനിരിക്കെ തന്നെ സഞ്ജു സാംസൺ പ്രതീക്ഷകൾ വാനോളം ഉയർത്തിയിരിക്കുകയാണ്. ഐപിഎല്ലിൽ ഇത്തവണ സിഎസ്കെയ്ക്കൊപ്പമുള്ള സഞ്ജുവിന് ഇതിനോടകം വലിയ വരവേൽപ്പാണ് നൽകിയിരിക്കുന്നത്.കഴിഞ്ഞ ദിവസം സിഎസ്കെ തങ്ങളുടെ മുൻ സൂപ്പർ താരങ്ങളേയും പുതിയ താരങ്ങളേയും ഉൾപ്പെടുത്തി ഹോം ഗ്രൗണ്ടായ ചെപ്പോക്കിൽ ഒരു പരിപാടി സംഘടിപ്പിച്ചു. ഇതിലൂടെ വലിയ ആവേശം നൽകുന്ന പല മുഹൂർത്തങ്ങളും ആരാധകർക്ക് കാണാനായി. ഇതിലൊന്ന് സഞ്ജു സാംസൺ മുത്തയ്യ മുരളീധരനെതിരേ ബാറ്റ് ചെയ്തതാണ്. മുൻ ശ്രീലങ്കൻ ഇതിഹാസ സ്പിന്നറായ മുരളീധരൻ സിഎസ്കെയുടെ മുൻ താരം കൂടിയാണ്.

സഞ്ജു സാംസണിന്റെ വലിയ ആഗ്രഹങ്ങളിലൊന്നായിരുന്നു മുരളീധരനെ നേരിടുകയെന്നത്. അന്താരാഷ്ട്ര ക്രിക്കറ്റിൽ സഞ്ജുവിന് ഇത് സാധിക്കുന്നതിന് മുമ്പ് മുരളീധരൻ വിരമിച്ചു. എന്നാൽ സിഎസ്കെയിലൂടെ ഈ ആഗ്രഹം സഞ്ജു സാക്ഷാത്കരിച്ചിരിക്കുകയാണ്. എംഎസ് ധോണി വിക്കറ്റ് കീപ്പറായി നിന്നപ്പോൾ മുരളീധരൻ സഞ്ജുവിനെതിരേ പന്തെറിഞ്ഞു.

മുരളീധരന്റെ ആദ്യത്തെ പന്തുകൾ സഞ്ജുവിനെ വിറപ്പിച്ചെങ്കിലും അവസാന പന്ത് സഞ്ജു സിക്സറും പറത്തി. വലിയ ആർപ്പുവിളികളാണ് ഗ്യാലറയിൽ നിന്ന് ആരാധകർ ഉയർത്തിയത്. എന്നാൽ സഞ്ജു മുരളീധരനെ ബഹുമാനിക്കാനായി ചെയ്ത കാര്യമാണ് ഇപ്പോൾ ആരാധകർ ചർച്ചയാക്കുന്നത്. കരിയറിലെ ഏറ്റവും മികച്ച ഫോമിലാണ് സഞ്ജുവുള്ളത്. ടി20 ലോകകപ്പിലെ അവസാന മൂന്ന് മത്സരത്തിലും തകർപ്പൻ അർധ സെഞ്ചുറികളോടെ സഞ്ജു കസറിയിരുന്നു.
ആറിൽ അ‍ഞ്ച് തോൽവി, കറ്റാലയെ പുറത്താക്കി കേരള ബ്ലാസ്റ്റേഴ്സ്, പുതിയ പരിശീലകനായി ആഷ്ലി എത്തുന്നു; ഇനി കളി മാറും
ടി20 ലോകകപ്പിലെ താരമായി മാറിയ സഞ്ജുവിന് മുരളീധരനെതിരായ എല്ലാ പന്തുകളും സിക്സർ പറത്താനുള്ള അവസരമുണ്ടായിരുന്നു. സീനിയർ താരമായ മുരളീധരന്റെ എല്ലാ പന്തുകളും സിക്സർ പറത്തി ഇതിഹാസത്തെ അപമാനിക്കാതിരിക്കാനാണ് സഞ്ജു ശ്രമിച്ചത്. ക്രീസിൽ നിന്ന് കയറിക്കളിച്ച് സ്റ്റംപൗട്ട് അവസരമടക്കം സഞ്ജു നൽകി. എന്നാൽ സഞ്ജു ഇത് മനപ്പൂർവ്വം ചെയ്തത് ആകാമെന്നാണ് ആരാധകർ പറയുന്നത്.

സഞ്ജുവിന് മുരളീധരനോട് കടുത്ത ആരാധനയുണ്ട്. അതുകൊണ്ടുതന്നെ എല്ലാ പന്തും സിക്സർ പറത്തി അപമാനിക്കുന്നത് ശരിയല്ലെന്ന ബോധ്യം മലയാളി താരത്തിനുണ്ടായിരുന്നു. ഇതുകൊണ്ടാവാം സഞ്ജു അവസാന പന്ത് മാത്രം സിക്സർ പറത്തിയത്. എല്ലാ പന്തും സിക്സർ പറത്തി ആരാധകരുടെ കെെയടി നേടാൻ സഞ്ജുവിന് സാധിക്കുമായിരുന്നെങ്കിലും ഇതിഹാസ താരത്തെ ബഹുമാനിക്കാനുള്ള പക്വത സഞ്ജു കാട്ടിയെന്നാണ് ആരാധകർ പറയുന്നത്.

IPL 2026: സിഎസ്കെ ആരാധകർക്ക് സഞ്ജുവിന്റെ ഉറപ്പ്, മലയാളി താരം പറഞ്ഞത് ഒരു കാര്യം; ആർപ്പുവിളിച്ച് കാണികൾ

സഞ്ജുവിന് വലിയ ആരാധക പിന്തുണയാണ് സിഎസ്കെയിൽ ലഭിക്കുന്നത്. എംഎസ് ധോണിയുടെ പേരു കേൾക്കുമ്പോൾ ഉള്ള അതേ ആവേശം സഞ്ജുവിന്റെ പേര് പറയുമ്പോഴും ഗ്യാലറിയിൽ ഉണ്ടാകുന്നുണ്ട്. ധോണിക്ക് ശേഷം സഞ്ജു സിഎസ്കെയുടെ മുഖമായി മാറുമെന്ന കാര്യം ഉറപ്പിക്കാവുന്ന തരത്തിലുള്ള പ്രതികരണമാണ് ആരാധകരിൽ നിന്ന് ലഭിക്കുന്നത്.

ഈ സീസണിൽ ഏറ്റവും മികച്ച പ്രകടനത്തോടെ കെെയടി നേടാൻ സഞ്ജുവിന് സാധിക്കുമോയെന്നതാണ് ഇനി കാത്തിരുന്ന് കാണേണ്ടത്. ധോണിയുടെ വലിയ പിന്തുണ സഞ്ജുവിന് ലഭിക്കുന്നുണ്ട്. ധോണിക്ക് ശേഷം സിഎസ്കെയുടെ അടുത്ത ഇതിഹാസമായി സഞ്ജു വരുമെന്ന കാര്യം ഉറപ്പിച്ച് തന്നെ പറയാം.