IPL 2026: വൈഭവിന് ഇനി സ്റ്റാറായി കാറില്‍ യാത്ര; കഴിഞ്ഞ സീസണിലെ സമ്മാനം ഇപ്പോഴാണോ കിട്ടിയത്? രാജസ്ഥാന് വേണ്ടി ഈ സീസണിലും മിന്നിക്കും

കഴിഞ്ഞ ഐപിഎല്‍ സീസണിൽ ക്രിക്കറ്റ് ലോകത്തെ ഞെട്ടിച്ച താരമായിരുന്നു വൈഭവ് സൂര്യവംശി . 2025 താരലേലത്തില്‍ 14കാരനായ വൈഭവിനെ രാജസ്ഥാന്‍ റോയല്‍സ് സ്വന്തമാക്കിയപ്പോള്‍ പലരും നെറ്റി ചുളിച്ചിരുന്നു. ആദ്യ മത്സരങ്ങളില്‍ വൈഭവിന് കളിക്കാന്‍ അവസരം ലഭിച്ചതുമില്ല. എന്നാല്‍ ഓപ്പണറായി കളിച്ചിരുന്ന ക്യാപ്റ്റന്‍ സഞ്ജു സാംസണ് പരിക്കേറ്റതോടെ വൈഭവ് പ്ലെയിങ് ഇലവനിലെത്തി. അരങ്ങേറ്റത്തിലെ ആദ്യ പന്തില്‍ തന്നെ സിക്സടിച്ച് ഞെട്ടിച്ച വൈഭവ് പിന്നീട് ഗുജറാത്ത് ടൈറ്റന്‍സിനെതിരെ വെടിക്കെട്ട് സെഞ്ചുറിയും സ്വന്തമാക്കി. പരിക്ക് മാറി സഞ്ജു സാംസണ്‍ തിരിച്ചെത്തിയപ്പോഴും ഓപ്പണിങ്ങിലെ സ്ഥാനം വൈഭവിന് നഷ്ടമായില്ല. 7 ഇന്നിങ്സുകളില്‍ നിന്ന് 206.56 സ്ട്രൈക്ക് റേറ്റില്‍ 252 റണ്‍സാണ് വൈഭവ് നേടിയത്. ഈ പ്രകടനത്തോടെ വൈഭവ് സീസണിലെ സൂപ്പര്‍ സ്ട്രൈക്കര്‍ പുരസ്കാരവും സ്വന്തമാക്കി. ടാറ്റ കര്‍വ് കാറായിരുന്നു സമ്മാനം. കാര്‍ സമ്മാനം നേടിയാലും വൈഭവിന് വാഹനമോടിക്കാന്‍ ലൈസന്‍സ് ലഭിക്കില്ലല്ലോ എന്ന കാര്യം അന്ന് വലിയ ചര്‍ച്ചയായി മാറിയിരുന്നു.
T20 WC 2026: 'ജയിക്കാന്‍ എന്ത് ചെയ്യണമെന്ന് വിൻഡീസിന് അറിയാം'; ഇന്ത്യ വിയർക്കുമെന്ന് ഉറപ്പ്; മുന്നറിയിപ്പുമായി ഇതിഹാസ താരം
ഇപ്പോഴിതാ, വൈഭവിന് സമ്മാനമായി ലഭിക്കേണ്ട കാര്‍ നല്‍കിയിരിക്കുകയാണ് ടാറ്റ. വെള്ള നിറത്തിലുള്ള ടാറ്റ കര്‍വ് കാറാണ് വൈഭവ് സൂര്യവംശിയും കുടുംബവും ചേര്‍ന്ന് ഏറ്റുവാങ്ങിയത്. കാര്‍ സമ്മാനിക്കുന്ന ചിത്രം ടാറ്റ ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്. വൈഭവിന് കാര്‍ ലഭിച്ചതില്‍ സന്തോഷം പ്രകടിപ്പിച്ച് നിരവധി പേരാണ് ഈ പോസ്റ്റിന് താഴെ കമന്‍റ് ചെയ്തിരിക്കുന്നത്. ഇനി സ്റ്റാറായി വൈഭവും കുടുംബവും ടാറ്റ കാറില്‍ യാത്ര ചെയ്യും.


2026 ഐപിഎല്ലിലും വൈഭവ് മിന്നിക്കുമെന്നാണ് രാജസ്ഥാന്‍ ടീമും ആരാധകരും പ്രതീക്ഷിക്കുന്നത്. ആഭ്യന്തര ക്രിക്കറ്റിലും അണ്ടര്‍ 19 ക്രിക്കറ്റിലും തകര്‍പ്പന്‍ പ്രകടനമാണ് കഴിഞ്ഞ ഐപിഎല്ലിന് ശേഷം വൈഭവ് നടത്തിയത്. വിവിധ ഫോര്‍മാറ്റുകളിലും ടൂര്‍ണമെന്‍റുകളിലുമായി വെടിക്കെട്ട് സെഞ്ചുറികളാണ് വൈഭവ് സ്വന്തമാക്കിയത്. അടുത്തിടെ സമാപിച്ച അണ്ടര്‍ 19 ലോകകപ്പില്‍ ഇന്ത്യ കിരിടം നേടിയപ്പോള്‍ വൈഭവിന്‍റെ പ്രകടനം ഏറെ നിര്‍ണായമായി മാറിയിരുന്നു.
T20 WC 2026: സഞ്ജു സാംസണ്‍ സിംബാബ്‌വെക്കെതിരെ കളിച്ചില്ലെങ്കില്‍ വീണ്ടും അത് സംഭവിക്കും; ഇനിയും റിസ്കെടുക്കാനാകില്ല, ഇന്ത്യയ്ക്ക് വിജയം അനിവാര്യം
അണ്ടര്‍ 19 ലോകകപ്പില്‍ 62.71 ശരാശരിയിലും 169.49 സ്ട്രൈക്ക് റേറ്റിലുമായി 439 റണ്‍സാണ് വൈഭവ് സൂര്യവംശി നേടിയത്. ഒരു സെഞ്ചുറിയും മൂന്ന് അര്‍ധസെഞ്ചുറികളും വൈഭവ് ടൂര്‍ണമെന്‍റില്‍ നേടിയിരുന്നു. ഇംഗ്ലണ്ടിനെതിരെ നടന്ന ഫൈനല്‍ മത്സരത്തിലാണ് വൈഭവ് സൂര്യവംശി സെഞ്ചുറിയടിച്ചത്. 80 പന്തില്‍ 15 സിക്സുകളും ഫോറുകളും സഹിതം 175 റണ്‍സാണ് വൈഭവ് അടിച്ചുകൂട്ടിയത്. അണ്ടര്‍ 19 ലോകകപ്പിന് ശേഷം നേരെ രാജസ്ഥാന്‍ റോയല്‍സിന്‍റെ പരിശീലന ക്യാമ്പിലേക്കാണ് വൈഭവ് പോയത്. രാജസ്ഥാന്‍ ക്യാമ്പില്‍ പങ്കെടുക്കുന്നതിനായി പത്താം ക്ലാസ് പരീക്ഷ പോലും വൈഭവ് ഒഴിവാക്കിയിരുന്നു.