IPL 2026: സഞ്ജുവിനും ശ്രേയസിനും വെല്ലുവിളി, ഗിൽ ജിടിയെ കപ്പടിപ്പിച്ചാൽ ഇന്ത്യൻ ടി20 ക്യാപ്റ്റൻ? മുൻതൂക്കം നൽകുന്നത് ഇക്കാര്യങ്ങൾ

ഇന്ത്യൻ പ്രീമിയർ ലീഗിന്റെ 2026 സീസണിലെ പ്ലേ ഓഫ് പോരാട്ടം കടുക്കുകയാണ്. ആരൊക്കെ പ്ലേ ഓഫിലേക്കെത്തുമെന്ന് ഉറപ്പിച്ച് പറയാൻ സാധിക്കാത്ത അവസ്ഥയാണ് ഇപ്പോഴുമുള്ളത്. എന്നാൽ ഗുജറാത്ത് ടെെറ്റൻസ് തകർപ്പൻ പ്രകടനത്തോടെ മികവ് കാട്ടി കിരീട പ്രതീക്ഷ സജീവമാക്കുകയാണ്. അവസാന അഞ്ച് മത്സരത്തിലും ടീം തോൽവി അറിഞ്ഞിട്ടില്ല. ശുഭ്മാൻ ഗില്ലിന് കീഴിൽ ഒത്തിണക്കത്തോടെ കളിക്കുന്ന ഗുജറാത്ത് പ്ലേ ഓഫിന് തൊട്ടടുത്താണെന്ന് പറയാം.12 മത്സരത്തിൽ നിന്ന് 16 പോയിന്റ് നേടിയ ഗുജറാത്തിന് ഒരു ജയംകൊണ്ട് തന്നെ പ്ലേ ഓഫിൽ സീറ്റുറപ്പിക്കാൻ സാധിച്ചേക്കും. ഗുജറാത്ത് ടെെറ്റൻസ് കിരീടത്തിലേക്ക് അടുക്കവെ ക്യാപ്റ്റനെന്ന നിലയിൽ ശുഭ്മാൻ ഗില്ലിന് കാര്യങ്ങൾ അനുകൂലമായി വരികയാണ്. ഇത്തവണ ഗുജറാത്തിനെ കിരീടത്തിലേക്കെത്തിക്കാൻ ഗില്ലിന് സാധിച്ചാൽ അത് താരത്തിന്റെ കരിയറിൽ വലിയൊരു മാറ്റത്തിന് കാരണമായി മാറിയേക്കും.

നിലവിൽ ഇന്ത്യയുടെ ടെസ്റ്റ്, ഏകദിന നായകനാണ് ശുഭ്മാൻ ഗിൽ. എന്നാൽ ഇന്ത്യയുടെ ടി20 ടീമിൽ പോലും ഗില്ലിന് സ്ഥാനമില്ല. അവസാന ടി20 ലോകകപ്പിന് മുമ്പ് ടീമിൽ നിന്ന് ഗിൽ തഴയപ്പെടുകയായിരുന്നു. ഇപ്പോൾ ഗില്ലിന് തിരിച്ചുവരവ് പോലും പ്രയാസമായി മാറിയിരിക്കുകയാണെന്ന് പറയാം. എന്നാൽ ഇത്തവണത്തെ ഐപിഎല്ലിൽ ഗുജറാത്തിനെ കിരീടത്തിലേക്കെത്തിക്കാൻ സാധിച്ചാൽ ഗില്ലിന് ഈ പ്രശ്നത്തിന് പരിഹാരം കാണാൻ സാധിക്കും.

നിലവിൽ ഇന്ത്യക്ക് പുതിയ ടി20 നായകനെ ആവശ്യമാണ്. പൊതുവേ മൂന്ന് ഫോർമാറ്റിലും ഒരു ക്യാപ്റ്റനെ നിയമിക്കാനാണ് ഇന്ത്യക്ക് താൽപര്യം. എന്നാൽ കുറച്ച് കാലങ്ങളായി ഇതിന് സാധിക്കുന്നില്ല. ഇപ്പോൾ ഇന്ത്യയുടെ ടി20 നായകൻ സൂര്യകുമാർ യാദവാണ്. എന്നാൽ സൂര്യകുമാറിനെ മാറ്റി പകരം ശ്രേയസ് അയ്യർ , സഞ്ജു സാംസൺ എന്നിവരിലൊരാളെ ഇന്ത്യ ടി20 ക്യാപ്റ്റനാക്കാനുള്ള നീക്കത്തിലാണ്.
PBKS vs DC IPL 2026: ആദ്യ 7 മത്സരത്തിൽ തോൽവി അറിഞ്ഞില്ല, ഇപ്പോൾ 4 തുടർ തോൽവി; പഞ്ചാബ് പ്ലേ ഓഫ് കാണില്ലേ? ടീമിന് പിഴക്കുന്നത് എവിടെ?
എന്നാൽ ഗില്ലിന് ഇത്തവണ ഗുജറാത്തിനെ കപ്പിലേക്കെത്തിക്കാൻ സാധിച്ചാൽ ടി20 നായകസ്ഥാനത്തേക്ക് അദ്ദേഹത്തിന് എത്താൻ സാധിച്ചേക്കും. ബിസിസി ഐ മൂന്ന് ഫോർമാറ്റിലും ഒരു നായകനെ പിന്തുണക്കുന്നതിനാൽ ഗില്ലിന് കരുത്തുകാട്ടാനായാൽ ശ്രേയസിനെക്കാളും സഞ്ജുവിനെക്കാളും മുൻതൂക്കം ഗില്ലിന് തന്നെയാണെന്ന് നിസംശയം പറയാൻ സാധിക്കും.

ക്യാപ്റ്റനെന്ന നിലയിൽ ഗുജറാത്തിനെ അത്ഭുത തിരിച്ചുവരവിലേക്കെത്തിക്കാൻ ഗില്ലിന് സാധിച്ചിട്ടുണ്ട്. ആദ്യ രണ്ട് മത്സരത്തിൽ തോറ്റ ഗുജറാത്ത് അവസാന അഞ്ച് മത്സരത്തിലും തോൽവി അറിയാതെയാണ് കുതിക്കുന്നത്. ഈ മികവ് കിരീടത്തിലേക്കെത്തുമോയെന്നതാണ് ഇനി കണ്ടറിയേണ്ടത്. ഗില്ലിന് ബാറ്റുകൊണ്ട് ഭേദപ്പെട്ട പ്രകടനം കാഴ്ചവെക്കാൻ സാധിക്കുന്നുണ്ട്.

Sanju Samson: നാലാം ക്ലാസിൽ പഠിക്കുമ്പോഴാണ് ആ സംഭവം, അന്ന് മുതൽ ധോണി ആരാധകൻ; പഴയ ഓർമ പങ്കുവെച്ച് സഞ്ജു സാംസൺ

11 മത്സരത്തിൽ നിന്ന് 467 റൺസാണ് ഗിൽ നേടിയിരിക്കുന്നത്. 42.45 ശരാശരിയിൽ കളിക്കുന്ന ഗില്ലിന് 158.30 സ്ട്രെെക്ക് റേറ്റുമുണ്ട്. നാല് അർധ സെഞ്ചുറികളും നേടിയ ഗിൽ റൺവേട്ടയിൽ സഞ്ജുവിനെക്കാളും ശ്രേയസിനെക്കാളും മുന്നിലാണ്. ഇപ്പോൾ പന്ത് ഗില്ലിന്റെ കോർട്ടിലാണെന്ന് പറയാം. ടീമിനെ കപ്പിലേക്കെത്തിക്കാൻ ഗില്ലിന് സാധിച്ചാൽ ഇന്ത്യയുടെ ടി20 ക്യാപ്റ്റൻ സ്ഥാനത്തേക്കെത്താനും ഗില്ലിന് സാധിക്കുമെന്ന് തന്നെ കരുതാം.