IPL 2026: സൂപ്പർ ഓവർ എറിയാൻ എളുപ്പമല്ലേ...നരെയ്ന് ഇതൊക്കെ നിസാരം, മറ്റാർക്കുമില്ലാത്ത റെക്കോഡ്; റിങ്കുവിന്റെ പോരാട്ടം പാഴായില്ല

ഇന്ത്യൻ പ്രീമിയർ ലീഗിലെ സൂപ്പർ ത്രില്ലറിൽ ലഖ്നൗ സൂപ്പർ ജയ്ന്റ്സിനെ സൂപ്പർ ഓവറിൽ തോൽപ്പിച്ചിരിക്കുകയാണ് കൊൽക്കത്ത നെെറ്റ് റെെഡേഴ്സ്. ആദ്യം ബാറ്റ് ചെയ്ത കെകെആർ ഏഴ് വിക്കറ്റിന് 155 റൺസെടുത്തപ്പോൾ സ്വന്തം തട്ടകത്തിൽ എട്ട് വിക്കറ്റിന് 155 റൺസെടുക്കാനെ ലഖ്നൗ സൂപ്പർ ജയ്ന്റ്സിനും സാധിച്ചുള്ളൂ. ഇതോടെ സൂപ്പർ ഓവറിലേക്ക് മത്സരം നീണ്ടു.സൂപ്പർ ഓവറിൽ ആദ്യം ബാറ്റ് ചെയ്യാനിറങ്ങിയ ലഖ്നൗവിനായി നിക്കോളാസ് പുരാനും എയ്ഡൻ മാർക്രവുമാണ് ഓപ്പണർമാരായി എത്തിയത്. ആദ്യ പന്തിൽത്തന്നെ നിക്കോളാസ് പുരാനെ സുനിൽ നരെയ്ൻ ക്ലീൻബൗൾഡാക്കി. മൂന്നാമനായി ക്രീസിലെത്തിയ ഋഷഭ് പന്ത് രണ്ടാം പന്തിൽ സിംഗിളെടുത്തപ്പോൾ മൂന്നാം പന്തിൽ എയ്ഡൻ മാർക്രത്തെയും പുറത്താക്കി സുനിൽ നരെയ്ൻ ലഖ്നൗവിന്റെ സ്കോർ ഒന്നിൽ ഒതുക്കി.

മറുപടിക്കിറങ്ങിയ കെകെആറിനായി ആദ്യ പന്തിൽത്തന്നെ പ്രിൻസ് യാദവിനെ ബൗണ്ടറി പായിച്ച് റിങ്കു സിങ് ടീമിന് വിജയം നേടിക്കൊടുത്തു. റിങ്കു സിങ്ങിന്റെ കിടിലൻ ബാറ്റിങ്ങിലും സുനിൽ നരെയ്ന്റെ സൂപ്പർ ബൗളിങ്ങുമാണ് കെകെആറിന് ജയമൊരുക്കിയത്. സുനിൽ നരെയ്ൻ സൂപ്പർ ഓവറിൽ ഗംഭീര റെക്കോഡുള്ള ബൗളറാണ്. സൂപ്പർ ഓവർ മെയ്ഡൻ ആക്കി ലോക റെക്കോഡിട്ട ബൗളറാണ് നരെയ്ൻ. ഈ മികവ് തന്നൊണ് കെകെആർ ക്യാപ്റ്റനായ അജിൻക്യ രഹാനെ സുനിൽ നരെയ്ന് പന്ത് കൊടുക്കാൻ കാരണം.

ഇതുവരെ സൂപ്പർ ഓവറിൽ 4.2 ഓവർ എറിഞ്ഞ നരെയ്ൻ വെറും 25 റൺസാണ് വഴങ്ങിയത്. ആറ് വിക്കറ്റും വീഴ്ത്തിയ താരത്തിന്റെ ഇക്കോണമി 5.77 ആണെന്നതാണ് ശ്രദ്ധേയം. മറ്റൊരു ബൗളർക്കും സൂപ്പർ ഓവറിൽ ഇത്രയും മികച്ച റെക്കോഡ് അവകാശപ്പെടാൻ സാധിക്കില്ല. നിക്കോളാസ് പുരാനെ സൂപ്പർ ഓവറിൽ ഇറക്കിയത് ലഖ്നൗ കാട്ടിയ ഏറ്റവും വലിയ മണ്ടത്തരമാണ്.
IPL 2026: സഞ്ജു ഫ്ളോപ്പായാൽ സിഎസ്കെ തോൽക്കും? ഇതെന്ത് ദുർവിധി; മിന്നൽ സ്റ്റംപിങ്ങുകൊണ്ടും കാര്യമുണ്ടായില്ല, കണക്കുകളിതാ
സമീപകാലത്തായി മോശം ഫോമിലുള്ള പുരാൻ സൂപ്പർ ഓവറിൽ ഏറ്റവും നിരാശപ്പെടുത്തിയിട്ടുള്ള താരങ്ങളിലൊരാളാണ്. 0,0,0,1,0 എന്നിങ്ങനെയാണ് പുരാന്റെ സ്കോർ. 10 പന്ത് സൂപ്പർ ഓവർ കളിച്ചപ്പോൾ നേടിയത് ഒരു റൺസ് മാത്രമാണ്. അഞ്ച് തവണ പുറത്താവുകയും ചെയ്തു. ഇത്രയും മോശം റെക്കോഡുള്ള പുരാനെ എന്തിന് വിശ്വസിച്ചു എന്നതാണ് ലഖ്നൗവിനോട് ആരാധകർ ചോദിക്കുന്നത്.

കെകെആറിനെ ഈ വിജയത്തിലേക്കെത്തിച്ചതിന് പിന്നിൽ റിങ്കു സിങ്ങിന്റെ മികവിന് കെെയടിക്കാതെ തരമില്ല. 50 പന്തിൽ 83 റൺസോടെ പുറത്താവാതെ നിന്ന റിങ്കുവിന്റെ ബാറ്റിങ് വെടിക്കെട്ടാണ് കെകെആറിനെ ഭേദപ്പെട്ട സ്കോറിലേക്കെത്തിച്ചത്. അവസാന ഓവറിലെ റിങ്കുവിന്റെ നാല് സിക്സർ പ്രകടനം കെകെആറിന്റെ ജയത്തിൽ നിർണ്ണായകമായി. നാല് ക്യാച്ചുകൾ നേടിയ റിങ്കു സൂപ്പർ ഓവറിലും ഒരു ക്യാച്ച് നേടി. സൂപ്പർ ഓവറിൽ ആദ്യ പന്ത് തന്നെ ബൗണ്ടറി നേടി റിങ്കു ടീമിനെ ജയിപ്പിക്കുകയും ചെയ്തു.
IPL 2026: അത് എങ്ങനെ ഔട്ടാവും? അൻകൃഷ് രഘുവംശിയുടെ പുറത്താകലിൽ വിവാദം കത്തുന്നു; ഋഷഭിനെതിരേ ആരാധക രോഷം

അൻകൃഷ് രഘുവംശി ഫീൽഡിങ് തടസപ്പെടുത്തിയതിന് പുറത്തായതിന് പിന്നാലെ ലഖ്നൗ ക്യാപ്റ്റനായ ഋഷഭ് പന്തിനെതിരേ വിമർശനം ഉയർന്നിരുന്നു. മാന്യത കാട്ടാത്ത ഋഷഭിന്റെ ടീം തോൽവി അർഹിക്കുന്നുണ്ടെന്നാണ് ആരാധകർ പറയുന്നത്. എന്തായാലും കെകെആർ അർഹിച്ച ജയം തന്നെയാണ് നേടിയെടുത്തതെന്ന് പറയാം.