IPL 2026: ഹാർദിക് സിഎസ്കെയിലേക്കോ? മുംബെെ ഒരിക്കലും വിട്ടുകൊടുക്കരുത്; കൂടുമാറ്റ റിപ്പോർട്ടിനിടെ മുന്നറിയിപ്പുമായി സെവാ​ഗ്

ഇന്ത്യൻ പ്രീമിയർ ലീഗിന്റെ 2026 സീസൺ പ്ലേ ഓഫിലേക്ക് അടുക്കുകയാണ്. ഇതിനോടകം തന്നെ ചില ടീമുകൾ പ്ലേ ഓഫ് കാണാതെ പുറത്തായിക്കഴിഞ്ഞു. ഇതിലൊരു ടീമാണ് മുംബെെ ഇന്ത്യൻസ് . ഹാർദിക് പാണ്ഡ്യ നയിക്കുന്ന മുംബെെ ഇന്ത്യൻസ് ഇത്തവണ താരസമ്പന്നമായിരുന്നു. എന്നാൽ സീനിയർ താരങ്ങൾ നിരാശപ്പെടുത്തിയപ്പോൾ പ്ലേ ഓഫ് കാണാതെ മുംബെെക്ക് പുറത്തുപോകേണ്ടി വന്നു.ഹാർദിക് പാണ്ഡ്യയുടെ ക്യാപ്റ്റൻസിയാണ് മുംബെെയുടെ പുറത്താകലിന് പിന്നാലെ വലിയ വിമർശനം നേരിട്ടത്. ഇതോടെ ഹാർദിക് മുംബെെ വിട്ടേക്കുമെന്ന തരത്തിലുള്ള റിപ്പോർട്ടുകളാണ് ഇപ്പോൾ പുറത്തുവരുന്നത്. നായകസ്ഥാനത്ത് നിന്നടക്കം ഹാർദിക്കിനെ മാറ്റി നിർത്തിയിരിക്കുകയാണെന്ന് പറയാം. ക്യാപ്റ്റൻ സ്ഥാനത്ത് സൂര്യകുമാർ യാദവിനേയും ജസ്പ്രീത് ബുംറയേയുമാണ് ഇപ്പോൾ‌ മുംബെെ ഉപയോഗിക്കുന്നത്. ടീം മാനേജ്മെന്റിന് ഹാർദിക്കിൽ വിശ്വാസം നഷ്ടപ്പെട്ടുവെന്ന് പറയാം.

മുംബെെ ഇന്ത്യൻസിൽ നിന്ന് ഹാർദിക് സിഎസ്കെയിലേക്ക് കൂടുമാറിയേക്കുമെന്ന റിപ്പോർട്ടുകൾ പുറത്തുവരവെ മുംബെെ ഇന്ത്യൻസിന് മുന്നറിയിപ്പുമായി രംഗത്തെത്തിയിരിക്കുകയാണ് മുൻ ഇന്ത്യൻ ഓപ്പണറായ വീരേന്ദർ സെവാഗ്. 'ഗോസിപ്പുകളെ മുഖവിലക്ക് എടുക്കുന്നില്ല. ഞാനാണെങ്കിൽ‌ ഹാർദിക്കിനെ നിലനിർത്തും. ഡ്രസിങ് റൂമിലെ പ്രശ്നങ്ങൾക്കെല്ലാം അവസാനം കാണാൻ സാധിക്കും.

കാരണം നിങ്ങൾ ഒരു ടീമാണ്. എന്നാൽ‌ ഹാർദിക് വളരെ മൂല്യമുള്ള താരമാണ്. മുംബെെ ഇന്ത്യൻസിന് അവനെ ആവശ്യമാണ്. മുംബെെ ഇന്ത്യൻസിന്റെ നായകനല്ലായിരുന്ന സമയത്ത് മികച്ച പ്രകടനം നടത്തിയിട്ടുള്ളവനാണവൻ. അവന് 16.35 കോടി കുറവാണ്. 27 കോടി മൂല്യമുള്ള താരമാണ് ഹാർദിക്. അവനെ എന്ത് വിലകൊടുത്തും നിലനിർത്തണം. കാരണം അവന്റെ പ്രതിഭക്ക് ഉത്തമ പകരക്കാരെ കണ്ടെത്തുക പ്രയാസമാണ് ' ക്രിക്ക് ബസിൽ സംസാരിക്കവെ വീരേന്ദർ സെവാഗ് പറഞ്ഞു.
MI vs PBKS IPL 2026: പാവം പഞ്ചാബ്, 5 തുടർ തോൽവി; പ്ലേ ഓഫ് മോഹം പൊലിയുമോ? തിലകിന്റെ തോളിലേറി മുംബെെക്ക് ജയം
എന്നാൽ ഹാർദിക് മുംബെെ വിടാനുള്ള സാധ്യതയാണ് കൂടുതലെന്ന് പറയാം. ഗുജറാത്ത് ടെെറ്റൻസിനെ പ്രഥമ സീസണിൽ കപ്പടിപ്പിക്കുകയും രണ്ടാം തവണ റണ്ണറപ്പാക്കുകയും ചെയ്തതിന് പിന്നാലെയാണ് ഹാർദിക്കിനെ മുംബെെ ടീമിലേക്ക് കൊണ്ടുവന്നതും ക്യാപ്റ്റൻ സ്ഥാനം നൽകിയതും. മുംബെെയുടെ നായകസ്ഥാനം ഹാർദിക് ചോദിച്ചുവാങ്ങിയതാണെന്ന് തന്നെ പറയാം. ഇതിൽ പല സീനിയർ താരങ്ങൾക്കും അതൃപ്തിയുണ്ടായിരുന്നു.

രോഹിത് ശർമയെ മാറ്റിയാണ് ഹാർദിക്കിനെ ക്യാപ്റ്റനാക്കിയത്. സൂര്യകുമാർ യാദവും ജസ്പ്രീത് ബുംറയും ടീമിലുണ്ടായിട്ടും ഇവരെ മറികടന്ന് ഹാർദിക് നായകസ്ഥാനത്തേക്കെത്തി. ഇതിൽ ഈ സീനിയർ താരങ്ങൾക്കും അതൃപ്തിയുണ്ടായിരുന്നു. ഹാർദിക്കിനെ മുംബെെ ആരാധകർ തട്ടകത്തില്‌ കൂവുന്ന സാഹചര്യം പോലും ഉണ്ടായി. ഹാർദിക്കിന് മുംബെെ ടീമിനുള്ളിൽ വില ലഭിക്കുന്നില്ലെന്ന് തന്നെ പറയാം.

MI vs PBKS IPL 2026: ഒടുവിൽ വിഷ്ണു വിനോദിന് അവസരം, നിർണ്ണായക 'ഇംപാക്ട്' സൃഷ്ടിച്ച് മലയാളി താരം; ഡെത്തോവറിൽ മിന്നിച്ചു

സഹതാരങ്ങളും ഹാർദിക്കിന് വലിയ വില നൽകുന്നില്ല. ഇതെല്ലാം ഡ്രസിങ് റൂമിലെ സാഹചര്യം മോശമാക്കുന്നുണ്ട്. ഹാർദിക്കിന് കീഴിൽ മുംബെെക്ക് തിരിച്ചുവരവ് പ്രയാസമാണ്. ഈ സാഹചര്യത്തിൽ ഹാർദിക്കിനെ ഒഴിവാക്കാൻ തന്നെയാവും മുംബെെ ടീം തീരുമാനിക്കുക. ജസ്പ്രീത് ബുംറയെ നായകനാക്കി വലിയൊരു അഴിച്ചുപണിയിലേക്ക് മുംബെെ കടക്കാനാണ് സാധ്യത.

സൂര്യകുമാർ യാദവ് ടീമിൽ തുടരാൻ സാധ്യത കുറവാണ്. മുംബെെയുടെ ബൗളിങ് നിരയിലും വലിയ മാറ്റങ്ങളുണ്ടാവും. ഹാർദിക് പാണ്ഡ്യക്ക് സിഎസ്കെയിലേക്കെത്തിയാൽ നായകസ്ഥാനം ലഭിക്കാൻ സാധ്യത കുറവാണ്. എന്നാൽ ഹാർദിക്കിനെപ്പോലൊരു ഓൾറൗണ്ടറെ സിഎസ്കെയ്ക്ക് ആവശ്യമാണ്. അതുകൊണ്ടുതന്നെ ഈ കൂടുമാറ്റം നടന്നേക്കും.