IPL 2026: ഹാർദിക്കിന് സുഖമില്ലെന്ന് മുംബെെ, ലഖ്നൗവിനെതിരേ കളിക്കുന്നില്ല; ക്യാപ്റ്റനെ മനപ്പൂർവ്വം ഒതുക്കിയതോ? പ്രതികരിച്ച് ആരാധകർ

ഇന്ത്യൻ പ്രീമിയർ ലീഗിന്റെ 2026 സീസണിലെ ലഖ്നൗ സൂപ്പർ ജയ്ന്റ്സിനെതിരേ മുംബെെ ഇന്ത്യൻസ് ആദ്യം പന്തെറിയുകയാണ്. മുംബെെയുടെ പ്ലേയിങ് ഇലവനിലേക്ക് രോഹിത് ശർമ തിരിച്ചെത്തിയപ്പോൾ ക്യാപ്റ്റൻ ഹാർദിക് പാണ്ഡ്യക്ക് വിശ്രമം നൽകിയിരിക്കുകയാണ്. സൂര്യകുമാർ യാദവാണ് മത്സരത്തിൽ മുംബെെയെ നയിക്കുന്നത്. ഹാർദിക്കിന് സുഖമില്ലാത്തതിനാൽ വിശ്രമം അനുവദിച്ചുവെന്നാണ് മുംബെെ ഇന്ത്യൻസ് അറിയിച്ചിരിക്കുന്നത്.എന്നാൽ മുംബെെ ഇന്ത്യൻസ് പ്ലേ ഓഫ് കാണാതെ പുറത്തായതിന് തൊട്ട് പിന്നാലെയുള്ള മത്സരത്തിൽ ക്യാപ്റ്റന് സുഖമില്ലെന്ന് പറഞ്ഞ് വിശ്രമം നൽകിയത് ഒഴിവാക്കിയതാണെന്നാണ് ആരാധകർ പ്രതികരിക്കുന്നത്. ഹാർദിക്കിന്റെ ക്യാപ്റ്റൻസിയിൽ ടീം മാനേജ്മെന്റിന് അതൃപ്തിയുണ്ട്. ഇത് വ്യക്തമാക്കുന്നതാണ് ഇപ്പോൾ അദ്ദേഹത്തെ പ്ലേയിങ് ഇലവനിൽ നിന്ന് തഴഞ്ഞ നടപടിയെന്നാണ് ആരാധകർ പ്രതികരിക്കുന്നത്.

ഹാർദിക്കിന് വിശ്രമം അനുവദിച്ച മത്സരത്തിൽ രോഹിത് ശർമ തിരിച്ചെത്തിയതും ആരാധകരുടെ സംശയം ഉയർത്തുന്ന കാര്യമാണ്. രോഹിത്തിനെ കളിപ്പിക്കുന്നതിൽ ഹാർദിക്കിന് അതൃപ്തിയുണ്ടെന്ന ചില റിപ്പോർട്ടുകൾ പ്രചരിച്ചിരുന്നു. ഇത് ശരിവെക്കുന്ന തരത്തിലാണ് നിലവിലെ നീക്കങ്ങളെന്ന് പറയാം. രോഹിത് ശർമയെ ഇംപാക്ട് പ്ലയറായി ഓപ്പണിങ്ങിൽ ഇറക്കാനുള്ള നീക്കമാണ് മുംബെെ നടത്തിയിരിക്കുന്നത്.

കഴിഞ്ഞ മത്സരങ്ങളിലെല്ലാം രോഹിത്തിനെ ഫിറ്റ്നസോടെയാണ് കാണപ്പെട്ടത്. എന്നാൽ ഇംപാക്ട് പ്ലയറായിപ്പോലും കളിപ്പിക്കാത്തത് മുംബെെയെ പ്രതികൂലമായി ബാധിച്ചിരുന്നു. അതുകൊണ്ടുതന്നെ പ്ലേ ഓഫ് സീറ്റ് നഷ്ടമായതിന് പിന്നാലെ രോഹിത്തിനെ കളിപ്പിച്ചത് എന്തിനാണെന്ന ചോദ്യം ആരാധകർ ഉയർത്തുകയാണ്. കഴിഞ്ഞ മത്സരങ്ങളിലൊന്നും മുംബെെക്ക് പ്രതീക്ഷിച്ച പ്രകടനം നടത്താൻ സാധിച്ചിരുന്നില്ല.
IPL 2026: തോൽവി അറിയാതെ 7 മത്സരം, ഇപ്പോൾ 2 തുടർ തോൽവി; പഞ്ചാബ് ഭയക്കേണ്ടത് ആ പ്രശ്നം; ശ്രേയസും സംഘവും സൂക്ഷിക്കണം
ഓപ്പണിങ്ങിലും പ്രതീക്ഷിച്ച പ്രകടനം നടത്താൻ മുംബെെക്ക് സാധിച്ചിരുന്നില്ല. രോഹിത് ശർമയെ മനപ്പൂർവ്വം മുംബെെ കളിപ്പിക്കാത്തതാണോയെന്ന സംശയവും ഇപ്പോൾ ഉയരുകയാണ്. ഹാർദിക് പാണ്ഡ്യ നായകനെന്ന നിലയിൽ ഇത്തവണ ലോക ദുരന്തമായിരുന്നു. ബാറ്റ്സ്മാനെന്ന നിലയിലും ബൗളറെന്ന നിലയിലും ക്യാപ്റ്റനെന്ന നിലയിലും ഹാർദിക് മികവ് കാട്ടിയിരുന്നില്ല.

ഹാർദിക്കിന് കീഴിൽ ഒത്തിണക്കത്തോടെ കളിക്കാൻ മുംബെെക്ക് സാധിച്ചിരുന്നില്ല. മുംബെെയുടെ തുടർ തോൽവിയിൽ ടീം മാനേജ്മെന്റിനും അതൃപ്തിയുണ്ടായിരുന്നു, ക്യാപ്റ്റനെന്ന നിലയിൽ ഉത്തരവാദിത്തം ഏറ്റെടുക്കാൻ ഹാർദിക്കിന് സാധിച്ചിരുന്നില്ല. ബൗളർമാരെ ഫലപ്രദമായി ഉപയോഗിക്കാനും ഹാർദിക്കിന് സാധിക്കാത്തത് ടീം മാനേജ്മെന്റിന്റെ അതൃപ്തിക്ക് കാരണമായിരുന്നു.

IPL 2026: ഇതായിരുന്നോ ഗുജറാത്ത് പേസർമാരുടെ തന്ത്രം? 29 വിക്കറ്റും അങ്ങനെ ലഭിച്ചു; മറ്റെല്ലാ ടീമും പിന്നിൽ, കണക്കുകളിതാ

പ്ലേയിങ് ഇലവനിൽ നിന്ന് ഹാർദിക് പുറത്തുപോകാൻ ഇതാവാം കാരണമെന്നാണ് ആരാധകർ പ്രതികരിക്കുന്നത്. ഈ സീസണോടെ മുംബെെയുടെ നായകസ്ഥാനത്ത് നിന്ന് ഹാർദിക് പാണ്ഡ്യ പുറത്തുപോകാനുള്ള സാധ്യതകളും കൂടുതലാണ്. പ്രതീക്ഷിച്ച മുന്നേറ്റം ഹാർദിക്കിന് കീഴിൽ മുംബെെ നടത്തുന്നില്ല. ഗുജറാത്ത് ടെെറ്റൻസിനെ അരങ്ങേറ്റ സീസണിൽ കിരീടം ചൂടിക്കുകയും രണ്ടാം സീസണിൽ റണ്ണറപ്പാക്കുകയും ചെയ്ത നായകനാണ് ഹാർദിക്.

എന്നാൽ മുംബെെ ഇന്ത്യൻസിലേക്ക് തിരിച്ചെത്തിയ ശേഷം ഇത്തരമൊരു മികവ് ഹാർദിക്കിൽ കാണാനാവുന്നില്ല. ഹാർദിക്കിന് കീഴിൽ കളിക്കാൻ പല സീനിയർ താരങ്ങൾക്കും അതൃപ്തിയുണ്ടെന്ന തരത്തിലും റിപ്പോർട്ടുകളുണ്ട്. സൂര്യകുമാർ യാദവിനേയും ജസ്പ്രീത് ബുംറയേയും മറികടന്നാണ് ഹാർദിക് പാണ്ഡ്യയെ മുംബെെ നായകനാക്കിയത്. ഇതിലുള്ള അതൃപ്തി സീനിയർ താരങ്ങൾ‌ തുറന്ന് പറയുകയും ചെയ്തിട്ടുള്ള കാര്യമാണ്.