IPL 2027: ഇവർ ലേലത്തിലേക്ക് വരട്ടെ, ഋഷഭ് പന്തിന്റെ 27 കോടി റെക്കോഡ് തകർക്കപ്പെടും; വമ്പൻ പ്രതിഫലം ലഭിച്ചേക്കാവുന്ന താരങ്ങളിതാ

ഇന്ത്യൻ പ്രീമിയർ ലീഗിന്റെ 2027 സീസണിന് മുമ്പ് മിനി താരലേലം നടക്കാൻ പോവുകയാണ്. വലിയ കൂടുമാറ്റങ്ങൾ ഇതിനോടകം പലതും നടന്ന് കഴിഞ്ഞു. ഹാർദിക് പാണ്ഡ്യ മുംബെെ ഇന്ത്യൻസ് വിടുകയാണെന്ന റിപ്പോർട്ട് ഇതിനോടകം സജീവമാണ്. ഋഷഭ് പന്ത് ലഖ്നൗ സൂപ്പർ ജയ്ന്റ്സിന്റെ നായകസ്ഥാനമടക്കം ഉപേക്ഷിച്ച് ഡൽഹി ക്യാപിറ്റൽസിലേക്ക് തിരിച്ചെത്തി. കുൽദീപ് യാദവ് ഡൽഹി ക്യാപിറ്റൽസ് വിട്ട് ലഖ്നൗ സൂപ്പർ ജയ്ന്റ്സിലേക്കും പോയി.

ഐപിഎൽ ലേലത്തിന്റെ ചരിത്രത്തിൽ ഏറ്റവും പ്രതിഫലം വാങ്ങിയ താരമെന്ന റെക്കോഡ് നിലവിൽ ഋഷഭ് പന്തിന്റേ പേരിലാണ്. ഈ റെക്കോഡ് അത്ര വേ​ഗം തകരാൻ സാധ്യതയില്ല. എന്നാൽ നിലവിലെ താരങ്ങളിൽ ലേലത്തിലേക്ക് എത്തിപ്പെട്ടാൽ ഋഷഭിന്റെ റെക്കോഡ് തകർക്കുന്ന പ്രതിഫലം നേടിയെടുക്കാൻ സാധ്യതയുള്ള താരങ്ങൾ ആരൊക്കെയാണെന്ന് പരിശോധിക്കാം.

ഏഷ്യൻ ഗെയിംസ്: സഞ്ജുവിൻ്റെ ബാറ്റിങ് റോളിൽ മാറ്റത്തിന് സാധ്യത

വെെഭവ് സൂര്യവംശി യാണ് ഇതിൽ മുന്നിലുള്ള താരം. 15കാരനായ വെെഭവ് സൂര്യവംശി നിലവിൽ രാജസ്ഥാൻ റോയൽസിനൊപ്പമാണുള്ളത്. രാജസ്ഥാൻ റോയൽസിനായി രണ്ട് സീസൺ കളിക്കുകയും രണ്ട് സെഞ്ചുറികൾ നേടുകയും ചെയ്യാൻ വെെഭവിന് സാധിച്ചിട്ടുണ്ട്. വെെഭവ് ഇതിനോടകം ഇന്ത്യക്കായടക്കം അരങ്ങേറിയ താരമാണ്. തകർപ്പൻ പ്രകടനത്തോടെ കെെയടി നേടുന്ന വെെഭവിനെ എല്ലാ ഐപിഎൽ ടീമുകളും നോട്ടമിടുന്നുണ്ട്.

മുംബെെ ഇന്ത്യൻസടക്കം വെെഭവിനെ നോട്ടമിടുന്നുണ്ട്. വെെഭവ് ലേലത്തിലേക്കെത്തിയാൽ 30 കോടിയെങ്കിലും പ്രതിഫലം ലഭിക്കാൻ സാധ്യതയുണ്ട്. ഇടം കെെയൻ ബാറ്റ്സ്മാൻ വെടിക്കെട്ട് പ്രകടനം പുറത്തെടുക്കാൻ ശേഷിയുള്ളവനാണ്. തല്ലിത്തകർക്കുന്ന വെെഭവ് ലേലത്തിലേക്കെത്തിയാൽ വലിയ പ്രതിഫലം നേടിയെടുക്കുമെന്ന് ഉറപ്പാണ്.

Sanju Samson: സഞ്ജു സാംസൺ കേരള താരമായി ഒതുങ്ങിയേനെ, തലവര മാറ്റിയതിന് പിന്നിൽ അഞ്ച് പേർ; ഇവരില്ലായിരുന്നെങ്കിൽ സൂപ്പർ താരമായി മാറില്ലെന്നുറപ്പ്
മറ്റൊരു താരം സഞ്ജു സാംസണാണ്. മലയാളി താരമായ സഞ്ജു സാംസൺ നിലവിൽ ചെന്നെെ സൂപ്പർ കിങ്സിനൊപ്പമാണ്. രാജസ്ഥാൻ റോയൽസിലൂടെ വളർന്ന സഞ്ജു സിഎസ്കെയിലേക്ക് കൂടുമാറിയിട്ട് ഒരു സീസണേ ആയുള്ളൂ. ഒറ്റ സീസൺകൊണ്ട് സഞ്ജു കൂടുമാറ്റം നടത്താൻ സാധ്യതയില്ലെന്ന് നിസംശയം പറയാം. സഞ്ജു ലേലത്തിലേക്ക് എത്തിയാൽ ഋഷഭിന്റെ പ്രതിഫലത്തേയും മറികടക്കാൻ സാധ്യതകളേറെയാണ്.

മുംബെെ ഇന്ത്യൻസ് ഉൾപ്പെടെ പല പ്രമുഖ ടീമുകളും സഞ്ജുവിനായി രം​ഗത്തെത്തിയേക്കും. അതുകൊണ്ടുതന്നെ റെക്കോഡ് തുക ലഭിക്കാൻ സാധ്യതയുള്ള താരങ്ങളിലൊരാളാണ് സഞ്ജു. മൂന്നാമത്തെ താരം അഭിഷേക് ശർമയാണ്. സൺറെെസേഴ്സ് ഹെെദരാബാദിന്റെ ഓപ്പണറായ അഭിഷേക് ശർമയേയും വമ്പന്മാർ നോട്ടമിടുന്നത്. ലേലത്തിലേക്ക് എത്തിപ്പെട്ടാൽ വലിയ പ്രതിഫലം അഭിഷേക് നേടാൻ സാധ്യതകളേറെയാണ്.

സഞ്ജു നാലാമൻ, വെെഭവ് സൂര്യവംശി-ജയ്സ്വാൾ ഓപ്പണിങ്; ഒരു കേരള താരത്തിനും ഇടം; സഞ്ജു സാംസണ് കീഴിൽ കളിച്ചവരുടെ ബെസ്റ്റ് ടി20 ഇലവനിതാ

എന്നാൽ സൺറെെസേഴ്സ് ഹെെദരാബാദ് അഭിഷേകിനെ വിട്ടുകൊടുക്കാൻ സാധ്യതയില്ല. ഇടം കെെയൻ ഓപ്പണറെന്ന നിലയിൽ മികച്ച റെക്കോഡ് അഭിഷേകിന് അവകാശപ്പെടാനാവും. മറ്റൊരു താരം കാമറൂൺ ​ഗ്രീനാണ്. ഹാർദിക് പാണ്ഡ്യയാണ് മറ്റൊരു താരം. മുംബെെ ഇന്ത്യൻസ് നായകൻ ടീം വിടാനുള്ള പദ്ധതിയിലാണ്. ലേലത്തിലേക്ക് ഹാർദിക് എത്തിപ്പെട്ടാൽ കോടികൾ പ്രതിഫലത്തിലേക്കെത്താൻ സാധിച്ചേക്കും.

മികച്ച ഓൾറൗണ്ടറായ ഹാർദിക് മാച്ച് വിന്നറായ താരമാണെന്ന് പറയാം. ലേലത്തിൽ കോടികൾ വാരിക്കൂട്ടാൻ കഴിവുള്ള താരമായിത്തന്നെ ഹാർദിക് പാണ്ഡ്യയെ വിശേഷിപ്പിക്കാം. എന്തായാലും വരുന്ന മിനി ലേലത്തിൽ ഋഷഭിന്റെ ഈ വമ്പൻ റെക്കോഡ് തകർക്കപ്പെടാൻ സാധ്യത കുറവാണ്. വരുന്ന മെ​ഗാ ലേലത്തിൽ വലിയ മാറ്റങ്ങൾ ഉണ്ടാകുമോയെന്നതാണ് കണ്ടറിയേണ്ടത്.