IPL 2027: ക്യാപ്റ്റൻ സഞ്ജു സാംസൺ, മക്കല്ലവും ഹസിയുമല്ല, സിഎസ്കെയുടെ പുതിയ കോച്ചായി വരിക ഇയാൻ മോർ​ഗനാണെന്ന് ആർ അശ്വിൻ

ഇന്ത്യൻ പ്രീമിയർ ലീഗിന്റെ 2027 സീസണിന് മുന്നോടിയായുള്ള പടയൊരുക്കങ്ങളിലേക്ക് ടീമുകൾ കടന്ന് കഴിഞ്ഞു. പല ടീമുകളും ഇതിനോടകം ക്യാംപുകൾ ആരംഭിച്ച് കഴിഞ്ഞു. അവസാന സീസണിൽ നിരാശപ്പെടുത്തിയ ടീമുകൾക്കെല്ലാം ഇത്തവണ ശക്തമായ തിരിച്ചുവരവ് അത്യാവശ്യമാണ്. ചെന്നെെ സൂപ്പർ കിങ്സ് അഞ്ച് തവണ ചാമ്പ്യന്മാരായ നിരയാണ്. എന്നാൽ സമീപ സീസണുകളിലായി പ്രതീക്ഷിച്ച മികവ് അവർക്കില്ല.

മോശം ഫോമിലുള്ള നായകൻ റുതുരാജ് ഗെയ്ക് വാദിന് പകരം സഞ്ജു സാംസൺ ക്യാപ്റ്റനായി വരുമെന്ന് ഏറെക്കുറെ ഉറപ്പായിരിക്കുകയാണ്. എന്നാൽ ഇത്തവണ ചെന്നെെ സൂപ്പർ കിങ്സിന് പുതിയ പരിശീലകനായി ആരെന്നതാണ് കണ്ടറിയേണ്ടത്. സ്റ്റീഫൻ ഫ്ളമിങ് കളമൊഴിഞ്ഞതോടെ ആ സ്ഥാനത്തേക്ക് പുതിയൊരാൾ വരേണ്ടിയിരിക്കുന്നു.

സഞ്ജുവിനൊപ്പം ധോണിയും ഹസിയും; മാറ്റത്തിനൊരുങ്ങി ചെന്നൈ സൂപ്പർ കിങ്സ്

അതാരാവുമെന്നതാണ് പ്രധാന ചർച്ചാ വിഷയം. ബ്രണ്ടൻ മക്കല്ലം, മെെക്കൽ ഹസി, ആൻഡ്രൂ ഫ്ളിന്റോഫ് തുടങ്ങിയ പല പേരുകളും ഇതിനോടകം ഉയർന്ന് കേൾക്കുന്നുണ്ട്. എന്നാൽ ഇവരാരുമല്ല സിഎസ്കെയെ പരിശീലിപ്പിക്കാൻ വരിക ഇയാൻ മോർ​ഗനാവുമെന്നാണ് അശ്വിൻ പറയുന്നത്.

മുൻ ഇം​ഗ്ലണ്ട് നായകനും ഏകദിന ലോകകപ്പ് ജേതാവുമായ ഇയാൻ മോർ​ഗൻ സിഎസ്കെയുടെ പരിശീലകനാവുമെന്ന റിപ്പോർ‌ട്ടുകളില്ലെങ്കിലും വിദേശ പരിശീലകനാവും എത്തുകയെന്നത് നേരത്തെ തന്നെ വ്യക്തമാക്കപ്പെട്ടിരുന്നു. എന്നാൽ ഇതുവരെ മുഖ്യ പരിശീലകന്റെ റോൾ നിർവഹിക്കാത്ത മോർ​ഗൻ എങ്ങനെ സിഎസ്കെയുടെ പരിശീലകനാവുമെന്നത് പ്രസക്തമായ ചോദ്യമാണ്.

Asian Games 2026: സഞ്ജുവിന്റെ സീറ്റ് തെറിക്കുമോ, അഫ്​ഗാൻ ടി20 പരമ്പര തീരുമാനിച്ച് ബിസിസിഐ; ഫ്ളോപ്പായാൽ ഏഷ്യൻ ​ഗെയിംസ് ടീമിന് പുറത്തായേക്കും
'എനിക്ക് ശക്തമായൊരു തോന്നലുണ്ട്. ഇത്തവണ സിഎസ്കെയുടെ പരിശീലകനാവുക ഇയാൻ മോർ​ഗനാവും. ഇത് എന്റെ വ്യക്തിപരമായ ബന്ധങ്ങളിൽ നിന്നറിഞ്ഞ വിവരമാണ്. അടുത്ത ആഴ്ച ഇത് സംബന്ധിച്ച പ്രഖ്യാപനം ഉണ്ടാവും എന്നാണ് കരുതുന്നത്. ഈ വിവരം എംഎസ് ധോണിക്ക് ലഭിക്കുകയും പിന്നീട് മറ്റുള്ളവരിലേക്കും എത്തും എന്നാണ് കരുതുന്നത്. അതൊരു ശരിയായ തീരുമാനമായിരിക്കുമെന്നാണ് ഞാൻ കരുതുന്നത്. ലേലത്തിലേക്ക് ഒരു വർഷം മാത്രം ശേഷിക്കെ ഫ്ളമിങ്ങിന്റെ പകരക്കാരനെ തീരുമാനിക്കുക വേ​ഗത്തിലാക്കണം' ആർ അശ്വിൻ പറഞ്ഞു.

എന്നാൽ‌ സിഎസ്കെ മോർ​ഗനെ പരിശീലകനാക്കാൻ സാധ്യത കുറവാണ്. കാരണം ഇതിനോടകം പരിശീലകനെന്ന നിലയിൽ അദ്ദേഹം പേരെടുത്തിട്ടില്ല. കൂടാതെ എടുത്തു പറയാവുന്ന നേട്ടങ്ങളും പരിശീലകനായി അദ്ദേഹത്തിനില്ല. സിഎസ്കെയുമായി അധികം ബന്ധമില്ലാത്തയാളാണ് മോർ​ഗൻ. അതേ സമയം മെെക്കൽ ഹസി സിഎസ്കെയുടെ മുൻ താരമാണ്.

Sanju Samson: 5, 0, 1, 27, ടി20 ലോകകപ്പിന് ശേഷം സഞ്ജു സാംസണ് സംഭവിച്ചത് എന്താണ്; മലയാളി താരത്തെ സമ്മർദ്ദത്തിലാക്കുന്നത് മൂന്ന് കാര്യങ്ങൾ

കൂടാതെ നിലവിലെ സിഎസ്കെ പരിശീലക സംഘത്തിന്റെ ഭാ​ഗവുമാണ് ഹസി. അതുകൊണ്ടുതന്നെ മുൻതൂക്കം ഹസിക്കാണ്. ധോണിയുടെ തീരുമാനം ഇക്കാര്യത്തിൽ നിർണ്ണായകമാവും. ധോണി ഉപദേഷ്ടാവായി ഉണ്ടാകുമെന്നാണ് വിവരം. അങ്ങനെ വരുമ്പോൾ ധോണിയുമായി ചേർന്ന് പോകുന്ന ആളാവും പരിശീലകനാവേണ്ടത്. കൂടാതെ സഞ്ജു സാംസണെ നായകനായും കൊണ്ടുവരാൻ സിഎസ്കെ ആലോചിക്കുന്നുണ്ട്.

സിഎസ്കെ നിലവിലെ ടീമിൽ വലിയൊരു പൊളിച്ചെഴുത്തിന് ശ്രമിക്കവെ സിഎസ്കെയ്ക്ക് അതുനനുസരിച്ചുള്ള ഒരു പരിശീലകനെ ആവശ്യമാണ്. ഇതിന് മോർ​ഗനെക്കാൾ യോ​ഗ്യൻ ഹസിയാണ്. എന്തായാലും വരുന്ന സീസണിൽ സിഎസ്കെയ്ക്ക് അടിമുടി മാറ്റം അനിവാര്യമാണ്.

നിലവാരം കാട്ടാൻ സാധിക്കാത്ത സിഎസ്കെയ്ക്ക് നിർ‌ണ്ണായക മാറ്റങ്ങളോടെ വരുന്ന സീസണിൽ തിരിച്ചുവരവ് നടത്താൻ സാധിക്കുമെന്ന് തന്നെ കരുതാം. എന്തായാലും ധോണ ഉപദേഷ്ടാവാകുന്നത് സിഎസ്കെയ്ക്ക് ​ഗുണകരമാകാനാണ് സാധ്യത കൂടുതൽ.