KKR vs MI IPL 2026: മുംബെെ ഹാർദിക്കിനെ ഒഴിവാക്കൂ, പകരം കെകെആറിൽ നിന്ന് അവനെ വാങ്ങണം; നിർദേശവുമായി മെെക്കൽ വോൺ

ഇന്ത്യൻ പ്രീമിയർ ലീഗിന്റെ 2026 സീസണിൽ മുംബെെ ഇന്ത്യൻസ് തീർത്തും നിരാശപ്പെടുത്തുകയാണ്. പ്ലേ ഓഫ് കാണാതെ ഇതിനോടകം പുറത്തായ മുംബെെക്ക് അവസാന മത്സരങ്ങളിൽ ആശ്വാസ ജയങ്ങൾ നേടി ആരാധകരെ തൃപ്തിപ്പെടുത്താനാവുമെന്ന് പ്രതീക്ഷിച്ചിരുന്നു. എന്നാൽ അവസാന മത്സരത്തിൽ കൊൽക്കത്ത നെെറ്റ് റെെഡേഴ്സിനോടും മുംബെെ ഇന്ത്യൻസ് തോറ്റു. നാല് വിക്കറ്റിനാണ് മുംബെെയെ കെകെആർ പരാജയപ്പെടുത്തിയത്.ക്യാപ്റ്റനെന്ന നിലയിൽ ഹാർദിക് പാണ്ഡ്യയുടെ ഈ സീസണിലെ പ്രകടനം നിരാശപ്പെടുത്തുന്നതായിരുന്നു. നായകനായും ബാറ്റ്സ്മാനായും ബൗളറായും പ്രതീക്ഷിച്ച നിലവാരം കാട്ടാൻ ഹാർദിക്കിന് സാധിച്ചിരുന്നില്ല. കെകെആറിനെതിരായ തോൽവിക്ക് പിന്നാലെ ഹാർദിക്കിനെ മുംബെെ നായകസ്ഥാനത്ത് നിന്ന് മാറ്റണമെന്ന് ആവശ്യപ്പെട്ടിരിക്കുകയാണ് മുൻ ഇംഗ്ലണ്ട് നായകനായ മെെക്കൽ വോൺ.

ഇനി മുംബെെ ഇന്ത്യൻസിനൊപ്പം ഹാർദിക് പാണ്ഡ്യയെ കാണാൻ ആഗ്രഹിക്കുന്നില്ല. ഗുജറാത്ത് ടെെറ്റൻസിനൊപ്പം മികച്ച പ്രകടനമാണ് അവൻ നടത്തിയിരുന്നത്. അവൻ അവിടെ കിരീടവും നേടിയിരുന്നു. എന്നാൽ മുംബെെ ഇന്ത്യൻസിൽ നായകന്മാരാകാൻ കഴിവുള്ളവർ ഏറെയാണ്. ഹാർദിക് ക്യാപ്റ്റൻ സ്ഥാനത്ത് തുടരാൻ ആഗ്രഹിക്കുന്നുണ്ടെങ്കിൽ അവന് കെകെആർ തിരഞ്ഞെടുക്കാവുന്നതാണ്.

കെകെ ആറിന് പുതിയൊരു നായകനെ ആവശ്യമാണ്. അതുകൊണ്ടുതന്നെ ഹാർദിക്കിനെ കൊടുത്ത് കാമറൂൺ ഗ്രീനിനെ മുംബെെ തിരികെ എത്തിക്കണം' എന്നാണ് മെെക്കൽ വോൺ പറഞ്ഞത്. എന്നാൽ ഇത്തരമൊരു നീക്കത്തിന് യാതൊരു സാധ്യതയുമില്ലെന്ന് പറയാം. ഈ സീസണിൽ മുംബെെ ഇന്ത്യൻസിനൊപ്പം ഹാർദിക് നിരാശപ്പെടുത്തിയെന്നത് വസ്തുതയാണ്. എന്നാൽ ഹാർദിക് ഇപ്പോഴും ഏറ്റവും മികച്ച ഓൾറൗണ്ടർമാരിലൊരാളാണ്.
MI vs KKR IPL 2026: 32 പന്തിൽ 20, മെല്ലെപ്പോക്കിൽ നാണക്കേടിന്റെ റെക്കോഡിട്ട് തിലക് വർമ; ലെെഫ് ലഭിച്ചിട്ടും മുതലാക്കാനായില്ല
ഹാർദിക്കിനെപ്പോലെ മാച്ച് വിന്നറായ പേസ് ഓൾറൗണ്ടർമാർ കുറവാണെന്നതാണ് വസ്തുത. ഈ സാഹചര്യത്തിൽ മുംബെെ ഹാർദിക്കിനെ വിട്ടുകളയാനുള്ള സാധ്യതയും വിരളമാണ്. മുംബെെയുടെ ഈ സീസണിലെ തകർച്ചയിൽ എല്ലാ കുറ്റവും ഹാർദിക്കിന്റെ തലയിലിടാനാകില്ല. സീനിയർ താരങ്ങളുടെ മോശം ഫോമും ഇതിന് കാരണമായിട്ടുണ്ടെന്ന് പറയാം.

പേസ് നിരയിലെ സൂപ്പർ താരം ജസ്പ്രീത് ബുംറ മോശം ഇക്കോണമിയിൽ പന്തെറിയുകയും വിക്കറ്റ് നേടാൻ പ്രയാസപ്പെടുകയും ചെയ്ത സീസണാണിത്. ഇത് ഇത്തവണത്തെ മുംബെെയുടെ മുന്നേറ്റത്തെ കാര്യമായി ബാധിച്ചു. മുംബെെയുടെ ബാറ്റിങ് നിരയിൽ രോഹിത് ശർമയുടെ പരിക്കും മോശം ഫോമും മുംബെെക്ക് തിരിച്ചടിയായി. കൂടാതെ സൂര്യകുമാർ യാദവിന്റെ നിരാശപ്പെടുത്തുന്ന പ്രകടനവും ടീമിനെ പിന്നോട്ടടിച്ചു.
MI vs KKR IPL 2026: രോഹിത്തിന് ഇത് എന്തുപറ്റി? വീണ്ടും ഫ്ളോപ്പ്, കോഹ്ലിയെ മാതൃകയാക്കണം; ഇല്ലെങ്കിൽ ഏകദിന ലോകകപ്പ് സീറ്റ് പോയേക്കും

ടീമെന്ന നിലയിൽ ഒത്തിണക്കത്തോടെ കളിക്കാൻ മുംബെെക്ക് സാധിക്കാതെ പോയി. അതുകൊണ്ടുതന്നെ ക്യാപ്റ്റനെ മാത്രം വിമർശിക്കുന്നതിൽ കാര്യമില്ലെന്ന് പറയാം. എന്നാൽ ഹാർദിക്കിന്റെ നായകനെന്ന നിലയിലെ പ്രകടനത്തിൽ ടീം മാനേജ്മെന്റിന് എതിർപ്പുണ്ട്. അതുകൊണ്ടുതന്നെ മുംബെെ ജസ്പ്രീത് ബുംറയെ അടുത്ത സീസണിൽ നായകനാക്കാനുള്ള സാധ്യത തള്ളിക്കളയാനാവില്ല.

മുംബെെ ടീമിൽ പൊളിച്ചെഴുത്ത് പ്രതീക്ഷിക്കാം. പ്രധാനപ്പെട്ട പല താരങ്ങളേയും മുംബെെ ഒഴിവാക്കാൻ സാധ്യതയുണ്ട്. യശ്വസി ജയ്സ്വാൾ, വെെഭവ് സൂര്യവംശി എന്നിവരിലൊരാളെ രാജസ്ഥാൻ റോയൽസിൽ നിന്ന് റാഞ്ചാൻ മുംബെെ ശ്രമിക്കുന്നുണ്ടെന്നാണ് വിവരം. എന്തായാലും മുംബെെ ടീമിൽ വലിയ അഴിച്ചുപണി തന്നെ വരുന്ന സീസണിന് മുമ്പ് പ്രതീക്ഷിക്കാം.