MI vs GT; എറിഞ്ഞിടാൻ ആളുണ്ടെങ്കിലും ഗുജറാത്തിനെ മുംബൈ ഭയക്കണം; മുംബൈ ഇന്ത്യൻസ് - ഗുജറാത്ത് ടൈറ്റൻസ് മത്സരത്തിൽ ടീമുകൾ ശ്രദ്ധിക്കേണ്ടത് ഇതൊക്കെ

മുംബൈ ഇന്ത്യൻസ് - ഗുജറാത്ത് ടൈറ്റൻസ് മത്സരം ഇന്ന് രാത്രി 7.30 ന് മുംബൈ വാങ്കഡെ സ്റ്റേഡിയത്തിൽ വെച്ച് നടക്കും. ഐപിഎൽ 2025 പോയിന്റ് ടേബിളിൽ 3 , 4 സ്ഥാനങ്ങളിൽ തുടർന്ന ടീമുകളാണ് മുംബൈ ഇന്ത്യൻസും ഗുജറാത്ത് ടൈറ്റൻസും. ഇരു ടീമുകളും 14 വീതം പോയിന്റുകൾ നേടിയിട്ടുണ്ട് എങ്കിലും നെറ്റ് റൺ റേറ്റിൽ മുന്നിട്ടു നിൽക്കുന്നതിനാലാണ് മുംബൈ മൂന്നാം സ്ഥാനം സ്വന്തമാക്കിയത്. അതേസമയം ഇന്ന് നടക്കുന്ന മത്സരം ഇരു ടീമുകൾക്കും നിർണായകമാണ്. നിലവിൽ ആദ്യ നാലു ടീമുകളിൽ മുമ്പായോ മൂന്നാം സ്ഥാനത്താണെങ്കിലും ഏറ്റവും കൂടുതൽ നെറ്റ് റൺ റേറ്റ് ഉള്ള ടീം മുംബൈ ആണ്. അതുകൊണ്ട് ഇന്ന് നടക്കാൻ ഇരിക്കുന്ന മത്സരത്തിൽ ജയം സ്വന്തമാക്കിയാൽ ഐപിഎൽ 2025 പോയിന്റ് ടേബിളിൽ നിലവിലെ ഒന്നാം സ്ഥാനക്കാരായ റോയൽ ചലഞ്ചേഴ്‌സ് ബെംഗളൂരുവിനെ മറികടന്ന് മുംബൈ ഇന്ത്യൻസിന് ഒന്നാം സ്ഥാനം സ്വന്തമാക്കാൻ സാധിക്കും.

എന്നാൽ ഐപിഎൽ 2025 ൽ ആദ്യ നാലിൽ തുടരാൻ ഗുജറാത്തിന് ജയം അനിവാര്യമാണ്. പക്ഷെ നിലവിലെ മുംബൈ ഇന്ത്യൻസിന്റെ ഫോം എതിരാളികളെ ഭയപ്പെടുത്തുന്നതാണ്. ബാറ്റിങ് നിരയും ബൗളിങ് നിരയും മികച്ച പ്രകടനം കാഴ്ചവെക്കുമ്പോൾ എതിരാളികൾ വെള്ളം കുടിക്കുകയാണ്. അതേസമയം സൺറൈസേഴ്സിനെ 38 റൺസിന്‌ പരാജയപ്പെടുത്തിയ ആത്മവിശ്വാസത്തോടെയാണ് ഗുജറാത്ത് ടൈറ്റൻസ് ഇന്ന് മുംബൈയെ നേരിടാൻ എത്തുന്നത്.

ഇന്ന് നടക്കുന്ന മുംബൈ ഇന്ത്യൻസ് - ഗുജറാത്ത് ടൈറ്റൻസ് മത്സരത്തിൽ ടീമുകൾ നേരിടുന്ന വെല്ലുവിളികളും ടീമുകളുടെ സാധ്യത പ്ലേയിങ് ഇലവനും പിച്ച് റിപ്പോർട്ടും പരിശോധിക്കാം.

മുംബൈ ഇന്ത്യൻസ് നേരിടുന്ന വെല്ലുവിളി
ബാറ്റർമാർക്ക് സൗഹൃദകരമായ പിച്ച് ആണ് വാങ്കഡെ സ്റ്റേഡിയത്തിന്റേത്. അതുകൊണ്ട് തന്നെ ഗുജറാത്ത് ടൈറ്റൻസ് ഓപ്പണർമാർക്ക് ലോങ്ങ് റൺ ലഭിച്ചാൽ ഒരുപക്ഷെ മുംബൈയ്ക്ക് അവരെ പിടിച്ചുകെട്ടാൻ സാധിച്ചു എന്ന് വരില്ല. ഓറഞ്ച് ക്യാപ് പട്ടികയിൽ രണ്ടാം സ്ഥാനത്ത് തുടരുന്ന സായി സുദർശൻ മുംബൈയ്ക്ക് വെല്ലുവിളിയാകുമെന്ന് നിസംശയം പറയാൻ സാധിക്കും. ഇതേ പട്ടികയിൽ ആദ്യ പത്തിൽ യഥാക്രമം 5 , 6 സ്ഥാനങ്ങളിൽ തുടരുന്ന ജോസ് ബട്ലറും ശുഭ്മാൻ ഗില്ലും മുംബൈക്ക് വെല്ലുവിളി തീർക്കും എണ്ണത്തിലും സംശയമില്ല. അതുകൊണ്ട് ഇവരുടെ വിക്കറ്റുകൾ പെട്ടന്ന് വീഴ്ത്താനായിരിക്കും മുംബൈ പ്രഥമ പരിഗണ നൽകുക.

ഗുജറാത്ത് ടൈറ്റൻസ് നേരിടുന്ന വെല്ലുവിളി
കിണ്ടിലാണ് ബാറ്റസ്മാൻമാർ ഗുജറാത്തിനുണ്ടെങ്കിലും അവരെ എറിഞ്ഞിടാൻ കെൽപ്പുള്ള ബൗളർമാർ ആണ് മുംബൈയ്ക്കുള്ളത്. പർപ്പിൾ ക്യാപ് പട്ടികയിൽ ആദ്യ പത്തിൽ മുംബൈയുടെ രണ്ട് താരങ്ങളാണ് ഉൾപെട്ടിട്ടുള്ളത്. അതുകൊണ്ടുതന്നെ ഗുജറാത്ത് ശ്രദ്ധിക്കേണ്ടത് മുംബൈയുടെ ബൗളർമാരുടെ കെണിയിൽ വീഴാതെയിരിക്കാനാണ്. ഒരു മത്സരത്തിൽ അഞ്ച് വിക്കറ്റുകൾ നേടിയ ക്യാപ്റ്റൻ എന്ന റെക്കോഡ് ഈ സീസണിൽ സ്വന്തമാക്കിയ താരമാണ് ഹർദിക് പാണ്ഡ്യ. അന്ന് അദ്ദേഹം പറഞ്ഞ ഒരു കാര്യമുണ്ട്, താൻ ഡോട്ട് ബോൾ എറിയാനാണ് ശ്രമിച്ചത് പക്ഷെ ബാറ്റ്സ്മാൻമാർ റിസ്ക് എടുത്തതാണ് എന്ന്. ഇന്നും അത്തരത്തിലുള്ള പല കെണികളും ഒരുക്കാൻ മുംബൈ നായകൻ സജ്ജമായിട്ടുണ്ടാകും. ഈ കെണിയിൽ വീഴാതെ ബാറ്റ് വീശാനാണ് ഗുജറാത്ത് പ്രധാനമായും ശ്രമിക്കേണ്ടത്.

മുംബൈ ഇന്ത്യൻസ് - ഗുജറാത്ത് ടൈറ്റൻസ് പിച്ച് റിപ്പോർട്ട്
വാങ്കഡെ സ്റ്റേഡിയത്തിലെ പിച്ചുകൾ പരമ്പരാഗതമായി ബാറ്റിങിന് അനുകൂലമായ പിച്ചാണ്. ആദ്യ പന്ത് മുതൽ തന്നെ മികച്ച ഷോട്ടുകൾ കളിക്കാ ബാറ്റ്സ്മാൻമാരെ സഹായിക്കുന്ന പിച്ചാണ് ഇത്. അതുകൊണ്ട് ടീമുകൾക്ക് ഉയർന്ന സ്കോർ നേടാൻ ഇവിടെ സാധിക്കും

മുംബൈ ഇന്ത്യൻസ് സാധ്യത പ്ലേയിങ് 11: രോഹിത് ശർമ്മ, റയാൻ റിക്കൽടൺ(WK), വിൽ ജാക്ക്‌സ്, സൂര്യകുമാർ യാദവ്, തിലക് വർമ്മ, ഹാർദിക് പാണ്ഡ്യ (C), നമൻ ധിർ, കോർബിൻ ബോഷ്, ദീപക് ചാഹർ, ട്രെൻ്റ് ബോൾട്ട്, ജസ്പ്രീത് ബുംറ, കർൺ ശർമ്മ

ഗുജറാത്ത് ടൈറ്റൻസ് സാധ്യത പ്ലേയിങ് 11: ശുഭ്മാൻ ഗിൽ (C), സായ് സുദർശൻ, ജോസ് ബട്ട്‌ലർ (WK), ഷാരൂഖ് ഖാൻ, വാഷിംഗ്ടൺ സുന്ദർ, രാഹുൽ ടെവാതിയ, റാഷിദ് ഖാൻ, മുഹമ്മദ് സിറാജ്, ജെറാൾഡ് കോറ്റ്‌സി, സായ് കിഷോർ, പ്രസിദ് കൃഷ്ണ, ഇഷാന്ത് ശർമ്മ