MI Vs SRH: മുംബൈ വിയർക്കുമോ, അതോ ഹൈദരാബാദിനെ എറിഞ്ഞിടുമോ? ഇരു ടീമുകളും നേരിടുന്ന പ്രധാന വെല്ലുവിളികളറിയാം

Edited byഅനുഷ ഗംഗാധരൻ | Samayam Malayalam | Updated: 17 Apr 2025, 3:20 pm

മുംബൈ: ഇന്ത്യൻ പ്രീമിയർ ലീഗിൽ ഇന്ന് മുംബൈ ഇന്ത്യൻസും സൺറൈസേഴ്‌സ് ഹൈദരാബാദും ഏറ്റുമുട്ടുകയാണ്. തുടർച്ചയായുള്ള പരാജയങ്ങൾക്ക് ശേഷം മുംബൈ ഇന്ത്യൻ ഡൽഹി ക്യാപിറ്റൽസിനെയും സൺറൈസേഴ്‌സ് ഹൈദരബാദ് പഞ്ചാബ് കിങ്സിനെയും പരാജയപ്പെടുത്തി വിജയ വഴിയിലേക്ക് തിരിച്ചെത്തിയവരാണ്. ഈ രണ്ടു ടീമുകളും പരാജയപ്പെടുത്തിയത് ഐപിഎൽ ടേബിൾ ടോപ്പിൽ ഉള്ളവരെയാണ് എന്ന് എടുത്തു പറയേണ്ടതുണ്ട്. ഇന്ന് ഇവർ ഏറ്റുമുട്ടുമ്പോൾ പ്രധാനമായും ഇരു ടീമുകളും നേരിടാൻ സാധ്യതയുള്ള വെല്ലുവിളികളും സാധ്യത പ്ലേയിങ് ഇലവനും നോക്കാം.
സഞ്ജുവിന്റെ രാജസ്ഥാൻ റോയൽസിന്റെ 'മണ്ടത്തരം' ഡൽഹിയ്ക്ക് നേടിക്കൊടുത്ത ചരിത്രം; ലോകത്തിൽ തന്നെ ഒന്നാമനായി ഡൽഹി

മുംബൈ ഇന്ത്യൻസിന്റെ പ്രധാന വെല്ലുവിളി

ആദ്യ മത്സരത്തിൽ മിന്നും പ്രകടനം കാഴ്ചവെച്ച ടീം ആണ് സൺറൈസേഴ്‌സ് ഹൈദരാബാദ്. എന്നാൽ പിന്നീടങ്ങോട്ട് തുടർച്ചയായി പരാജയപ്പെടുന്ന ഹൈദരാബാദിനെയാണ് കാണാൻ സാധിച്ചിരുന്നത്. പക്ഷെ തങ്ങളുടെ ഹോം ഗ്രൗണ്ടിൽ നടന്ന അവസാന മത്സരത്തിൽ ശക്തരായ പഞ്ചാബ് കിങ്സിനെ പരാജയപ്പെടുത്തി ഹൈദരാബാദ് വിജയ വഴിയിലേക്ക് തിരിച്ചെത്തി. 9 പന്തുകൾ ബാക്കി നിൽക്കെ 247 എന്ന പടുകൂറ്റൻ സ്കോർ ടീം അടിച്ചെടുത്തു.

ആ മത്സരത്തിൽ സീസണിലെ ഏറ്റവും വലിയ റൺ വേട്ട നടത്തിയ അഭിഷേക് ശർമ തന്നെയാണ് മുംബൈ ഇന്ത്യൻസിന്റെ പ്രധാന വെല്ലുവിളി. 55 പന്തിൽ 14 ഫോറുകളും 10 ബൗണ്ടറികളും പറത്തിയ താരം 141 റൺസാണ് സ്വന്തമാക്കിയത്. മുംബൈ ഭയക്കേണ്ട ഹൈദരാബാദിന്റെ മറ്റൊരു ബാറ്റ്സ്മാൻ ട്രാവിസ് ഹെഡ് ആണ്. കഴിഞ്ഞ മത്സരത്തിൽ 37 പന്തിൽ നിന്ന് 9 ഫോറുകളും 3 സിക്‌സറും പറത്തി 66 റൺസാണ് താരം സ്വന്തമാക്കിയത്.

കഴിഞ്ഞ മത്സരത്തിൽ പഞ്ചാബിന്റെ നാല് വിക്കറ്റ്‌ല വീഴ്‌ത്തിയ ഹർഷൽ പട്ടേലിനെയും മുംബൈ ഭയകേടാണതുണ്ട്. ഹൈദരാബാദിന്റെ ഹോം ഗ്രൗണ്ടായ രാജീവ് ഗാന്ധി ഇന്റർനാഷണൽ സ്റ്റേഡിയം ബാറ്റ്‌സ്മാൻമാരെ പിന്തുണക്കുന്നതാണെങ്കിലും അവിടെ ഹർഷൽ പട്ടേലിന് തിളങ്ങാൻ സാധിച്ചു. ഇന്ന് മത്സരം നടക്കുന്ന വാങ്കഡെ സ്റ്റേഡിയവും ബാറ്റർമാരെ പിന്തുണക്കുന്നതാണ്. പക്ഷെ ഹർഷൽ പട്ടേലിന്റെ വിക്കറ്റ് വേട്ടയിൽ അതൊരു തടസമാകില്ല.

സൺറൈസേഴ്‌സ് ഹൈദരാബാദിന്റെ പ്രധാന വെല്ലുവിളി

കിടിലൻ ബാറ്റർമാരുടെ ഒരു നീണ്ട നിര ഹൈദരാബാദിന് ഉണ്ടെങ്കിലും മുംബൈയുടെ ശക്തരായ ബൗളിങ് പടയെ നേരിടുക എന്നത് ഹൈദരാബാദിന് പ്രയാസമായിരിക്കും. ഡൽഹിയുമായി നടന്ന അവസാന മത്സരത്തിൽ മുംബൈയുടെ ബൗളിങ് പടയിൽ ഞെരുങ്ങിയാണ് ഡൽഹി 19 ഓവറിൽ ഓൾ ഔട്ട് ആകുന്നത്. അതുകൊണ്ടുതന്നെ ഇവിടെ ഹൈദരാബാദ് മുംബൈയുടെ ബൗളിങ് പടയെ എങ്ങനെ നേരിടാം എന്ന തന്ത്രം മെനയേണ്ടത് അനിവാര്യമാണ്. കിടിലൻ ഫോമിൽ തുടരുന്ന വിഘ്‌നേശ് പുത്തൂരും ജസ്പ്രീത് ബുംറയും ഹർദിക് പാണ്ഡ്യയും ട്രൻഡ് ബോൾട്ടും കരൺ ശർമയും എല്ലാം ഹൈദരാബാദിന്റെ പ്രധാന വെല്ലുവിളികൾ തന്നെയാണ്.

ഇനി ഇരു ടീമുകളുടെയും സാധ്യത പ്ലേയിങ് ഇലവൻ പരിശോധിക്കാം.

മുംബൈ ഇന്ത്യൻസ് സാധ്യത പ്ലേയിങ് ഇലവൻ: രോഹിത് ശർമ, റയാൻ റിക്കൽടൺ (WK), വിൽ ജാക്ക്‌സ്, സൂര്യകുമാർ യാദവ്, തിലക് വർമ്മ, ഹാർദിക് പാണ്ഡ്യ (c), നമൻ ധിർ, മിച്ചൽ സാൻ്റ്‌നർ, ദീപക് ചാഹർ, ട്രെൻ്റ് ബോൾട്ട്, ജസ്പ്രീത് ബുംറ

സൺറൈസേഴ്സ് ഹൈദരാബാദ് സാധ്യത പ്ലേയിങ് ഇലവൻ: അഭിഷേക് ശർമ്മ, ട്രാവിസ് ഹെഡ്, ഇഷാൻ കിഷൻ, നിതീഷ് കുമാർ റെഡ്ഡി, ഹെൻറിച്ച് ക്ലാസൻ (WK), അനികേത് വർമ, പാറ്റ് കമ്മിൻസ് (c), ഹർഷൽ പട്ടേൽ, സീഷൻ അൻസാരി, മുഹമ്മദ് ഷമി, ഇഷാൻ മലിംഗ

അതേസമയം ഇന്ന് രാത്രി 7.30നാണ് മത്സരം നടക്കുന്നത്.