MI vs SRH; മുംബൈയോട് പ്രതികാരം വീട്ടുമോ ഹൈദരാബാദ്; ടീമുകൾ നേരിടുന്ന പ്രധാന വെല്ലുവിളികൾ ഇത്

Edited byഅനുഷ ഗംഗാധരൻ | Samayam Malayalam | Updated: 22 Apr 2025, 5:06 pm

ഹൈദരാബാദ്: ഐപിഎൽ 2025 സീസണിൽ വിജയ വഴിയിലേക്ക് തിരിച്ചെത്തിയ ടീമാണ് മുംബൈ ഇന്ത്യൻസ്. അവസാനം കളിച്ച മൂന്ന് മത്സരങ്ങളിലും ജയിച്ച ടീം ഐപിഎൽ പോയിന്റ് പട്ടികയിൽ നിലവിൽ ആറാം സഥാനത്താണ് തുടരുന്നത്. താഴെ തട്ടിൽ നിന്നാണ് ടീം പതിയെ ആറാം സ്ഥാനത്തേക്ക് എത്തുന്നത്.
ഗുജറാത്തിനെതിരായ തോൽവി; കൊൽക്കത്തയ്ക്ക് വിനയായത് ഈ മണ്ടൻ തീരുമാനങ്ങൾസൺ റൈസേഴ്‌സ് ഹൈദ്രാബാദുമായി ആണ് മുംബൈ ഇന്ത്യൻസിന്റെ അടുത്ത മത്സരം. ഒരുപാട് മികച്ച താരങ്ങൾ സൺറൈസേഴ്സിൽ ഉണ്ടെങ്കിലും സ്ഥിരതയാർന്ന പ്രകടനം ഇല്ലാത്തത് ടീമിന് പലകുറി പരാജയം സമ്മാനിച്ചു. പടുകൂറ്റൻ സ്കോർ സ്വന്തമാക്കാൻ കെൽപ്പുള്ള താരങ്ങൾ ടീമിൽ ഉണ്ടെങ്കിലും സ്ഥിരത നഷ്ടപ്പെടുന്നതാണ് ടീം നേരിടുന്ന വെല്ലുവിളി.
ഏപ്രിൽ 17 നടന്ന മുംബൈ ഇന്ത്യൻസ് - സൺറൈസേഴ്‌സ് മത്സരത്തിന് ശേഷം വീണ്ടും ഇരു ടീമുകളും ഏറ്റുമുട്ടുകയാണ്. അന്ന് നടന്ന മത്സരത്തിൽ മുംബൈ ഇന്ത്യൻസിന് അനായാസം സൺറൈസേഴ്‌സ് ഹൈദരാബാദിനെ കീഴടക്കാൻ സാധിച്ചു. 18 ഓവർ അവസാനിക്കുമ്പോഴേക്കും മുംബൈ ഇന്ത്യൻസ് ഹൈദ്രബാദ് മുന്നോട്ട് വെച്ച ലക്ഷ്യം മറികടക്കാൻ സാധിച്ചിരുന്നു. ഇനി ഏപ്രിൽ 23 ന് ആ തോൽവിക്ക് മറുപടി നൽകുന്ന പ്രകടനം കാഴ്ചവെക്കാൻ ആകും ഹൈദരാബാദ് ശ്രമിക്കുക. മുംബൈ ഇന്ത്യൻസ് - സൺറൈസേഴ്‌സ് ഹൈദരാബാദ് മത്സരത്തിൽ ടീമുകൾ നേരിടുന്ന പ്രധാന വെല്ലുവിളികളും ഇരു ടീമുകളുടെയും സാധ്യത പ്ലേയിങ് ഇലവനും പരിശോധിക്കാം.

മുംബൈ ഇന്ത്യൻസ് നേരിടുന്ന വെല്ലുവിളികൾ

നിലവിലെ സീസണിലെ മികച്ച ഓപ്പണിങ് ജോഡിയിൽ ഒന്നാണ് സൺറൈസേഴ്സിന്റെ ഓപ്പണിങ് ജോഡി. അഭിഷേക് ശർമ ട്രാവിസ് ഹെഡ് കൂട്ടുകെട്ട് തകർക്കുക എന്നതാകും മുംബൈ ഇന്ത്യൻസിന്റെ ആദ്യ ലക്ഷ്യം. നേരത്തെ നടന്ന മുംബൈ ഇന്ത്യൻസ് സൺറൈസേഴ്‌സ് ഹൈദരാബാദ് മത്സരത്തിൽ രോഹിത് ശർമയേയും സൂര്യകുമാർ യാദവിനെയും വിൽ ജാക്‌സിനേയും പെട്ടന്ന് തന്നെ പവലിയനിലേക്ക് തിരിച്ചയച്ച പാറ്റ് കമ്മിൻസിനെയാണ് മുംബൈ ഭയക്കേണ്ടത്.

സൺറൈസേഴ്‌സ് ഹൈദരാബാദ് നേരിടുന്ന വെക്കുവിളികൾ

മികച്ച ബാറ്റർമാർ ടീമിലുണ്ടെങ്കിലും സ്ഥിരതയില്ലാത്ത താരങ്ങളുടെ പ്രകടനം തന്നെയാണ് ഹൈദരാബാദിന്റെ പ്രധാന വെല്ലുവിളി. ഒരു മത്സരത്തിൽ ജയിച്ചാൽ അടുത്ത മത്സരത്തിൽ പരാജയപ്പെടുന്ന ഹൈദരാബാദിനെയാണ് ഈ സീസണിൽ കാണാൻ സാധിക്കുന്നത്. അതേസമയം മുംബൈ ഇന്ത്യൻസിന്റെ ബൗളിങ് നിര ശക്തരാണ്. യുവ താരങ്ങൾ മുതൽ ഇന്ത്യൻ ടീമിന്റെ സ്റ്റാർ ബൗളർമാർ വരെയുള്ള മുബൈ ഇന്ത്യൻസിലെ ബൗളിങ് പടയിൽ നിന്ന് രക്ഷ നേടി റൺ വേട്ട തുടരാൻ ഹൈദരാബാദ് അൽപ്പം ഒന്ന് വിയർക്കും.

രാജീവ് ഗാന്ധി ഇൻ്റർനാഷണൽ സ്റ്റേഡിയം പിച്ച് റിപ്പോർട്ട്

ഹൈദരാബാദിലെ രാജീവ് ഗാന്ധി ഇൻ്റർനാഷണൽ സ്റ്റേഡിയത്തിലെ പിച്ച് ഐപിഎൽ 2025-ൽ ബാറ്റിങ് പറുദീസയാണ് എന്ന് തന്നെ പറയാം, 200-ലധികം സ്‌കോറുകൾ അനായാസം ഇവിടെ നിന്ന് സ്വന്തമാക്കാൻ സാധിക്കും. എന്നാൽ അതേസമയം കളി പുരോഗമിക്കുമ്പോൾ മൈതാനത്തിന്റെ ഉപരിതലം വരണ്ടുപോകാൻ സാധ്യത കൂടുതലാണ്, ഇത് പേസർമാരെയും സ്പിന്നർമാരെയും കളിയിലേക്ക് കൊണ്ടുവരും. എന്നിരുന്നാലും, ഈ സീസണിൽ കളിച്ച നാല് മത്സരങ്ങളിൽ, ആദ്യം ബാറ്റ് ചെയ്ത ടീമുകൾ മൂന്ന് തവണ വിജയിച്ചിട്ടുണ്ട്. അതുകൊണ്ടു തന്നെ ടോസ് സ്വന്തമാക്കുന്ന ടീം ബാറ്റിങ് തെരഞ്ഞെടുക്കാനുള്ള സാധ്യത കൂടുതലാണ്.

സൺറൈസേഴ്സ് ഹൈദരാബാദ് സാധ്യത പ്ലേയിങ് ഇലവൻ: ട്രാവിസ് ഹെഡ്, അഭിഷേക് ശർമ, ഇഷാൻ കിഷൻ, നിതീഷ് കുമാർ റെഡ്ഡി, ഹെൻറിച്ച് ക്ലാസൻ (വിക്കറ്റ് കീപ്പർ), അനികേത് വർമ, പാറ്റ് കമ്മിൻസ് (ക്യാപ്റ്റൻ), ഹർഷൽ പട്ടേൽ, സീഷൻ അൻസാരി, മുഹമ്മദ് ഷമി, ഇഷാൻ മലിംഗ
ഇംപാക്ട് പ്ലെയർ: രാഹുൽ ചാഹർ

മുംബൈ ഇന്ത്യൻസ് സാധ്യത പ്ലേയിങ് ഇലവൻ: റയാൻ റിക്കൽടൺ (വിക്കറ്റ് കീപ്പർ), വിൽ ജാക്ക്‌സ്, സൂര്യകുമാർ യാദവ്, തിലക് വർമ്മ, ഹാർദിക് പാണ്ഡ്യ (ക്യാപ്റ്റൻ), നമൻ ധിർ, മിച്ചൽ സാൻ്റ്‌നർ, ദീപക് ചാഹർ, ട്രെൻ്റ് ബോൾട്ട്, ജസ്പ്രീത് ബുംറ, അശ്വനി കുമാർ,
ഇംപാക്ട് പ്ലെയർ: രോഹിത് ശർമ്മ