Riyan Parag: റിയാൻ പരാ​ഗിൽ നിന്ന് പ്രതീക്ഷിക്കുന്നത് ഇതല്ല, ക്യാപ്റ്റന് താക്കീതുമായി സം​ഗക്കാര; പുകവലി വിവാദത്തിന് പിന്നാലെ പറഞ്ഞത് ഇങ്ങനെ

ഇന്ത്യൻ പ്രീമിയർ ലീഗിലെ ഏറ്റവും മികച്ച ഫ്രാഞ്ചെെസികളിലൊന്നാണ് രാജസ്ഥാൻ റോയൽസ് . പ്രഥമ സീസണിലെ ചാമ്പ്യന്മാരായ രാജസ്ഥാൻ ഇത്തവണയും മികച്ച പ്രകടനം പുറത്തെടുക്കുന്നുണ്ട്. എന്നാൽ കഴിഞ്ഞ ദിവസം രാജസ്ഥാൻ റോയൽസിന്റെ നായകനായ റിയാൻ പരാഗ് ഡ്രസിങ് റൂമിലിരുന്ന് ഈ സിഗരറ്റ് വലിച്ചത് വലിയ വിവാദമായിരുന്നു. 25 ലക്ഷം രൂപ പിഴയും താക്കീതുമടക്കം ശിക്ഷാ നടപടി ഉണ്ടായതും പരാഗിനെ സംബന്ധിച്ചും ടീമിനെ സംബന്ധിച്ചും വലിയ നാണക്കേടി മാറി.ടീമിന്റെ മാന്യതക്ക് നിരക്കാത്ത നീക്കമാണ് പരാഗിൽ നിന്ന് ഉണ്ടായതെന്ന് പറയാം. ടീമിന്റെ ക്യാപ്റ്റന്റെ ഭാഗത്ത് നിന്ന് തന്നെ ഇത്തരമൊരു പിഴവ് സംഭവിച്ചു എന്നതാണ് എടുത്തു പറയേണ്ടത്. ഇപ്പോഴിതാ റിയാൻ പരാഗിന്റെ നടപടിയെക്കുറിച്ച് ടീമിന്റെ പരിശീലകനായ കുമാർ സംഗക്കാര തന്നെ പ്രതികരിച്ച് രംഗത്തെത്തിയിരിക്കുകയാണ്. റിയാൻ‌ പരാഗിൽ നിന്ന് ടീം പ്രതീക്ഷിക്കുന്നത് ഇതല്ലെന്നാണ് സംഗക്കാര പറയുന്നത്.

റിയാൻ പരാഗ് ചെയ്തത് ടീമിന് പോസിറ്റീവായ കാര്യമല്ല. ഏത് തരത്തിലായാലും അത് വിവാദം സൃഷ്ടിച്ചു. ബിസിസി ഐയും ഫ്രാഞ്ചെെസിയും ഇക്കാര്യത്തിൽ നിലപാട് വ്യക്തമാക്കിയെന്ന് എനിക്ക് പറയാൻ കഴിയും. ടീമിന്റെ സംസ്കാരം എപ്പോഴും പോസിറ്റീവായി വെക്കാനാണ് ഞങ്ങൾ എപ്പോഴും ശ്രമിക്കാറുള്ളത്. ഞങ്ങളുടെ ടീമിന് അതിന്റേതായ മൂല്യമുണ്ട്. ടീമിന്റെ മൂല്യം നിലനിർത്തുമെന്ന് എല്ലാ താരങ്ങളും ഉറപ്പ് വരുത്തുകയും ടീമിന്റെ സംസ്കാരവും മൂല്യവും ഉയർത്തിപ്പിടിക്കുകയും ചെയ്യണമെന്നാണ് സംഗക്കാര പറഞ്ഞത്.

ടീമിലെ സഹതാരങ്ങളുടെ മുന്നിൽവെച്ചാണ് പരാഗ് ഇന്ത്യയിൽ നിരോധിച്ചിട്ടുള്ള ഈ സിഗരറ്റ് വലിച്ചത്. ഇത് ഗുരുതരമായ കുറ്റമാണ്. ജയിൽ ശിക്ഷയടക്കം ലഭിക്കാവുന്ന തരത്തിലുള്ള പിഴവാണിതെന്ന് പറയാം. ശക്തമായ നടപടിയിലേക്ക് പോകാമായിരുന്ന കുറ്റമാണ് പരാഗ് നടത്തിയത്. 25 ലക്ഷം പിഴ ശിക്ഷയിൽ ഒതുങ്ങിയതിനെ ഭാഗ്യമായി വേണം കണക്കാക്കാൻ.
IPL 2026: കോഹ്ലിക്ക് ​ഗില്ലിനോട് എന്താണ് പ്രശ്നം? ക്യാച്ച് നേടിയതിന് പിന്നാലെ 'കട്ടക്കലിപ്പ് ' ആഘോഷം, സൂപ്പർ താരത്തെ ചൊടിപ്പിച്ചത് ഇക്കാര്യം
പരാഗിന്റെ ക്യാപ്റ്റനായുള്ള പ്രകടനം മികച്ചതാണ്. സഞ്ജു സാംസണിന്റെ അഭാവത്തിലും ടീമിനെ മുന്നോട്ട് കൊണ്ടുപോകാൻ പരാഗിന് സാധിക്കുന്നുണ്ട്. പക്ഷെ ബാറ്റ്സ്മാനെന്ന നിലയിൽ പ്രതീക്ഷിച്ച ഇംപാക്ട് സൃഷ്ടിക്കുന്നതിൽ പരാഗിന് വീഴ്ച സംഭവിച്ചിട്ടുണ്ട്. ഇക്കാര്യം സംഗക്കാര ചൂണ്ടിക്കാട്ടി. 'ക്യാപ്റ്റനെന്ന നിലയിൽ പരാഗ് മികച്ച കാര്യങ്ങളാണ് ചെയ്യുന്നത്. അവസാന മത്സരത്തിൽ അവന്റെ ചെറിയ ഇന്നിങ്സ് വലിയ ഇംപാക്ടാണ് സൃഷ്ടിച്ചത്. അവൻ ഭയമില്ലാതെ കളിക്കുന്ന താരമാണ്.

പ്രതിസന്ധി സാഹചര്യത്തിലും ടീമിന് ആവശ്യമുള്ളതുപോലെ മികവ് കാട്ടാൻ പരാഗിന് കഴിവുണ്ട്. അവന്റെ ബാറ്റിങ് മികവിനെ ഒരിക്കലും ചോദ്യം ചെയ്യാൻ സാധിക്കില്ല. എന്നാൽ ക്യാപ്റ്റനെന്ന നിലയിൽ ബാറ്റ് ചെയ്യാതെ ആസ്വദിച്ച് ബാറ്റ് ചെയ്യുന്നത് കാണാനാണ് ആഗ്രഹിക്കുന്നത്. റിയാൻ പരാഗ് എന്ന താരമായി ബാറ്റ് ചെയ്യാൻ കഴിയണം. ഫീൽഡിങ്ങിന്റെ സമയത്ത് മാത്രം ക്യാപ്റ്റനായാൽ മതി.

IPL 2026: രജത് പാട്ടീധാറിന്റേത് ഔട്ടല്ലേ? ഹോൾഡർ പന്ത് നിലത്ത് തട്ടിച്ചോ; തേർഡ് അംപയറെ ചോദ്യം ചെയ്ത് വിരാട് കോഹ്ലി, വിവാദം

ഉത്തരവാദിത്തത്തിന്റെ സമ്മർദ്ദമില്ലാതെ പ്രതീക്ഷകളില്ലാതെ സ്വാതന്ത്ര്യത്തോടെ ബാറ്റ് ചെയ്യാൻ സാധിക്കണം. കഴിഞ്ഞ മത്സരത്തിൽ അവൻ പോസിറ്റീവായ പ്രകടനമാണ് നടത്തിയത്' കുമാർ സംഗക്കാര കൂട്ടിച്ചേർത്തു. പരാഗിന് ശക്തമായ തിരിച്ചുവരവ് നടത്താൻ സാധിക്കേണ്ടത് മധ്യനിരയിൽ രാജസ്ഥാന് വളരെ നിർണ്ണായകമാണ്.