'അത് സിക്സർ തന്നെ; കരുണും അത് സമ്മതിച്ചു' മൂന്നാം അമ്പയർ പഞ്ചാബിനെ ചതിച്ചതോ?

Authored by: അനുഷ ഗംഗാധരൻ|Samayam Malayalam•25 May 2025, 4:10 pm

കഴിഞ്ഞ ദിവസം നടന്ന ഡൽഹി ക്യാപിറ്റൽ - പഞ്ചാബ് കിങ്‌സ് മത്സരത്തിനിടയിൽ ശശാങ്ക് സിങ്ങിന്റെ ഒരു ക്യാച്ച് ആണ് ഇപ്പോൾ സമൂഹ മാധ്യമങ്ങളിലെ പ്രധാന ചർച്ച. മത്സരത്തിൽ ഡൽഹി ക്യാപിറ്റൽസ് 6 വിക്കറ്റിന് ജയം സ്വന്തമാക്കുകയായിരുന്നു. എന്നാൽ പഞ്ചാബിനെ വെട്ടിലാക്കിയ ഒരു ക്യാച്ചിനെ കുറിച്ച് പ്രതികരിച്ച് രംഗത്തെത്തിയിരിക്കുകയാണ് പഞ്ചാബ് കിങ്‌സ് സഹ ഉടമയായ പ്രീതി സിന്റ.
ചെന്നൈയുടെ തുറുപ്പുചീട്ട് ഗുജറാത്തിനെ എറിഞ്ഞിടുമോ? നിർണായക മത്സരത്തിൽ ഗുജറാത്ത് ഭയക്കുന്നത് ആ താരത്തെ
മൂന്നാം അമ്പയറുടെ ഭാഗത്ത് നിന്ന് എങ്ങനെയാണ് ഇത്രയും വലിയ ഒരു തെറ്റ് സംഭവിക്കുക എന്ന ചോദ്യവുമായി ആണ് താരം എത്തിയത്. കഴിഞ്ഞ ദിവസം ടോസ് നേടിയ ഡൽഹി പഞ്ചാബിനെ ബാറ്റിങ്ങിന് അയക്കുകയായിരുന്നു. വിക്കറ്റുകൾ നഷ്ടമായെങ്കിലും 206 എന്ന ഭേദപ്പെട്ട സ്കോറിലേക്ക് പഞ്ചാബിനെ എത്തിക്കാൻ പഞ്ചാബിന്റെ ബാറ്റ്‌സ്മാന്മാർക്ക് കഴിഞ്ഞു.

പഞ്ചാബിന്റെ ഇന്നിങ്സിന്റെ 15 ആം ഓവറിലാണ് വിവാദപരമായ മൂന്നാം അമ്പയറിന്റെ വിധി എത്തുന്നത്. മോഹിത് ശർമയുടെ പന്ത് സിക്സറിന് പറത്തിയതായിരുന്നു ശശാങ്ക് സിങ്ങ്. എന്നാൽ ബൗണ്ടറി ലൈനിൽ ഉണ്ടായിരുന്ന കരുൺ നായർ ഈ പന്ത് ബൗഡറി കടക്കാൻ അനുവദിക്കാതെ തടഞ്ഞു. പക്ഷെ ബൗണ്ടറി ലൈനിൽ കരുൺ നായറിന്റെ കാൽ ടച്ച് ചെയ്‌തിട്ടുണ്ട്‌ എന്നാണ് ഇപ്പോൾ സോഷ്യൽ മീഡിയയുടെ കണ്ടെത്തൽ. എന്നാൽ അതേസമയം ഈ സംശയം പ്രീതി സിന്റ കരുൺ നായരുമായി സംസാരിക്കുകയും തീർച്ചയായും അതൊരു സിക്സണ് എന്ന് കരുൺ മറുപടി നൽകുകയും ചെയ്‌തു എന്നാണ് പ്രീതി സിന്റ ഇപ്പോൾ തന്റെ എക്സ് അക്കൗണ്ടിൽ കുറിച്ചത്.

മൂന്നാം അമ്പയറുടെ ഭാഗത്ത് നിന്ന് വന്ന പിഴവ് ചൂണ്ടിക്കാട്ടി ആരാധകർ എക്‌സിൽ പോസ്റ്റ് ചെയ്ത കുറിപ്പ് പങ്കുവെച്ചാണ് പ്രീതി സിന്റ ഈ കാര്യം പറയുന്നത്.

എങ്ങനെയാണ് ഇത്രയും വലിയ ഒരു ടൂർണമെന്റിലെ ഒരു അമ്പയറിന് ഇത്രയും വലിയ തെറ്റ് പറ്റിയത് എന്നാണ് ആരാധകർ പ്രധാനമായും ചോദിക്കുന്നത്.

അതേസമയം ബൗണ്ടറി റോപ്പിലെ ഫീൽഡറായ കരുൺ നായരും പന്ത് പരമാവധി പരിധിക്ക് മുകളിലൂടെ പോയതായി സൂചിപ്പിച്ചതാണ് മൂന്നാം അമ്പയറുടെ വിധി കൂടുതൽ വിവാദമാകാൻ കാരണമായത്.

"തേർഡ് അമ്പയറുടെ കൈവശം ഇത്രയധികം സാങ്കേതികവിദ്യകൾ ഉണ്ടായിട്ടും എങ്ങനെയാണ് ഇത്രയും ഉയർന്ന പ്രൊഫൈൽ ടൂർണമെന്റിൽ ഇത്തരം തെറ്റുകൾ സംഭവിക്കുക, ഇത് അംഗീകരിക്കാൻ കഴിയില്ല, സംഭവിക്കാൻ പാടില്ലാത്തതുമാണ്. കളി കഴിഞ്ഞ് ഞാൻ കരുണിനോട് സംസാരിച്ചു, അത് തീർച്ചയായും ഒരു 6 ആണെന്ന് അദ്ദേഹം സ്ഥിരീകരിച്ചു!' എന്നായിരുന്നു പ്രീതി സിന്റ എസ്‌സിൽ കുറിച്ചത്.