അസമിലെ അസന്തോഷങ്ങൾ: സന്തോഷ് ട്രോഫി സംഘാടനത്തിൽ വൻ പാളിച്ച; വ്യാപക വിമർശനം

ഗ്രൗണ്ടിനു ചെരിവ്

മൈതാനത്തിന്റെ ഇടതുഭാഗത്ത് പോസ്റ്റിനു മുന്നിൽ അൽപം ചെരിവുണ്ട്. അവിടെ കുത്തുന്ന പന്ത് ഇടത്തേക്കോ വലത്തേക്കോ ദിശമാറാം. ഇത്തവണ സന്തോഷ് ട്രോഫി കളിച്ച താരങ്ങൾ മത്സരങ്ങൾക്കിടെ ചിന്തിച്ചത് ഇങ്ങനയാവാം! ഗോൾ ലക്ഷ്യമാക്കി മുന്നേറുന്ന താരത്തിനു മൈതാനത്തെക്കുറിച്ച്കൂടി ചിന്തിച്ചു കളിക്കേണ്ട അവസ്ഥ. ഇതായിരുന്നു ടൂർണമെന്റിൽ എല്ലാ ടീമുകളും നേരിട്ട പ്രധാന വെല്ലുവിളി. കൃത്യമായി പരിപാലിക്കാത്ത മൈതാനങ്ങൾ ടൂർണമെന്റിനായി താൽക്കാലികമായി ഒരുക്കിയെടുക്കുകയായിരുന്നു. ‌മുള കൊണ്ടാണു ഗാലറികൾ കെട്ടിയൊരുക്കിയത്. ഗ്രാമീണമേഖലയുടെ കായിക വളർച്ചയാണ് ലക്ഷ്യമിട്ടതെന്നു സംഘാടകർ പറയുമ്പോഴും അതിനായി ഒരുക്കിയ അടിസ്ഥാന സൗകര്യങ്ങൾക്കു നിലവാരം വളരെ കുറവായിരുന്നു.

സംഘാടനത്തിൽ ആശങ്ക

ടീമുകൾക്കു താമസസൗകര്യം ഒരുക്കിയ ദിബ്രുഗഡ് നഗരത്തിൽനിന്നു 50 കിലോമീറ്ററിലധികം അകലെയുള്ള സിലാപത്തർ, ധാക്കുവാഖാന എന്നീ ഗ്രാമങ്ങളിലാണ് മത്സരങ്ങൾ നടന്നത്. 2 സ്റ്റേഡിയങ്ങൾ തമ്മിലുള്ള അകലമാകട്ടെ 66 കിലോമീറ്ററും! മത്സരശേഷമുള്ള നീണ്ട യാത്ര താരങ്ങളെ മടുപ്പിച്ചു.

English Summary:

Santosh Trophy's 79th variation successful Assam highlighted important issues with sports infrastructure and organization. Despite a banner calling for 'football development,' the tourney faced challenges similar uneven grounds, mediocre facilities, and logistical problems, impacting subordinate acquisition and raising concerns astir the aboriginal of Indian football.