ആദ്യ നാലിൽ ഇടംപിടിക്കാൻ പഞ്ചാബ്, ഹോം ഗ്രൗണ്ടിൽ ജയം സ്വന്തമാക്കാൻ ചെന്നൈ; ടീമുകൾ നേരിടുന്ന വെല്ലുവിളികൾ എന്തൊക്കെ?

Edited byഅനുഷ ഗംഗാധരൻ | Samayam Malayalam | Updated: 30 Apr 2025, 2:21 pm

ചെന്നൈ: ഐപിഎൽ 2025 സീസണിൽ ഇന്ന് പഞ്ചാബ് കിങ്‌സ് (പിബികെഎസ്) - ചെന്നൈ സൂപ്പർ കിങ്‌സ് (സിഎസ്കെ) മത്സരമാണ്. രാത്രി 7.30 ന് ചെന്നൈയുടെ ഹോം ഗ്രൗണ്ടായ എം എ ചിദംബരം സ്റ്റേഡിയത്തിൽ വെച്ചാണ് മത്സരം. പ്ലേ ഓഫ് നഷ്‌ടമായ ചെന്നൈ സൂപ്പർ കിങ്സിന് സീസണിൽ ഇനി 5 മത്സരണങ്ങളാണ് അവശേഷിക്കുന്നത്. പോയിന്റ് പട്ടികയിൽ പത്താം സ്ഥാനത്തുള്ള സിഎസ്കെയ്ക്ക് 4 പോയിന്റ് ആണ് ഉള്ളത്.
രോഹിത് ശർമയുടെ ആസ്തി വിവരങ്ങൾ കണ്ട് ഞെട്ടി ആരാധകർ; കാറുകളോട് പ്രിയമുള്ള താരത്തിന്റെ ഗാരേജിലുള്ളത് ലക്ഷ്വറി കാറുകൾഐപിഎൽ 2025 സീസണിൽ പോയിന്റ് പട്ടികയിൽ 11 പോയിന്റുമായി അഞ്ചാം സ്ഥാനത്താണ് പഞ്ചാബ് കിങ്‌സുള്ളത്. ഇന്ന് നടക്കുന്ന മത്സരത്തിൽ ഉയർന്ന റൺ റേറ്റിൽ ജയം സ്വന്തമാക്കി പോയിന്റ് പട്ടികയിൽ ആദ്യ നാലിൽ ഇടം പിടിക്കുക എന്നതാണ് പഞ്ചാബ് കിങ്സിന്റെ ലക്ഷ്യം.
ഇന്ന് നടക്കുന്ന മത്സരത്തിൽ ഇരു ടീമുകളും നേരിടുന്ന പ്രധാന വെല്ലുവിളിയും ടീമിന്റെ പ്ലേയിങ് ഇലവനും പരിശോധിക്കാം.

ചെന്നൈ സൂപ്പർ കിങ്‌സ് നേരിടുന്ന പ്രധാന വെല്ലുവിളികൾ

പ്ലേ ഓഫിലെത്തുക എന്നത് ചെന്നൈ സൂപ്പർ കിങ്സിനെ സംബന്ധിച്ചിടത്തോളം നിലവിൽ സാധ്യമല്ല. ഇനി പ്ലേ ഓഫിൽ എത്തണമെങ്കിൽ തന്നെ അതിന് കടമ്പകൾ ഏറെയാണ്. പക്ഷെ ഹോം ഗ്രൗണ്ടിൽ തകർപ്പൻ ഇന്നിങ്സ് കാഴ്ചവെക്കാൻ സിഎസ്കെ ശ്രമിക്കും. പക്ഷെ കരുത്തരായ പഞ്ചാബിന്റെ ബാറ്റിങ് നിരയെയും ബൗളിങ് നിരയെയും നേരിടാൻ സിഎസ്കെ കൃത്യമായ തന്ത്രങ്ങൾ മെനയേണ്ടതുണ്ട്. എം എസ് ധോണിയുടെ കീഴിൽ ഹോം ഗ്രൗണ്ടിൽ ചെന്നൈ കിടിലൻ ഇന്നിങ്സ് കാഴ്ചവെക്കും എന്ന് തന്നെയാണ് ആരാധകരും പ്രതീക്ഷിക്കുന്നത്.

പഞ്ചാബ് കിങ്‌സ് നേരിടുന്ന പ്രധാന വെല്ലുവിളികൾ

ഐപിഎൽ 2025 പോയിന്റ് ടേബിളിൽ ആദ്യ നാലിൽ തുടർന്നിരുന്നു പഞ്ചാബ് കിങ്‌സ് ഇപ്പോൾ അഞ്ചാം സ്ഥാനത്താണ്. ആദ്യ നാല് സ്ഥാനത്തുള്ള ടീമുകൾ എല്ലാം തന്നെ കിടിലൻ പ്രകടനം കാഴ്ചവെച്ച് മുന്നേറുന്നത് കൊണ്ട് ഇനിയുള്ള മത്സരങ്ങളിൽ ജയം അനിവാര്യമാണ്. കൊൽക്കത്തയുമായുള്ള മത്സരം റദ്ദായതും പഞ്ചാബിന് തിരിച്ചടിയായി. ഈ മത്സരത്തിൽ ആദ്യം ബാറ്റ് ചെയ്യാൻ അവസരം ലഭിക്കുകയാണ് എങ്കിൽ പടുകൂറ്റൻ സ്കോർ അടിച്ചെടുക്കുക എന്നതാകും പഞ്ചാബിന്റെ തന്ത്രം.

പഞ്ചാബ് കിങ്‌സ് സാധ്യത പ്ലേയിങ് ഇലവൻ: പ്രിയാൻഷ് ആര്യ, പ്രഭ്സിമ്രാൻ സിംഗ്, ശ്രേയസ് അയ്യർ (c), ജോഷ് ഇംഗ്ലിസ് (wk), നെഹാൽ വധേര, ശശാങ്ക് സിംഗ്, ഗ്ലെൻ മാക്സ്വെൽ, അസ്മത്തുള്ള ഒമർസായി / സേവ്യർ ബാർട്ട്ലെറ്റ്, മാർക്കോ ജാൻസൻ, അർഷ്ദീപ് സിംഗ്, യുസ്വേന്ദ്ര ചാഹൽ,

ഇംപാക്ട് പ്ലേയർ: ഹർപ്രീത് ബ്രാർ

ചെന്നൈ സൂപ്പർ കിങ്‌സ് സാധ്യത പ്ലേയിങ് ഇലവൻ: ഷെയ്ക് റഷീദ്, ആയുഷ് മാത്രെ, ദീപക് ഹൂഡ, സാം കുറാൻ, രവീന്ദ്ര ജഡേജ, ഡെവാൾഡ് ബ്രെവിസ്, ശിവം ദുബെ, എംഎസ് ധോണി(w/c), നൂർ അഹമ്മദ്, ഖലീൽ അഹമ്മദ്, മതീശ പതിരണ,

ഇംപാക്ട് പ്ലേയർ: അൻഷുൽ കംബോജ്/ആർ അശ്വിൻ