ആദ്യ നാലിൽ തുടരാൻ ഗുജറാത്ത്; പൊരുതാൻ ഹൈദരാബാദ്, നിർണ്ണായക പോരാട്ടത്തിൽ ടീമുകൾ നേരിടുന്ന വെല്ലുവിളികൾ അറിയാം

Edited byഅനുഷ ഗംഗാധരൻ | Samayam Malayalam | Updated: 2 May 2025, 12:23 pm

അഹമ്മദാബാദ്: ഇന്ത്യൻ പ്രീമിയർ ലീഗ് 2025 സീസൺ കൂടുതൽ വാശിയേറിയ പോരാട്ടമായി മാറുകയാണ്. ഓരോ ടീമുകൾക്കും പോയിന്റ് അത്രയും അനിവാര്യമായ സാഹചര്യവുമാണ് ഇപ്പോഴുള്ളത്. ഇന്ന് നടക്കുന്ന മത്സരത്തിൽ ഗുജറാത്ത് ടൈറ്റൻസും സൺറൈസേഴ്‌ ഹൈദരാബാദും ഏറ്റുമുട്ടുമ്പോൾ ഇരു ടീമുകൾക്കും ജയം അനിവാര്യമാണ്.
രോഹിത് ശർമയ്ക്ക് പോലും നേടാൻ സാധിക്കാത്ത റെക്കോഡ് സ്വന്തമാക്കി ഹർദിക് പാണ്ഡ്യ; അപൂർവ നേട്ടവുമായി ചരിത്രത്തിൽ ഇടം നേടി മുംബൈ നായകൻഐപിഎൽ 2025 പോയിന്റ് ടേബിളിൽ നാലാം സ്ഥാനത്താണ് ഗുജറാത്ത് ടൈറ്റൻസ് ഉള്ളത്. 9 മത്സരങ്ങളിൽ 6 ജയം സ്വന്തമാക്കി 12 പോയിന്റ് നേടിയ ഗുജറാത്തിനു ഈ മത്സരത്തിൽ ജയം നേടി മൂന്നാം സ്ഥാനത്തേക്ക് ഉയരേണ്ടത് അനിവാര്യമാണ്, ഇല്ലെങ്കിൽ അഞ്ചാം സ്ഥാനത്തുള്ള ഡൽഹി ക്യാപിറ്റൽസ് അടുത്ത മത്സരത്തിൽ ജയിച്ചാൽ പോയിന്റ് പട്ടികയിൽ നാലാം സ്ഥാനത്തേക്ക് എത്തുകയും ഗുജറാത്ത് അഞ്ചിലേക്ക് വീഴുകയും ചെയ്യും. ഇത് പ്ലേ ഓഫ് സാധ്യതയ്ക്ക് മങ്ങലേൽപ്പിക്കും.
സൺറൈസേഴ്‌സ് ഹൈദരാബാദിനും ഈ മത്സരം നിർണായകമാണ്. പോയിന്റ് പട്ടികയിൽ ഒൻപതാം സ്ഥാനത്തുള്ള ഹൈദരാബാദിന് 5 മത്സരങ്ങളാണ് ഇനി ബാക്കിയുള്ളത്. ഇതിൽ ഏതെങ്കിലും ഒന്നിൽ പരാജയെപ്പെട്ടാൽ ഐപിഎൽ 2025 സീസണിൽ നിന്ന് ടീം പുറത്താകും. അതുകൊണ്ടുതന്നെ ഇന്ന് നടക്കുന്ന മത്സരത്തിൽ ജയം അല്ലാതെ മറ്റൊന്നും ഹൈദരാബാദ് ലക്ഷ്യം വെക്കുന്നില്ല. ഗുജറാത്തിന്റെ ഹോം ഗ്രൗണ്ടായ നരേദ്ര മോദി സ്റ്റേഡിയത്തിൽ രാത്രി 7.30 നാണ് മത്സരം. ബാറ്റർമാർക്ക് സൗഹൃദകരമായ പിച്ച് ആണ് നരേന്ദ്ര മോദി സ്റ്റേഡിയത്തിന്റേത്. അതുകൊണ്ടു തന്നെ ടോസ് നേടുന്ന ടീം ആദ്യം ബാറ്റിങ് തിരഞ്ഞെടുക്കാനുള്ള സാധ്യത കൂടുതലാണ്. പടുകൂറ്റൻ സ്കോർ നേടുക എന്നതാകും ആദ്യം ബാറ്റിങ്ങിന് ഇറങ്ങുന്നവരുടെ ലക്ഷ്യം.

ഇരു ടീമുകളും ഇതുവരെ അഞ്ച് തവണയാണ് നേർക്കുനേർ വന്നത്. ഇതിൽ മൂന്ന് തവണ ഗുജറാത്ത് ജയം സ്വന്തമാക്കുകയൂം ഒരു തവണ ഹൈദരാബാദ് ജയിക്കുകയും ഒരു തവണ മത്സരം റദ്ദാവുകയും ചെയ്‌തു.

ഇരുടീമുകളും നേരിടുന്ന പ്രധാന വെല്ലുവിളിയും ടീമുകളുടെ സാധ്യത പ്ലേയിങ് ഇലവനും പരിശോധിക്കാം

ഗുജറാത്ത് ടൈറ്റൻസ് നേരിടുന്ന വെല്ലുവിളികൾ

രാജസ്ഥാൻ റോയൽസുമായുള്ള മത്സരത്തിൽ ഗുജറാത്തിനു പിഴച്ചത് ബൗളിങ് നിരയിൽ വന്ന വീഴ്ചകളാണ്. ആദ്യം ബാറ്റ് ചെയ്‌ത ടീം 200 ന് മുകളിൽ സ്കോർ നേടിയെങ്കിലും രാജസ്ഥാൻ റോയൽസിന് അനായാസം ലക്ഷ്യം മറികടക്കാൻ സാധിച്ചു. രാജസ്ഥാന്റെ ഓപ്പണർമാരെ പവർ പ്ലേ ഘട്ടത്തിൽ വീഴ്ത്താൻ സാധിക്കാതെ പോയതാണ് ഇതിനുകാരണം.

അതുകൊണ്ട് തന്നെ ഇന്ന് നടക്കുന്ന മത്സരത്തിൽ ഹൈദരാബാദിന്റെ ഓപ്പണർമാരെ പവർ പ്ലേ സമയത്തിൽ തന്നെ വീഴ്ത്താൻ ഗുജറാത്തിന് സാധിക്കണം. അതല്ല ഹൈദരാബാദിന്റെ ഓപ്പണർമാരായ അഭിഷേക് ശർമയ്ക്കും ട്രാവിസ് ഹെഡിനും ലോങ്ങ് റൺ ലഭിച്ചാൽ ഹൈദരാബാദിനെ പിടിച്ചുകെട്ടാൻ ശ്രമകരമായിരിക്കും.

സൺറൈസേഴ്‌സ് ഹൈദരാബാദ് നേരിടുന്ന വെല്ലുവിളികൾ

ഐപിഎൽ 2025 ലെ സൺറൈസേഴ്‌സ് ഹൈദരാബാദിന്റെ ആദ്യ മത്സരം കണ്ടപ്പോൾ ആരാലും തകർക്കാൻ കഴിയാത്ത പടയായി ഹൈദരാബാദ് മാറുമെന്ന് എല്ലാവരും ഒരേ സ്വരത്തിൽ പറഞ്ഞു. എന്നാൽ സീസണിൽ പിന്നീട് അങ്ങോട്ട് കണ്ടത് സമ്മിശ്ര പ്രകടനമായിരുന്നു.

എന്നാൽ ഇനിയുള്ള മത്സരങ്ങളിൽ സമ്മിശ്ര പ്രകടനം പോരാ, വേണ്ടത് ജയം മാത്രമാണ്. എങ്കിൽ മാത്രമേ പുറത്താകാതെ പിടിച്ചുനിൽക്കാനും പ്ലേ ഓഫിലേക്കുള്ള സാധ്യത മങ്ങാതെയും നിൽകുകയുള്ളൂ. ഗുജറാത്തിന്റെ ശക്തി അവരുടെ ബാറ്റിങ് നിരയാണ്. ആ ബാറ്റിങ് നിറയെ എറിഞ്ഞിട്ടാൽ ഹൈദരാബാദിന് ജയം സ്വന്തമാക്കാം. ഗില്ലിനെയും സായി സുദർശനെയും തളയ്ക്കാനുള്ള തന്ത്രങ്ങളും ഹൈദരാബാദിന്റെ പക്കൽ വേണം.

ഗുജറാത്ത് ടൈറ്റൻസ് സാധ്യത പ്ലേയിങ് 11: ജോസ് ബട്ട്‌ലർ (WK), ശുഭ്മാൻ ഗിൽ (C), സായ് സുദർശൻ, ഷെർഫാൻ റൂഥർഫോർഡ്, ഷാരൂഖ് ഖാൻ, ആർ ടെവാതിയ, രവിശ്രീനിവാസൻ സായ് കിഷോർ, റാഷിദ് ഖാൻ, ഇഷാന്ത് ശർമ, പ്രസിദ് കൃഷ്ണ, മുഹമ്മദ് സിറാജ്

സൺറൈസേഴ്സ് ഹൈദരാബാദ് സാധ്യത പ്ലേയിങ് 11: എച്ച് ക്ലാസൻ (WK), ഇഷാൻ കിഷൻ, ടിഎം ഹെഡ്, എ വർമ, അഭിഷേക് ശർമ, കെ നിതീഷ് കുമാർ റെഡ്ഡി, എ മനോഹർ, പിഎച്ച്കെഡി മെൻഡിസ്, പാറ്റ് കമ്മിൻസ് (C), എം ഷാമി, എച്ച് വി പട്ടേൽ