ആളിക്കത്തി വൈഭവും സഞ്ജുവും; രാജസ്ഥാന്‍ റോയല്‍സിന് വിജയത്തോടെ പടിയിറക്കം

Authored by: നിഷാദ് അമീന്‍|Samayam Malayalam•20 May 2025, 11:41 pm

ഐപിഎല്‍ 2025ലെ (IPL 2025) തങ്ങളുടെ അവസാന മല്‍സരത്തില്‍ സഞ്ജു സാംസണ്‍ (Sanju Samson) നയിച്ച രാജസ്ഥാന്‍ റോയല്‍സിന് (Rajasthan Royals) ആശ്വാസ ജയം. പോയിന്റ് പട്ടികയില്‍ ഏറ്റവും പിന്നിലുള്ള ചെന്നൈ സൂപ്പര്‍ കിങ്‌സിനെ (Chennai Super Kings) ആറ് വിക്കറ്റിന് തോല്‍പ്പിച്ച് സീസണിന് വിരാമമിട്ടു. 14 മല്‍സരങ്ങളില്‍ നിന്ന് നാല് വിജയങ്ങളുമായി ഒമ്പതാം സ്ഥാനത്ത് തുടരുകയാണ് റോയല്‍സ്. 10ാം സ്ഥാനത്തുള്ള സിഎസ്‌കെയ്ക്ക് ഒരു മല്‍സരം ബാക്കിയുണ്ട്. മെയ് 25ന് ഗുജറാത്ത് ടൈറ്റന്‍സാണ് എതിരാളികള്‍. ഈ മല്‍സരം അവസാന രണ്ട് സ്ഥാനക്കാരെ നിശ്ചയിക്കും.


ഡല്‍ഹി അരുണ്‍ ജെയ്റ്റ്‌ലി സ്റ്റേഡിയത്തില്‍ സിഎസ്‌കെ എട്ടിന് 187 റണ്‍സ് നേടിയപ്പോള്‍ റോയല്‍സ് 17.1 ഓവറില്‍ നാല് വിക്കറ്റ് നഷ്ടത്തില്‍ ലക്ഷ്യം കണ്ടു. ഓപണര്‍മാരായ യശസ്വി ജയ്‌സ്വാള്‍ (19 പന്തില്‍ 36), വൈഭവ് സൂര്യവംശി (33 പന്തില്‍ 57), മൂന്നാമനായെത്തിയ സഞ്ജു സാംസണ്‍ (31 പന്തില്‍ 41) എന്നിവര്‍ വിജയകരമായ ചേസിങിന് നേതൃത്വം നല്‍കി. ധ്രുവ് ജുറെല്‍ (12 പന്തില്‍ 31) പുറത്താവാതെ നിന്നു.

https://www.instagram.com/reel/DJ4gkfdN4Jm/https://www.instagram.com/reel/DJ4gkfdN4Jm/
ആദ്യം നേടിയ സഞ്ജു സിഎസ്‌കെയെ ബാറ്റിങിന് അയക്കുകയായിരുന്നു. ടോപ് ഓര്‍ഡറില്‍ ആയുഷ് മാത്രെ മാത്രമാണ് തിളങ്ങിയത്. ഇതോടെ 78ന് അഞ്ച് എന്ന നിലയിലേക്ക് സിഎസ്‌കെ കൂപ്പുകുത്തി. 20 പന്തില്‍ ആയുഷ് മാത്രെ എട്ട് ഫോറുകളും ഒരു സിക്‌സറും സഹിതം 43 റണ്‍സ് അടിച്ചെടുത്തു.

നാല് കോടിയുടെ ലംബോര്‍ഗിനി സമ്മാനമായി നല്‍കി രോഹിത് ശര്‍മ; '264' നമ്പര്‍ കാറില്‍ ഇനി ആരാധകര്‍ മുംബൈ നഗരത്തിലൂടെ പറക്കും
പിന്നീട് ഡിവാള്‍ഡ് ബ്രെവിസ് (25 പന്തില്‍ 42), ശിവം ദുബെ (32 പന്തില്‍ 39), എംഎസ് ധോണി (17 പന്തില്‍ 16) എന്നിവരാണ് സ്‌കോര്‍ എട്ടിന് 187 എന്ന നിലയിലെത്തിച്ചത്. ആര്‍ആറിനായി ആകാശ് മധ്‌വല്‍ നാല് ഓവറില്‍ 29 റണ്‍സിന് മൂന്നു വിക്കറ്റും യുധ്‌വീര്‍ സിങ് നാല് ഓവറില്‍ 47 റണ്‍സിന് മൂന്ന് വിക്കറ്റും വീഴ്ത്തി.

ഐപിഎല്‍ ഫൈനല്‍ അഹമ്മദാബാദിലേക്ക് മാറ്റി; ആര്‍സിബി-എസ്ആര്‍എച്ച് മല്‍സരം ലഖ്നൗവില്‍
സിഎസ്‌കെയുടെ അവസാന ഹോം മാച്ച് ആയിരുന്നു ഇതെങ്കിലും ചെന്നൈ ചെപ്പോക്കിന് പകരം ഡല്‍ഹിയിലെ അരുണ്‍ ജെയ്റ്റ്ലി സ്റ്റേഡിയത്തിലായിരുന്നു മല്‍സരം അരങ്ങേറിയത്. പുതുക്കിയ ഷെഡ്യൂള്‍ പ്രകാരം ടൂര്‍ണമെന്റ് ആറ് വേദികളിലേക്ക് പരിമിതപ്പെടുത്തിയതിനെ തുടര്‍ന്നാണിത്.

മെയ് 12ന് ചെപ്പോക്കില്‍ നടക്കേണ്ട മല്‍സരം ഓപറേഷന്‍ സിന്ദൂരിനെ തുടര്‍ന്ന് ലീഗ് ഒരു ആഴ്ചത്തേക്ക് നിര്‍ത്തിവച്ചതോടെ ഡല്‍ഹിയിലേക്ക് മാറ്റുകയായിരുന്നു. എംഎസ് ധോണിയുടെ നേതൃത്വത്തിലുള്ള ടീം ഈ വര്‍ഷം ചെന്നൈയില്‍ ആറ് മത്സരങ്ങള്‍ കളിച്ചു.