ഐപിഎല്ലിലെ ആദ്യ കളിക്ക് തലേന്ന് ആർസിബി, കെകെആർ ടീമുകളെ കലിപ്പിലാക്കി അക്കാര്യം; തലവേദന നൽകി കൊൽക്കത്തയിലെ കാലാവസ്ഥ

Curated byഗോകുൽ എസ് | Samayam Malayalam | Updated: 22 Mar 2025, 12:35 am

Samayam Malayalamആർസിബി Vs കെകെആർ

പതിനെട്ടാം എഡിഷൻ ഇന്ത്യൻ പ്രീമിയർ ലീഗിന് ഇന്ന് ( 22-03-2025 ) തുടക്കമാവുകയാണ്. കഴിഞ്ഞ ‌സീസണിലെ ചാമ്പ്യന്മാരായ കൊൽക്കത്ത നൈറ്റ് റൈഡേഴ്സും റോയൽ ചലഞ്ചേഴ്സ് ബംഗളൂരുവും തമ്മിലാണ് ഉദ്ഘാടന മത്സരത്തിൽ ഏറ്റുമുട്ടുക. ഐപിഎല്ലിലെ ഏറ്റവും ആരാധകബലമുള്ള രണ്ട് ടീമുകൾ തമ്മിൽ ഏറ്റുമുട്ടുമ്പോൾ പോരാട്ടം തീപാറുമെന്നാണ് കരുതപ്പെടുന്നത്.അതേ സമയം ആദ്യ കളിക്ക് മുൻപ് ക്രിക്കറ്റ് പ്രേമികളെ മുഴുവൻ ആശങ്കയിലാക്കുന്നത് കൊൽക്കത്തയിലെ കാലാവസ്ഥയാണ്. മത്സരദിനം കൊൽക്കത്തയിൽ ശക്തമായ മഴക്ക് സാധ്യതയുണ്ടെന്നാണ് കാലാവസ്ഥാ പ്രവചനം. അതിനിടെ കളിയുടെ തലേദിനമായ വെള്ളിയാഴ്ച കാലാവസ്ഥ ടീമുകൾക്ക് പണി കൊടുത്തു. കാലാവസ്ഥ പ്രതികൂലമായതിനാൽ ശനിയാഴ്ച ശരിയായ രീതിയിൽ പരിശീലനം ചെയ്യാൻ പോലും അവർക്ക് സാധിച്ചില്ല. ശക്തമായ ഇടിമിന്നലിനെ തുടർന്ന് പരിശീലനം പൂർത്തിയാക്കാൻ സാധിക്കാതെ ടീമുകൾക്ക് മടങ്ങേണ്ടി വന്നെന്നാണ് വിവരം.

ശനിയാഴ്ച വൈകിട്ട് അഞ്ച് മണി മുതലാണ് കൊൽക്കത്ത നൈറ്റ് റൈഡേഴ്സും റോയൽ ചലഞ്ചേഴ്സ് ബംഗളൂരുവും പരിശീലനം പ്ലാൻ ചെയ്തിരുന്നത്. പക്ഷേ ആറ് മണിയോടെ പരിശീലനം ഉപേക്ഷിക്കുകയായിരുന്നു. എന്നാൽ ആർസിബി സൂപ്പർ താരം വിരാട് കോഹ്ലി നെറ്റ് സെഷൻ പൂർത്തിയാക്കി മടങ്ങിയതായാണ് വിവരം. മത്സരദിനത്തിന് തലേന്ന് ഇത്തരത്തിൽ കാലാവസ്ഥ മൂലം പരിശീലനം സാധ്യമാകാതെ വന്നത് ടീമുകളെ കലിപ്പിലാക്കിയിട്ടുണ്ട്.

Also Read: KKR vs RCB: ഐപിഎല്ലിലെ ഉദ്ഘാടന മത്സരം ഉപേക്ഷിക്കാൻ സാധ്യത, ആദ്യ കളിക്ക് മുൻപ് കനത്ത ഭീഷണിയായി കാലാവസ്ഥ

അതേ സമയം ഇന്ന് കൊൽക്കത്തയിൽ മഴ പെയ്യാനുള്ള സാധ്യത 90 ശതമാനമാണെന്നാണ് അക്കുവെദറിന്റെ റിപ്പോർട്ട്. ശക്തമായ കാറ്റിന് സാധ്യതയുണ്ടെന്നും പ്രവചനമുണ്ട്. മഴയെത്തുടന്ന് പശ്ചിമ ബംഗാളിലെ പല സ്ഥലങ്ങളിലും ശനിയാഴ്ച ഓറഞ്ച് അലർട്ട് പ്രഖ്യാപിച്ചിട്ടുമുണ്ട്.

ഐപിഎല്ലിൽ ഇത്തവണ റോയൽ ചലഞ്ചേഴ്സ് ബംഗളൂരുവിന്റെ സ്ക്വാഡ് ഇങ്ങനെ: രജത് പാട്ടിദാർ, വിരാട് കോഹ്ലി, ഫിൽ സാൾട്ട്, ജിതേഷ് ശർമ, ദേവ്ദത്ത് പടിക്കൽ, സ്വാസ്തിക് ചികാര, ലിയാം ലിവിങ്സ്റ്റൺ, കൃണാൽ പാണ്ഡ്യ, സ്വപ്നിൽ സിങ്, ടിം ഡേവിഡ്, റൊമാരിയോ ഷെഫേഡ്, മനോജ് ഭണ്ഡാജെ, ജേക്കബ് ബെതൽ, ജോഷ് ഹേസൽവുഡ്, റാസിഖ് ദർ, സുയാഷ് ശർമ, ഭുവനേശ്വർ കുമാർ, നുവാൻ തുഷാര, ലുങ്കി എംഗിഡി, അഭിനന്ദൻ സിങ്, മോഹിത് റാത്തി, യഷ് ദയാൽ.

Also Read: ആദ്യ കളിയിൽ ആ സ്പെഷ്യൽ നേട്ടം സ്വന്തമാക്കാൻ സഞ്ജു സാംസൺ; രാജസ്ഥാൻ റോയൽസ് നായകനെ കാത്തിരിക്കുന്ന റെക്കോഡ് ഇങ്ങനെ

ഐപിഎല്ലിൽ ഇത്തവണ കൊൽക്കത്ത നൈറ്റ് റൈഡേഴ്സ് സ്ക്വാഡ് ഇങ്ങനെ: അജിങ്ക്യ രഹാനെ, റിങ്കു സിങ്, ക്വിന്റൺ ഡി കോക്ക്, റഹ്മനുള്ള ഗുർബാസ്, അംഗ്ക്രിഷ് രഘുവംശി, റോവ്മാൻ പവൽ, മനീഷ് പാണ്ഡെ, ലുവ്നിത് സിസോദിയ, വെങ്കടേഷ് അയ്യർ, അനുകൂൽ റോയ്, മോയിൻ അലി, രമൺദീപ് സിങ്, ആന്ദ്രെ റസൽ, ആൻറിച്ച് നോർക്കിയ, വൈഭവ് അറോറ, മയങ്ക് മാർക്കണ്ഡെ, സ്പെൻസർ ജോൺസൺ, ഹർഷിത് റാണ, സുനിൽ നരൈൻ, വരുൺ ചക്രവർത്തി, ചേതൻ സക്കറിയ.