കപ്പില്ലാത്തവർ ആദ്യ മൂന്ന് സ്ഥാനങ്ങളിൽ, ഇത്തവണ വമ്പൻ ട്വിസ്റ്റ് നടക്കും? പ്രതീക്ഷയിൽ ഈ ടീമുകളുടെ ആരാധകർ

Curated byഗോകുൽ എസ് | Samayam Malayalam | Updated: 2 Apr 2025, 11:33 am

Samayam Malayalamറോയൽ ചലഞ്ചേഴ്സ് ബംഗളൂരു

2025 സീസൺ ഇന്ത്യൻ പ്രീമിയർ ലീഗിൽ മത്സരങ്ങളുടെ ആവേശം വർധിച്ചുകൊണ്ടിരിക്കുകയാണ്‌. ആറ് ടീമുകൾ മൂന്ന് വീതം മത്സരങ്ങളും നാല് ടീമുകൾ രണ്ട് വീതം മത്സരങ്ങളും പൂർത്തിയാക്കി. നിലവിലെ പോയിന്റ് പട്ടിക പരിശോധിക്കുമ്പോൾ ഒരു ശ്രദ്ധേയ കാഴ്ചയാണ് കാണാൻ സാധിക്കുന്നത്. ഐപിഎല്ലിന്റെ ആദ്യ സീസൺ മുതൽ മത്സര രംഗത്തുള്ള, എന്നാൽ ഇതുവരെ കിരീടം നേടാൻ സാധിക്കാത്ത മൂന്ന് ടീമുകളാണ് നിലവിൽ പോയിന്റ് പട്ടികയിൽ ഒന്നാമത്.‌ ഇപ്പോളത്തെ കുതിപ്പ് തുടർന്ന് ഈ മൂന്ന് ടീമുകളിലൊന്ന് ഇത്തവണ ഐപിഎല്ലിൽ കിരീടം ചൂടുമോ എന്ന ആകാംക്ഷ ക്രിക്കറ്റ് പ്രേമികൾക്കുണ്ട്.കളിച്ച ര‌ണ്ട് മത്സര‌ങ്ങളും വിജയിച്ച റോയൽ ചലഞ്ചേഴ്സ് ബംഗളൂരുവാണ് നിലവിൽ ഐപിഎൽ പോയിന്റ് പട്ടികയിൽ ഒന്നാമത്. പഞ്ചാബ് കിങ്സും രണ്ട് മത്സരങ്ങൾ ജയിച്ചു. പോയിന്റ് പട്ടികയിൽ രണ്ടാം സ്ഥാനമാണ് അവർക്ക്. മൂന്നാം സ്ഥാനത്തുള്ള ഡെൽഹി ക്യാപിറ്റൽസിനും രണ്ട് വിജയങ്ങളാണ് നേടാനായത്. പോയിന്റ് നിലയിൽ ഈ മൂന്ന് ടീമുകളും തുല്യരാണെ‌ങ്കിലും നെറ്റ് റൺ റേറ്റിലാണ് സ്ഥാനങ്ങളിൽ മാറ്റം വന്നത്.


ഐപിഎല്ലിൽ ഏറ്റവും കൂടുതൽ ആരാധക ബലമുള്ള ടീമുകളിൽ ഒന്നായ റോയൽ ചല‌ഞ്ചേഴ്സ് ബംഗളൂരു നിലവിൽ കിടിലൻ ഫോമിലാണ്. ഉദ്ഘാടന മത്സരത്തിൽ നിലവിലെ ചാമ്പ്യ‌മാരായ കൊൽക്കത്ത നൈറ്റ് റൈഡേഴ്സിനെ ഏഴ് വിക്കറ്റിന് തകർത്ത അവർ രണ്ടാം മത്സരത്തിൽ ചെന്നൈ സൂപ്പർ കിങ്സിനെ വീഴ്ത്തിയത് 50 റൺസിനാണ്. രജത് പാട്ടിദാറിന്റെ ക്യാപ്റ്റൻസിക്ക് കീഴിലാണ് ഈ സീസണിൽ ആർസിബി കളിക്കുന്നത്.‌ ആദ്യ കിരീടമെന്ന കാത്തിരിപ്പ് 2025 ൽ അവസാനിപ്പിക്കാമെന്ന പ്രതീക്ഷ ആർസിബി ആരാധകർക്കും ഇപ്പോൾ വന്നുകഴിഞ്ഞു.

Also Read: സഞ്ജുവിന്റെ രാജസ്ഥാൻ റോയൽസിന് തിരിച്ചടി നൽകി ഇക്കാര്യം; അടുത്ത കളിയിൽ മാറ്റം വന്നില്ലെങ്കിൽ കാര്യങ്ങൾ ദുഷ്കരമാകും

മെഗാ ലേലത്തിന് ശേഷം അടിമുടി മാറിയ പഞ്ചാബ് കിങ്സും സ്വപ്ന ഫോമിലാണ് ഇത്തവണ കളിക്കുന്നത്. ശ്രേയസ് അയ്യരിന്റെ ക്യാപ്റ്റൻസിയിൽ ഇറങ്ങിയ ആദ്യ രണ്ട് കളികളിലും അവർ മിന്നിച്ചു. ഗുജറാത്ത് ടൈറ്റൻസിന് എതിരെയായിരുന്നു ടീമിന്റെ ആദ്യ കളി. 11 റൺസ് ജയമാണ് ഈ മത്സരത്തിൽ പഞ്ചാബ് നേടിയത്. കഴിഞ്ഞ ദിവസം നടന്ന രണ്ടാം മത്സരത്തിൽ ലക്നൗ സൂപ്പർ ജയന്റ്സിനെ അവർ എട്ട് വിക്കറ്റിന് തകർത്തു.

Also Read: ഐപിഎല്ലിലെ വമ്പൻ റെക്കോഡ് സ്വന്തമാക്കി മുംബൈ ഇന്ത്യൻസ്, കെകെആറിന്റെ റെക്കോഡ് പഴങ്കഥയായി

ഐപിഎല്ലിലെ മൊത്തത്തിലുള്ള കണക്കെടുത്താൽ ദയനീയ റെക്കോഡുള്ള ഡെൽഹി ക്യാപിറ്റൽസും ഇത്തവണ തകർപ്പൻ ഫോമിലാണ്. ആദ്യ കളിയിൽ ലക്നൗ സൂപ്പർ ജയന്റ്സിന് എതിരെ ഒരു വിക്കറ്റ് ജയം നേടിയ അവർ രണ്ടാമത്തെ കളിയിൽ കരുത്തരായ സൺ റൈസേഴ്സ് ഹൈദരാബാദിനെ ഏഴ് വിക്കറ്റിന് തകർത്തു. അക്സർ പട്ടേലിന്റെ ക്യാപ്റ്റൻസിക്ക് കീഴിലാണ് ഇത്തവണ ഡെൽഹി കളിക്കുന്നത്.