കളിക്ക് ശേഷം റിയാൻ പരാഗ് കാണിച്ചത് ശരിയായില്ല, വിവാദത്തിൽ രാജസ്ഥാൻ റോയൽസ് സൂപ്പർ താരം; നടന്നത് ഇങ്ങനെ

Curated byഗോകുൽ എസ് | Samayam Malayalam | Updated: 1 Apr 2025, 12:30 am

Samayam Malayalamറിയാൻ പരാഗ്

സഞ്ജു സാംസൺ ഫിറ്റ്നസ് പ്രശ്ന‌ങ്ങൾ നേരിടുന്നതിനാൽ 2025 സീസൺ ഐപിഎല്ലിലെ ആദ്യ മൂന്ന് കളികളിലും രാജസ്ഥാൻ റോയൽസിനെ നയിച്ചത് യുവ താരം റിയാൻ പരാഗാണ്. പരാഗിന് കീഴിൽ കളിച്ച ആദ്യ രണ്ട് മത്സരങ്ങളിലും പരാജയപ്പെട്ട റോയൽസ് മൂന്നാം മത്സരത്തിൽ ചെന്നൈ സൂപ്പർ കിങ്സിനെ പരാജയപ്പെടുത്തിയിരുന്നു. രണ്ടാം ഹോം ഗ്രൗണ്ടായ ഗുവാഹത്തിയിൽ നടന്ന മത്സരത്തിൽ ആറ് റൺസ് ജയമാണ് രാജസ്ഥാൻ നേടിയത്. ഐപിഎൽ നായകനായി നേടിയ ആദ്യ വിജയത്തിന് പിന്നാലെ റിയാൻ പരാഗ് മറ്റൊരു സംഭവത്തിന്റെ പേരിൽ ചർച്ചകളിൽ നിറഞ്ഞിരിക്കുകയാണ് ഇപ്പോൾ. ചെന്നൈ സൂപ്പർ കിങ്സിന് എതിരായ കളിക്ക് ശേഷമുള്ള റിയാൻ പരാഗിന്റെ ആറ്റിറ്റ്യൂഡാണ് ക്രിക്കറ്റ് ലോകത്തെ കലിപ്പിലാക്കിയത്. മത്സരശേഷം റിയാൻ പരാഗുമായി ബർസാപര സ്റ്റേഡിയത്തിലെ സപ്പോർട്ട് സ്റ്റാഫ് അംഗങ്ങൾ ഫോട്ടോസ് എടുത്തിരുന്നു. എന്നാൽ ഫോട്ടോ എടുത്തതിന് ശേഷം സപ്പോർട്ട് സ്റ്റാഫിന് ഫോൺ എറിഞ്ഞ് നൽകുകയായിരുന്നു പരാഗ്.

Also Read: ആദ്യ ജയത്തിന് പിന്നാലെ രാജസ്ഥാൻ റോയൽസിന് തിരിച്ചടി, ക്യാപ്റ്റ‌ൻ റിയാൻ പരാഗിന് പണി കിട്ടി; വമ്പൻ തുക പിഴ ഒടുക്കണം

അരോചകമായ രീതിയിലാണ് പരാഗ് ഫോൺ എറിഞ്ഞ് നൽകിയതെന്നും ആരാധകരോട് അല്പമെങ്കിലും ബഹുമാനം കാണിക്കാൻ പരാഗ് ഇനിയെങ്കിലും പഠിക്കേണ്ടതുണ്ടെന്നുമാണ് സമൂഹ മാധ്യമങ്ങളിൽ ഈ വീഡിയോക്ക് താഴെ വരുന്ന കമന്റുകൾ. അതേ സമയം പരാഗ് എറിഞ്ഞ‌ ഫോൺ കൃത്യമായി സപ്പോർട്ട് സ്റ്റാഫ് പിടിച്ചതിനാൽ ഫോണിന് കേടുപാടുകളൊന്നും സംഭവിച്ചില്ല.

വിവാദ വീഡിയോയും ആരാധകരുടെ ചില പ്രതികരണങ്ങളും,

റെക്കോഡിട്ട് പരാഗ്: ചെന്നൈ സൂപ്പർ കിങ്സിന് എതിരെ രാജസ്ഥാൻ റോയൽസിനെ വിജയത്തിലേക്ക് നയിച്ചതോടെ ഐപിഎല്ലിലെ ഒരു കിടിലൻ നേട്ടവും റിയാൻ പരാഗ് സ്വന്തമാക്കി. ചെന്നൈ സൂപ്പർ കിങ്സിന് എതിരെ വിജയം നേടുന്ന ഏറ്റവും പ്രായം കുറഞ്ഞ ക്യാപ്റ്റനെന്ന നേട്ടമാണ് ഇപ്പോൾ പരാഗിന് സ്വന്തമായിരിക്കുന്നത്. ശ്രേയസ് അയ്യരിന്റെ പേരിലായിരുന്നു ഇക്കാര്യത്തിൽ ഇത്രയും നാൾ റെക്കോഡ്.

Also Read: ജസ്ഥാൻ റോയൽസിന്റെ ആ സർപ്രൈസ് നീക്കം വൻ വിജയം; സഞ്ജുവിന്റെ ടീമിന്റെ ബാറ്റിങ് ഓർഡർ ഇനി ഇങ്ങനെ തന്നെ

കഴിഞ്ഞ ദിവസം രാജസ്ഥാൻ റോയൽസ്, ചെന്നൈ സൂപ്പർ കിങ്സിനെ പരാജയപ്പെടുത്തുമ്പോൾ, 23 വർഷവും 140 ദിവസവുമായിരുന്നു പരാഗിന്റെ പ്രായം. ഡെൽഹി ക്യാപിറ്റൽസ് നായകനായിരിക്കെ 23 വർഷവും 163 ദിവസവും പ്രായമുള്ളപ്പോൾ സിഎസ്കെയെ വീഴ്ത്തിയാണ് ശ്രേയസ് ഇത്ര നാളും ഈ റെക്കോഡ് കൈവശം വെച്ചിരുന്നത്.