കേരളത്തിനു സന്തോഷം! ഒഡീഷയ്‌ക്കെതിരെ ജയം, വല കുലുക്കി ടി.ഷിജിൻ (1–0)

ധകുവാഖാന (അസം)∙ സന്തോഷ്‌ ട്രോഫി ഫുട്ബോൾ ഫൈനൽ റൗണ്ട് മൂന്നാം മത്സരത്തിൽ ഒഡീഷയ്ക്കെതിരെ കേരളത്തിന് ജയം. ആദ്യപകുതിയിൽ മുന്നേറ്റക്കാരൻ ടി.ഷിജിൻ നേടിയ ഗോളിലാണ് ജയം. ഗോളിന് ശേഷവും അവസാനം വരെ ആക്രമിച്ചു കളിച്ച കേരളത്തിന് ഇരു പകുതികളിലും ലഭിച്ച അവസരങ്ങൾ മുതലാക്കാൻ സാധിച്ചില്ല.

ജയത്തോടെ ഗ്രൂപ്പ് ബിയിൽ ഒന്നാമതുള്ള കേരളത്തിന് ഏഴു പോയിന്റായി. ആദ്യ മത്സരത്തിൽ പഞ്ചാബിനെ തോൽപ്പിച്ച കേരളം കഴിഞ്ഞ മത്സരത്തിൽ റെയിൽവേസിനോടു സമനില വഴങ്ങിയിരുന്നു.. 29ന് മേഘാലയയുമയാണ് കേരളത്തിന്റെ അടുത്ത മത്സരം.