കോഴിക്കോട് സ്റ്റേഡിയം ഇന്നു കൈമാറും

കോഴിക്കോട് ∙ ‌പുൽമൈതാനത്തിന്റെ നവീകരണം പൂർത്തിയാക്കി കോർപറേഷൻ സ്റ്റേഡിയം ഇന്നു കേരള ഫുട്ബോൾ അസോസിയേഷനു കൈമാറും. ഐഎസ്എൽ മത്സരക്രമം അനുസരിച്ച് കേരള ബ്ലാസ്റ്റേഴ്സിന്റെ 9 ഹോം മത്സരങ്ങൾ കോഴിക്കോട്ടാണെന്നു പ്രഖ്യാപിച്ചെങ്കിലും ടീം ഇതാണു ഹോംഗ്രൗണ്ടെന്ന് ഔദ്യോഗികമായി പ്രഖ്യാപിച്ചിട്ടില്ല.

ഡിസംബർ 21ന് സൂപ്പർക്രോസ് റേസിങ് ലീഗ് മത്സരത്തിൽ തകർന്ന സ്റ്റേഡിയത്തിലെ പുൽമൈതാനം പഴയപടിയാക്കാൻ അധികസമയം എടുത്തതാണ് പ്രഖ്യാപനം വൈകാൻ കാരണം. സൂപ്പർക്രോസ് അധികൃതർ നടത്തിയ നവീകരണ ജോലികൾക്കു ശേഷം മൈതാനം ഇന്ന് കേരള ഫുട്ബോൾ അസോസിയേഷനു കൈമാറും. ഇതു പരിശോധിച്ച ശേഷമായിരിക്കും ബ്ലാസ്റ്റേഴ്സിന്റെ ഔദ്യോഗിക പ്രഖ്യാപനമെന്നാണ് സൂചന.