ചെപ്പോക്കിലെ നാണക്കേടിന് മറുപടി കൊടുക്കുമോ; സിഎസ്കെയെ വീഴ്ത്തി പോയിന്റ് ടേബിളിൽ ഒന്നാമനാകാൻ ആർസിബി; ടീമുകൾ നേരിടുന്ന വെല്ലുവിളികൾ

Edited byഅനുഷ ഗംഗാധരൻ | Samayam Malayalam | Updated: 3 May 2025, 9:15 am

ബാംഗ്ലൂർ: ഇന്ത്യൻ പ്രീമിയർ ലീഗ് പതിനെട്ടാം സീസണിൽ ഇന്ന് റോയൽ ചലഞ്ചേഴ്‌സ് ബാംഗ്ലൂർ (ആർസിബി) - ചെന്നൈ സൂപ്പർ കിങ്‌സ് (സിഎസ്കെ) മത്സരം നടക്കും. ചിന്നസ്വാമി സ്റ്റേഡിയത്തിൽ നടക്കുന്ന മത്സരം കാണാൻ ആരാധകരുടെ വമ്പൻ തിരക്ക് ഉണ്ടാകുമെന്ന് ഉറപ്പാണ്. ഈ സീസണിൽ ഇരുവരും ഏറ്റുമുട്ടുന്ന അവസാന മത്സരം ആണ് ഇത്. ചെപ്പോക്കിൽ ഏറ്റുവാങ്ങിയ തോൽവിക്ക് പകരം ചോദിക്കുക എന്ന ലക്ഷ്യത്തോടെയാകും ചെന്നൈ ഇന്ന് ചിന്നസ്വാമിയിൽ ഇറങ്ങുക.
രാജസ്ഥാൻ റോയൽസിൽ വമ്പൻ മാറ്റം വരും, ഈ അഞ്ച് സൂപ്പർ താരങ്ങൾ ടീമിൽ നിന്ന് പുറത്താകാൻ സാധ്യതഅതേസമയം ഐപിഎൽ പോയിന്റ് ടേബിളിൽ ഒന്നാം സ്ഥാനത്തേക്ക് തിരിച്ചെത്തുക എന്നതാണ് ആർസിബിയുടെ ലക്ഷ്യം. നിലവിൽ 10 മത്സരങ്ങളിൽ 7 ജയം നേടി 14 പോയിന്റുമായി പോയിന്റ് ടേബിളിൽ മൂന്നാം സ്ഥാനത്താണ് ആർസിബി. ഇന്ന് നടക്കുന്ന മത്സരം ഉയർന്ന റൺ റേറ്റിൽ ജയിച്ച് പോയിന്റ് പട്ടികയിൽ ഒന്നാമതെത്താൻ കോഹ്ലിയും പടയും സജ്ജമാണ്.
അതേസമയം ഐപിഎൽ 2025 സീസണിൽ നിന്ന് ആദ്യം പുറത്തായ ടീം ആണ് ചെന്നൈ സൂപ്പർ കിങ്‌സ്. എന്നാൽ ചെപ്പോക്കിൽ നുണഞ്ഞ പരാജയത്തിനുള്ള മറുപടി നൽകാതെ ഈ സീസൺ വിടാൻ തലയും പടയും ഒരുക്കമായിരിക്കില്ല. ഇന്ന് നടക്കുന്ന മത്സരത്തിൽ ഇരു ടീമുകളും നേരിടുന്ന പ്രധാന വെല്ലുവിളിയും പിച്ച് റിപ്പോർട്ടും സാധ്യത പ്ലെയിങ് ഇലവനും പരിശോധിക്കാം

ചിന്നസ്വാമി സ്റ്റേഡിയം പിച്ച് റിപ്പോർട്ട്

റോയൽ ചലഞ്ചേഴ്‌സ് ബാംഗ്ലൂരിന്റെ ഹോം ഗ്രൗണ്ടായ ചിന്നസ്വാമി സ്റ്റേഡിയം ബാറ്റർമാക്ക് സഹൃദകരമായ അന്തരീക്ഷമാണ്. 200 ന് മുകളിൽ ഒരു ടീമിന് സ്കോർ ചെയ്യാൻ സാധിക്കുന്ന ഈ പിച്ചിൽ ടോസ് നേടുന്ന ടീം ആദ്യം ബാറ്റ് ചെയ്യാൻ ആയിരിക്കും ശ്രമിക്കുക. ഈ സ്റ്റേഡിയത്തിൽ ഇതുവരെ നടന്ന മാച്ചുകളിൽ 42 മാച്ചുകളിലും ജയിച്ചത് ആദ്യം ബാറ്റ് ചെയ്‌ത ടീം ആണ്. അതുകൊണ്ട് തന്നെ ബാറ്റിങ് തിരഞ്ഞെടുക്കുക എന്നതാകും ടോസ് നേടിയാൽ ടീം എടുക്കുന്ന തീരുമാനം.

സിഎസ്കെ നേരിടുന്ന വെല്ലുവിളികൾ

ശക്തരായ ഒരു ബാറ്റിങ് നിരയില്ലാത്തത് ഈ സീസണിൽ ഉടനീളം സിഎസ്കെ നേരിട്ട പ്രശ്നമാണ്. രചിൻ രവീന്ദ്ര ഓപ്പണർ റോളിൽ ഉണ്ടായിരുന്ന സമയവും ടീമിന് കാര്യമായ ചലനങ്ങൾ ഉണ്ടാക്കാൻ സാധിച്ചിരുന്നില്ല. ചിന്നസ്വാമി പിച്ച് ബാറ്റിങ് പിച്ച് ആയതുകൊണ്ടുതന്നെ വിക്കറ്റ് നഷ്ടമാകാതെ റൺ വേട്ട അതിവേഗം നടത്തിയില്ല എങ്കിൽ എം എസ് ധോണി നയിക്കുന്ന ചെന്നൈ സൂപ്പർ കിങ്‌സ് വീണ്ടും പരാജയം നുണയും.

ആർസിബി നേരിടുന്ന വെല്ലുവിളികൾ

ഐപിഎൽ 2025 സീസണിൽ ആകെ മൂന്ന് തവണയാണ് ആർസിബി പരാജയപ്പെട്ടത്. ഈ മൂന്ന് തവണയും ബാംഗ്ലൂരിന്റെ ഹോം ഗ്രൗണ്ടിൽ വെച്ചാണ് പരാജയപ്പെട്ടത്. രാജസ്ഥാൻ റോയൽസിനെ ഹോം ഗ്രൗണ്ടിൽ പരാജയപെടുത്തിയതിനു ശേഷം വീണ്ടും ഹോം ഗ്രൗണ്ടിലേക്ക് എത്തുന്ന ആർസിബിയെ സ്വന്തം പിച്ച് വീണ്ടും ചതിക്കുമോ എന്നൊരു ഭയം ആരാധകരിലുമുണ്ട്.

റോയൽ ചലഞ്ചേഴ്‌സ് ബാംഗ്ലൂർ സാധ്യത പ്ലേയിങ് 11: ഫിൽ സാൾട്ട്/ജേക്കബ് ബെഥേൽ, വിരാട് കോലി, രജത് പട്ടീദാർ (c), ജിതേഷ് ശർമ (wk), ടിം ഡേവിഡ്, ക്രുണാൽ പാണ്ഡ്യ, റൊമാരിയോ ഷെപ്പേർഡ്, ഭുവനേശ്വര് കുമാർ, ജോഷ് ഹാസിൽവുഡ്, സുയാഷ് ശർമ, യാഷ് ദയാൽ
ഇംപാക്ട് പ്ലേയർ: ദേവദത്ത് പടിക്കൽ

ചെന്നൈ സൂപ്പർ കിംഗ്സ് സാധ്യത പ്ലേയിങ് 11: ഷെയ്ക് റഷീദ്, സാം കുറാൻ, രവീന്ദ്ര ജഡേജ, ഡെവാൾഡ് ബ്രെവിസ്, ശിവം ദുബെ, എംഎസ് ധോണി (c & wk), ദീപക് ഹൂഡ, അൻഷുൽ കംബോജ്, നൂർ അഹമ്മദ്, ഖലീൽ അഹമ്മദ്, മതീശ പതിരണ
ഇംപാക്ട് പ്ലേയർ: ആയുഷ് മാത്രെ