ഫിഫ ലോകകപ്പിൽ പങ്കെടുക്കില്ലെന്ന് ഇറാൻ; സ്ഥിരീകരിച്ച് കായിക മന്ത്രി

ടെഹ്റാൻ ∙ 2026 ഫിഫ ലോകകപ്പിൽ പങ്കെടുക്കില്ലെന്ന് ഇറാൻ. ഇസ്രയേലിനൊപ്പം യുഎസ് വ്യോമാക്രമണം നടത്തിയതിനാൽ ലോകകപ്പിൽ പങ്കെടുക്കാൻ കഴിയില്ലെന്ന് കായിക മന്ത്രി അഹ്മദ് ഡോണിയമാലി പറഞ്ഞു.

'' അഴിമതി ഭരണം ഞങ്ങളുടെ നേതാവിനെ കൊലപ്പെടുത്തി, അതിനാൽ യാതൊരു കാരണവശാലും ലോകകപ്പിൽ പങ്കെടുക്കാൻ ഞങ്ങൾക്ക് കഴിയില്ല," മന്ത്രി മാധ്യമങ്ങളോട് പറഞ്ഞു. 48 ടീമുകളുടെ ലോകകപ്പ് യുഎസ്, മെക്സിക്കോ, കാനഡ എന്നിവിടങ്ങളിൽ ജൂൺ 11 മുതൽ ജൂലൈ 19 വരെ നടക്കും.

"ഞങ്ങളുടെ കുട്ടികൾ സുരക്ഷിതരല്ല," ഡോണിയമാലി കൂട്ടിച്ചേർത്തു. "ഇറാനെതിരെ അവർ നടത്തിയ ദുരുദ്ദേശ്യപരമായ പ്രവർത്തനങ്ങൾ മൂലം യുദ്ധങ്ങൾ സംഭവിക്കുകയും ഞങ്ങളുടെ ആയിരക്കണക്കിന് പൗരന്മാരെ കൊല്ലുകയും രക്തസാക്ഷിയാക്കുകയും ചെയ്തു. അതിനാൽ, തീർച്ചയായും ലോകകപ്പിൽ ഞങ്ങളുടെ സാന്നിധ്യം ഉണ്ടാകില്ല." ഇറാൻ്റെ യുഎൻ അംബാസഡർ അമീർ സഈദ് ഇരവാനി പറഞ്ഞു.