‘ഫ്രണ്ടും’ കയ്യൊഴിഞ്ഞു! സഹായിക്കണമെന്ന് ഇൻഫന്റീനോ, പറ്റില്ലെന്ന് ട്രംപ്; ഒറ്റപ്പെട്ട് ഫിഫ പ്രസിഡന്റ്

ന്യൂയോർക്ക്∙ ഫിഫ പ്രസി‍ഡന്റ് സ്ഥാനത്തു തുടരാൻ തന്നെ സഹായിക്കണമെന്നാവശ്യപ്പെട്ട് ജിയാനി ഇൻഫന്റീനോ, യുഎസ് പ്രസിഡന്റ് ഡോണൾഡ് ട്രംപിനെ സമീപിച്ചതായി യുഎസ് മാധ്യമങ്ങൾ റിപ്പോർട്ട് ചെയ്തു. ഫിഫ ടൂർണമെന്റുകളിൽ സ്വകാര്യ പങ്കാളിത്തം അനുവദിക്കാനുള്ള ഇൻഫന്റീനോയുടെ ശ്രമം മറ്റ് ഫെഡറേഷനുകളുടെ എതിർപ്പുമൂലം ഉപേക്ഷിച്ചിരുന്നു.

പിന്നാലെ ഇൻഫന്റീനോയ്ക്കെതിരെ നടപടി വേണമെന്നും പ്രസിഡന്റ് സ്ഥാനത്തുനിന്ന് നീക്കണമെന്നും ആവശ്യമുയർന്ന പശ്ചാത്തലത്തിലാണ്, ട്രംപിനോട് ഇൻഫന്റീനോ സഹായം അഭ്യർഥിച്ചതെന്നാണ് വിവരം. എന്നാൽ ട്രംപും ഇൻഫന്റീനോയെ കയ്യൊഴിഞ്ഞതായാണ് വിവരം. ഇൻഫന്റീനോയോട് ഫോണിൽ സംസാരിക്കാൻ ട്രംപ് വിസമ്മതിച്ചതായും റിപ്പോർട്ടുണ്ട്.

ഈ വർഷത്തോടെ ഫിഫ പ്രസിഡന്റ് സ്ഥാനത്ത് അൻപത്തിയാറുകാരൻ ഇൻഫന്റീനോയുടെ കാലാവധി അവസാനിക്കും. പിന്നാലെ അടുത്ത വർഷം വീണ്ടും പ്രസിഡന്റ് സ്ഥാനത്തേക്കു മത്സരിക്കാൻ ഇൻഫന്റീനോ താൽപര്യമറിയിച്ചിരുന്നു. ഇതിനിടെയാണ് വിവാദങ്ങൾ വില്ലനായത്.