രോഹിത് ശർമയ്ക്ക് പോലും നേടാൻ സാധിക്കാത്ത റെക്കോഡ് സ്വന്തമാക്കി ഹർദിക് പാണ്ഡ്യ; അപൂർവ നേട്ടവുമായി ചരിത്രത്തിൽ ഇടം നേടി മുംബൈ നായകൻ

Edited byഅനുഷ ഗംഗാധരൻ | Samayam Malayalam | Updated: 2 May 2025, 10:57 am

ജയ്പൂർ: ഇന്ത്യൻ പ്രീമിയർ ലീഗ് 2025 സീസണിൽ ഏവരെയും ഞെട്ടിച്ച് പോയിന്റ് ടേബിളിൽ ഒന്നാം സ്ഥാനത്തെത്തിയിരിക്കുകയാണ് ദൈവത്തിന്റെ പോരാളികൾ എന്ന് അറിയപ്പെടുന്ന മുംബൈ ഇന്ത്യൻസ്. ഈ സീസണിന്റെ തുടക്കത്തിൽ കഴിഞ്ഞ സീസണെ ഓർമ്മിപ്പിക്കും വിധമായിരുന്നു മുംബൈ ഇന്ത്യൻസിന്റെ പ്രകടനം. എന്നാൽ താരങ്ങൾ തങ്ങളുടെ ഫോമിലേക്ക് തിരിച്ചെത്തിയതോടെ ആരാലും തോൽപ്പിക്കാൻ കഴിയാത്ത ശക്തിയായി ടീം മാറുകയായിരുന്നു.
വൈഭവിൻ്റെ പുറത്താകൽ; നിരാശ മറയ്ക്കാനാകാതെ രാഹുൽ ദ്രാവിഡ്; ഹോം വർക്ക് ചെയുന്ന കോച്ചിനെ ഇനി ഡഗ്‌ ഔട്ടിൽ കാണാനാകില്ലെന്ന് സോഷ്യൽ മീഡിയകഴിഞ്ഞ ദിവസം രാജസ്ഥാൻ റോയൽസിനെ കൂടി പരാജയപ്പെടുത്തി തുടർച്ചയായ ആറ് മത്സരങ്ങൾ ജയിച്ച് ഐപിഎൽ 2025 പോയിന്റ് പട്ടികയിൽ 14 പോയിന്റുമായി ഒന്നാം സ്ഥാനം സ്വന്തമാക്കി. ഇതോടെ പല അപൂർവ്വ റെക്കോഡുകളും മുംബൈ ഇന്ത്യൻസ് ക്യാപ്റ്റൻ ഹർദിക് പാണ്ഡ്യ തന്റെ പേരിലേക്ക് തിരുത്തിയെഴുതി.
2025 ഐപിഎൽ സീസണിന്റെ തുടക്കത്തിൽ ആദ്യ അഞ്ച് മത്സരങ്ങളിൽ നാലിലും പരാജയപ്പെട്ട മുംബൈ ആണ് പിന്നീട് നടന്ന ആറ് മത്സരങ്ങളിലും ജയിച്ചത്. അതും മുംബൈ ഇന്ത്യൻ ഐപിഎൽ ചരിത്രത്തിൽ രണ്ടാം തവണയാണ് ഇത്തരത്തിൽ തുടർച്ചയായി ആറ് മത്സരങ്ങൾ ജയിക്കുന്നത്. 2008 ലാണ് ഇതിന് മുൻപ് ടീം 6 മത്സരങ്ങൾ തുടർച്ചയായി ജയിച്ചത്. ഇതോടെ മുംബൈ ഇന്ത്യൻസിന് അഞ്ച് തവണ കിരീടം സമ്മാനിച്ച ക്യാപ്റ്റൻ രോഹിത് ശർമയ്ക്ക് പോലും നേടാൻ സാധിക്കാത്ത റെക്കോർഡ് ആണ് ഹർദിക് പാണ്ഡ്യ നേടിയിരിക്കുക്കുന്നത്. ഹർദിക് പാണ്ഡ്യ മാത്രമാണ് തുടർച്ചയായ ആറ് മത്സരങ്ങൾ ജയിച്ചപ്പോളും ടീമിനെ നയിച്ച ഒരേ ഒരു ക്യാപ്റ്റൻ. 2008 ൽ ഈ നേട്ടം കൈവരിക്കുമ്പോൾ മുംബൈ ഇന്ത്യൻസിന് രണ്ട് ക്യാപ്റ്റന്മാരായിരുന്നു ഉണ്ടായിരുന്നത്. ഷോൺ പൊള്ളോക്കും സച്ചിൻ ടെണ്ടുൽക്കറും ആയിരുന്നു ആ സീസണിൽ മുംബൈയെ നയിച്ചത്. തുടർച്ചയായി ജയിച്ച ആദ്യ മൂന്ന് കളികളിൽ സച്ചിനും പിന്നീട് പരിക്കിനെ തുടർന്ന് സച്ചിൻ മാറിയപ്പോൾ അവസാന മൂന്ന് മത്സരങ്ങളിൽ ജയം സ്വന്തമാക്കിയപ്പോൾ ഷോൺ പൊള്ളോക്കും ആയിരുന്നു മുംബൈയുടെ ക്യാപ്റ്റൻ.

ഇതോടെ മുംബൈയ്ക്ക് തുടർച്ചയായി ആറ് മത്സരങ്ങളിൽ ജയം നേടികൊടുത്ത ഒരേ ഒരു ക്യാപ്റ്റൻ ആയിരിക്കുകയാണ് ഹർദിക് പാണ്ഡ്യ. അതേസമയം തുടർച്ചയായി ഏറ്റവും കൂടുതൽ മത്സരങ്ങൾ ജയിച്ച ഐപിഎൽ ടീം ലിസ്റ്റിൽ മുൻപന്തിയിലുള്ളത് കൊൽക്കത്ത നൈറ്റ് റൈഡേഴ്‌സാണ്. ആർസിബിയും സിഎസ്കെയും 7 മത്സരങ്ങൾ വീതം ജയിച്ച് തൊട്ടുപിന്നാലെ തന്നെ ഉണ്ട്. ഈ സീസണിൽ ഇനിയും മൂന്ന് മത്സരങ്ങൾ ബാക്കിയുള്ള മുംബൈ ഇന്ത്യൻസിന് ഇനിയുള്ള മത്സരങ്ങൾ കൂടി വിജയിക്കാൻ സാധിച്ചാൽ ഈ എലൈറ്റ് പട്ടികയിൽ കൂടി മുന്നോട്ട് എത്താൻ സാധിക്കും.

അതേസമയം കഴിഞ്ഞദിവസം മറ്റൊരു നേട്ടം കൂടി ഹർദിക് പാണ്ഡ്യയുടെ ക്യാപ്റ്റൻസിയിൽ മുംബൈ ഇന്ത്യൻസ് സ്വന്തമാക്കി. 2012 നു ശേഷം ആദ്യമായി ആണ് രാജസ്ഥാൻ റോയൽസിന്റെ ഹോം ഗ്രൗണ്ടിൽ വെച്ച് മുംബൈ റോയൽസിനെ പരാജയപെടുത്തുന്നത്. അതും 100 റൺസ് വ്യത്യസത്തിൽ.

മുംബൈ ഇന്ത്യൻസിന്റെ അടുത്ത മത്സരം ഗുജറാത്ത് ടൈറ്റൻസിനോടാണ്, ഈ മത്സരത്തിൽ കൂടി ജയിക്കാൻ സാധിച്ചാൽ മുംബൈ ഇന്ത്യൻസിന് തുടർച്ചയായി 7 ജയം നേടി കൊടുത്ത ക്യാപ്റ്റൻ എന്ന റെക്കോഡ് കൂടി ഹർദിക് പാണ്ഡ്യയുടെ പേരിൽ വരും.