വൈഭവിൻ്റെ പുറത്താകൽ; നിരാശ മറയ്ക്കാനാകാതെ രാഹുൽ ദ്രാവിഡ്; ഹോം വർക്ക് ചെയുന്ന കോച്ചിനെ ഇനി ഡഗ്‌ ഔട്ടിൽ കാണാനാകില്ലെന്ന് സോഷ്യൽ മീഡിയ

Edited byഅനുഷ ഗംഗാധരൻ | Samayam Malayalam | Updated: 2 May 2025, 9:23 am

ജയ്‌പൂർ: ഐപിഎൽ 2025 സീസണിൽ ചെന്നൈ സൂപ്പർ കിങ്സിന് പിന്നാലെ രാജസ്ഥാൻ റോയൽസും പ്ലേ ഓഫ് കാണാതെ പുറത്തായിരിക്കുകയാണ്. രാജസ്ഥാൻ ഓപ്പണർമാരായ വൈഭവ് സൂര്യവംശിയുടെയും യശസ്വി ജയ്‌സ്വാളിന്റെയും വിക്കറ്റ് വളരെപ്പെട്ടന്ന് തന്നെ രാജസ്ഥാന് നഷ്ടമായതുകൊണ്ട് മുംബൈ ഇന്ത്യൻസ് മുന്നോട്ടുവെച്ച ലക്ഷ്യത്തിന്റെ അടുത്തെത്താൻ പോലും രാജസ്ഥാൻ റോയൽസിന് സാധിച്ചില്ല. തുടർച്ചയായ വിക്കറ്റ് നഷ്ടമാകൽ രാജസ്ഥാനെ 16.1 ഓവറിൽ ഓൾ ഔട്ട് ആക്കി. ഇതോടെ ഐപിഎൽ 2025 സീസണിൽ നിന്ന് രാജസ്ഥാൻ റോയൽസ് പുറത്തായി
അക്കാര്യം സഞ്ജുവിന്റെ രാജസ്ഥാൻ റോയൽസിന് കനത്ത തിരിച്ചടി നൽകി; റിയാൻ പരാഗിന്റെ ക്യാപ്റ്റൻസി ടീമിനെ പിന്നോട്ടടിച്ചുറോയൽസ് ആരാധകരും ടീമും ഏറ്റവും കൂടുതൽ വിശ്വാസം അർപ്പിച്ചിരുന്നത് 35 പന്തിൽ സെഞ്ചുറി തികച്ച പതിനാലുകാരൻ വൈഭവ് സൂര്യവംശിയിൽ ആയിരുന്നു. എന്നാൽ കഴിഞ്ഞ ദിവസം ഒരു റൺ പോലും നേടാനാകാതെ ഡക്ക് ആയി പവലിയനിലേക്ക് മടങ്ങാനാണ് വൈഭവിനെക്കൊണ്ട് സാധിച്ചത്.
അതേസമയം വൈഭവ് സൂര്യവംശിയുടെ വിക്കറ്റിൽ അങ്ങേയറ്റം നിരാശയിലായ മറ്റൊരാളെയും രാജസ്ഥാൻ ഡഗ്‌ ഔട്ടിൽ കാണാം. രാജസ്ഥാൻ റോയൽസ് പരിശീലകൻ രാഹുൽ ദ്രാവിഡ്. സർവ്വ റെക്കോഡുകളും സ്വന്തമാക്കി വൈഭവ് സെഞ്ചുറി നേടിയപ്പോൾ വീൽ ചെയറിൽ നിന്ന് ചാടി എഴുനേറ്റ് കയ്യടിച്ച രാഹുൽ ദ്രാവിഡിന് പ്ലേ ഓഫ് പ്രതീക്ഷ നൽകിയ താരമാണ് ഡക്ക് ആയി പവലിയനിലേക്ക് മടങ്ങിയത്. അതുകൊണ്ടു തന്നെ വൈഭവിന്റെ വിക്കറ്റ് ഒട്ടും ഉൾകൊള്ളാൻ സാധികാത്ത ദ്രാവിഡിനെയാണ് കഴിഞ്ഞ ദിവസം കാണാൻ സാധിച്ചത്. പലപ്പോഴും ഡഗ്‌ ഔട്ടിൽ പുസ്തകത്തിൽ എഴുതിക്കൊണ്ടിരുന്ന രാഹുൽ ദ്രാവിഡ് വൈഭവിന്റെ പുറത്താകലിന് ശേഷം അതെ പുസ്തകം നോക്കി ഒന്നും എഴുതാതെ നിരാശനായി ഇരിക്കുന്നതും കാണാം. ഇതിടെയാണ് ആരാധകരും ആ രംഗം ഏറ്റെടുക്കാൻ തുടങ്ങിയത്.

അതേസമയം രാഹുൽ ദ്രാവിഡ് എന്താണ് പുസ്തകത്തിൽ ഇങ്ങനെ എഴുതുന്നത് എന്ന ചോദ്യം ഈ സീസണിൽ മുഴുവൻ സോഷ്യൽ മീഡിയയിൽ ഉയർന്നിരുന്നു. രസകരമായ പല പ്രതികരണങ്ങളം ഇതിനെക്കുറിച്ച് വരികയും ചെയ്തു. ഗുജറാത്തിനെതിരായ മത്സരത്തിലെ സെഞ്ച്വറിയ്ക്ക് പിന്നാലെ ഒരാൾ പറഞ്ഞത്, വൈഭവ് സൂര്യവംശിയുടെ സ്കൂൾ ഹോം വർക്ക് ആണ് രാഹുൽ ദ്രാവിഡ് എഴുതുന്നത് എന്നായിരുന്നു. രസകരമായ ആ കമന്റ് എല്ലാവരും ഏറ്റെടുക്കുകയും ചെയ്‌തിരുന്നു.

ഇന്നിപ്പോൾ രാഹുൽ ദ്രാവിഡിന് ഇനി സൂര്യാവ്മഷിയുടെ ഹോം വർക്ക് ചെയ്യേണ്ടതില്ല എന്ന തരത്തിലുള്ള കമെന്റുകളും സോഷ്യൽ മീഡിയയിൽ നിറയുകയാണ്.

ഇന്നലെ നടന്ന മത്സരത്തിൽ ആദ്യം ബാറ്റ് ചെയ്ത മുംബൈ ഇന്ത്യൻസ് 2 വിക്കറ്റ് നഷ്ടത്തിൽ 217 റൺസ് സ്വന്തമാക്കി. ഈ ലക്ഷ്യം രാജസ്ഥാൻ റോയൽസിന് മറികടക്കാൻ സാധിക്കും എന്ന് തന്നെയായിരുന്നു ആരാധകർ പ്രതീക്ഷിച്ചിരുന്നത്. എന്നാൽ വൈഭവിന്റെയും ജയ്‌സ്വാളിന്റെയും വിക്കറ്റ് നഷ്ടമായതോടെ പ്രതീക്ഷ മങ്ങി. പിന്നീട് മൈതാനത്തെത്തിയ റോയൽസ് താരങ്ങൾക്കാർക്കും മികച്ച ഇന്നിങ്‌സ് പുറത്തെടുക്കാൻ സാധിച്ചില്ല. 16.1 ഓവറിൽ ടീം ഓൾ ഔട്ട് ആയി.