സഞ്ജു എന്ന് തിരിച്ചെത്തും? പരിക്കിനെക്കുറിച്ച് തുറന്ന് പറഞ്ഞ് രാഹുൽ ദ്രാവിഡ്

Edited byഅനുഷ ഗംഗാധരൻ | Samayam Malayalam | Updated: 24 Apr 2025, 1:19 pm

ബാംഗ്ലൂർ : ഐപിഎൽ 2025ൽ ഇന്ന് നടക്കുന്ന രാജസ്ഥാൻ റോയൽസ് - റോയൽ ചലഞ്ചേഴ്‌സ് ബാംഗ്ലൂർ മത്സരം പരിക്കിനെ തുടർന്ന് സഞ്ജു സാംസണ് നഷ്ടമാകും. ഡൽഹി ക്യാപിറ്റൽസിനെതിരെ നടന്ന മത്സരത്തിൽ വാരിയെല്ലിന് പരിക്കേറ്റ താരത്തിന് മൈതാനത്ത് തുടരാൻ സാധിക്കാതെ പവലിയനിലേക്ക് മടങ്ങുകയായിരുന്നു. ഇതുന് ശേഷം നടന്ന ലക്‌നൗ സൂപ്പർ ജെയ്ന്റ്സ് മത്സരത്തിൽ നിന്നും താരം വിട്ടുനിന്നിരുന്നു.
3279 ദിവസങ്ങൾക്ക് ശേഷം ഐപിഎല്ലിൽ വീണ്ടും ആ നാഴിക കല്ല് പിന്നിട്ട് രോഹിത് ശർമ; ഇനി അങ്ങോട്ട് ഹിറ്റ്മാൻ ഷോബാംഗ്ലൂരുമായുള്ള മത്സരത്തിൽ താരം തിരിച്ചു വരും എന്ന് ആരാധകർ പ്രതീക്ഷിച്ചെങ്കിലും പരിക്കിൽ നിന്ന് പൂർണ മുക്തനാകാത്തതിനെ തുടർന്ന് ആ മത്സരവും താരത്തിന് നഷ്ടമായി. ഇപ്പോഴിതാ സഞ്ജു സാംസൺ എപ്പോൾ പ്ലെയിങ് ഇലവനിലേക്ക് തിരിച്ചെത്തുമെന്ന് അറിയിച്ച് രംഗത്തെത്തിയിരിക്കുകയാണ് രാജസ്ഥാൻ റോയൽസ് പരിശീലകൻ രാഹുൽ ദ്രാവിഡ്.
നിലവിൽ സഞ്ജു സാംസണിന്റെ ആരോഗ്യ നില തൃപ്തികരമല്ല എന്നാണ് പരിശീലകൻ ബാംഗ്ലൂരിൽ നടത്തിയ വാർത്ത സമ്മേളനത്തിൽ പറഞ്ഞത്. സഞ്ജുവിന് കൂടുതൽ വിശ്രമം ആവശ്യമുള്ളതിനാലാണ് താരത്തെ ബാംഗ്ലൂരിലേക്ക് കൊണ്ടുവരാത്തത് എന്നും രാജസ്ഥാൻ റോയൽസ് പരിശീലകൻ രാഹുൽ ദ്രാവിഡ് പറഞ്ഞു. അതേസമയം സഞ്ജു സാംസൺ ഇനി തിരിച്ച് പ്ലേയിങ് ഇലവനിൽ എത്തും എന്ന ചോദ്യത്തിന് വ്യക്തമായ മറുപടി പരിശീലകൻ നൽകിയില്ല. ടീമിലേക്കുള്ള തിരിച്ചുവരവിനെ കുറിച്ച് കൃത്യമായി ഒരു സമയം പറയാൻ സാധിക്കില്ല എന്നും മെയ് 4 വരെ ഹോം ഗ്രൗണ്ടിലും എവേ മാച്ചുകളുമായി കുറച്ച് മത്സരങ്ങൾ അടുത്തടുത്ത ദിവസങ്ങളിൽ വരുന്നുണ്ട് എന്നും രാഹുൽ ദ്രാവിഡ് പറഞ്ഞു. പൂർണ ആരോഗ്യത്തിലേക്ക് തിരിച്ചെത്തിയില്ല എങ്കിൽ ഈ മത്സരങ്ങൾ എല്ലാം സഞ്ജുവിന് നഷ്ടമാകാനുള്ള സാധ്യത തള്ളിക്കളയാനാകില്ലന്ന് വ്യക്തമാക്കുന്നതിരുന്നു പരിശീലകൻ രാഹുൽ ദ്രാവിഡിന്റെ മറുപടി.

എന്നാൽ സഞ്ജുവിന്റെ തിരിച്ചുവരവിനായി ചെയ്യേണ്ടത് എല്ലാം ടീം ചെയ്യുന്നുണ്ട് എന്ന് രാഹുൽ ദ്രാവിഡ് വ്യക്തമാക്കി. "അദ്ദേഹത്തിന്റെ തിരിച്ചുവരവിന് കൃത്യമായ സമയപരിധി എനിക്കില്ല, പക്ഷേ ഞങ്ങൾക്ക് കഴിയുന്നതെല്ലാം ഞങ്ങൾ ചെയ്യുന്നുണ്ട്. ഞങ്ങൾക്ക് മത്സരങ്ങൾ വേഗത്തിൽ വരുന്നുണ്ട്, മെയ് നാലിന് ശേഷം ഒരു ഇടവേള. അതിനാൽ, നമുക്ക് കാത്തിരുന്ന് അറിയാം. ഇപ്പോൾ, അദ്ദേഹം ഈ മത്സരത്തിന് ഫിറ്റല്ല, അതുകൊണ്ടാണ് അദ്ദേഹം ടീമിനൊപ്പം ഇല്ലാത്തത്," എന്നും ദ്രാവിഡ് കൂട്ടിച്ചേർത്തു.

അതേസമയം സഞ്ജു സാംസണിന്റെ അഭാവത്തിൽ, റിയാൻ പരാഗ് രാജസ്ഥാൻ റോയൽസിനെ നയിക്കും. ഇന്ന് വൈകീട്ട് 7.30 നാണ് മത്സരം.