സഞ്ജു വിഷുവിന് ക്രിസ്റ്റ്യാനോയെ ക്ഷണിച്ചിരുന്നോ? 'പപ്പടം കാച്ചിയും സദ്യ കഴിച്ചും കൈനീട്ടം കൊടുത്തും' ഫുട്ബോള്‍ ഇതിഹാസം

Authored byനിഷാദ് അമീന്‍ | Samayam Malayalam | Updated: 16 Apr 2025, 5:46 pm

ഫുട്‌ബോള്‍ ഇതിഹാസം ക്രിസ്റ്റ്യാനോ റൊണാള്‍ഡോയും (Cristiano Ronaldo) ഇന്ത്യന്‍ ക്രിക്കറ്റ് താരം സഞ്ജു സാംസണും (Sanju Samson) വിഷു ആഘോഷിക്കുന്ന വീഡിയോ സോഷ്യല്‍ മീഡിയയില്‍ വന്‍ പ്രചാരം നേടി. ആര്‍ട്ടിഫിഷ്യല്‍ ഇന്റലിജന്‍സ് (AI) അഥവാ നിര്‍മിത ബുദ്ധി ഉപയോഗിച്ച് നിര്‍മിച്ച വീഡിയോ ഇന്‍സ്റ്റാഗ്രാമില്‍ 33 ലക്ഷത്തിലധികം കാഴ്ചകളും 2.7 ലക്ഷം ലൈക്കുകളും നേടി. പ്രശസ്ത എഐ കണ്ടന്റ് ക്രിയേറ്ററായ 'എഐ മാന്ത്രികന്‍' പങ്കുവെച്ച വീഡിയോ ആണ് വൈറലായത്.

വിഷുവിന്റെ ഉത്സവ ചൈതന്യം പൂര്‍ണമായി ക്രിസ്റ്റ്യാനോയും സഞ്ജുവും സാശീകരിക്കുന്ന തരത്തിലാണ് വീഡിയോ. പരമ്പരാഗത മലയാളി വസ്ത്രം ധരിച്ചാണ് ഇരുവരും എത്തുന്നത്. കസവ് മുണ്ടും ഷര്‍ട്ടും ധരിച്ച പോര്‍ച്ചുഗല്‍ ഇതിഹാസം വിഷു സദ്യ ആസ്വദിക്കുന്നതും പടക്കം പൊട്ടിക്കുന്നതും പപ്പടം കഴിക്കുന്നതും കാണാം.

സാംസ്‌കാരിക ചൈതന്യവും നര്‍മവും എല്ലാം ചേര്‍ന്നുള്ള 'നല്ലൊരു സദ്യ' നെറ്റിസണ്‍സിനെ ആവേശഭരിതരാക്കി. സിനിമാ താരം സുരഭി ലക്ഷ്മിയുടേത് ഉള്‍പ്പെടെ 2,500 ലധികം കമന്റുകളാണ് വീഡിയോക്ക് താഴെ വന്നത്. 'എന്റെ വീട്ടിലേക്ക് വരുന്ന വഴി ചുമ്മാ ഒന്ന് സഞ്ജുവിന്റെ വീട്ടില്‍ കയറി എന്നെ ഉള്ളൂ.. ആള് ഇപ്പൊ ഇവിടെ ഉണ്ട് നെയ്യപ്പം തിന്നാണ് എന്നതാണ് രസകകരമായ കമന്റുകളിലൊന്ന്.

'ജോര്‍ജിനയെ കൂടി ചേര്‍ക്കാര്‍ന്നു ..സാരീ ഉടുത്ത് കാണാന്‍ ഒരാഗ്രഹം', 'റൊണാള്‍ഡോ പപ്പടം കാച്ചുന്നു', 'കൃഷ്ണാനോ റൊണാള്‍ഡോ', 'സിആര്‍ ശിവന്‍', 'ഏത് വേഷമിട്ടലും ഇങ്ങേര് ലുക്കാണല്ലോ'- എന്നിങ്ങനെ പോകുന്നു കമന്റുകള്‍.

https://www.instagram.com/reel/DIVjr7wS2eb/https://www.instagram.com/reel/DIVjr7wS2eb/
ക്രിസ്റ്റ്യാനോയ്ക്കൊപ്പം ഊണ് കഴിക്കുന്ന സഞ്ജുവാണ് വീഡിയോയിലെ മുഖ്യ ആകര്‍ഷണം. മുണ്ടുടുത്ത് ചന്ദനക്കുറി തൊട്ട അദ്ദേഹം സഞ്ജുവിനൊപ്പം ഇലയില്‍ ചോറുണ്ണുന്നു. തോര്‍ത്ത് മുണ്ടുടുത്ത് തലയില്‍ തോര്‍ത്തുംകെട്ടി മസിലുകള്‍ കാണിച്ച് ക്രിസ്റ്റ്യാനോ പപ്പടം കാച്ചുന്നതും രസകരമായി.

ക്രിസ്റ്റ്യാനോ അല്‍ നസ്‌റില്‍ തുടരുമോ? സുപ്രധാന അപ്‌ഡേറ്റ് പുറത്തുവിട്ട് ക്ലബ്ബ് വൈസ് പ്രസിഡന്റ്
ഇതുകൊണ്ടൊന്നും ക്രിസ്റ്റ്യാനോയുടെ വിഷു ആഘോഷം തീരുന്നില്ല. വിഷുകൈനീട്ടം കൊടുത്തും കൃഷ്ണ വേഷത്തിലും താരത്തെ കാണാം. കണിക്കൊന്നയും നിലവിളക്കും ഒരുക്കിയ പശ്ചാത്തലത്തില്‍ കുട്ടികളോടൊപ്പം ഇരിക്കുകയും അവര്‍ക്ക് വിഷുകൈനീട്ടം നല്‍കുകയും ചെയ്തു. കൃഷ്ണ വേഷത്തിലെത്തി മകനെ കണ്ണുപൊത്തി കണികാണിക്കുന്നു, അമ്പലത്തില്‍ തൊഴുന്നു, കമ്പിത്തിരി കത്തിച്ച് വിഷു ആഘോഷിക്കുന്നു- ഇങ്ങനെ പോകുന്നു ആഘോഷങ്ങള്‍.

സഞ്ജുവിന് ഒളിമ്പിക്‌സ് മെഡല്‍ നേടാന്‍ സുവര്‍ണാവസരം...! 2028 ഒളിമ്പിക്‌സില്‍ ടി20 ക്രിക്കറ്റും; ഉള്‍പ്പെടുത്തിയത് 128 വര്‍ഷങ്ങള്‍ക്ക് ശേഷം
ഹൈപ്പര്‍-റിയലിസ്റ്റിക് ഉള്ളടക്കം സൃഷ്ടിക്കുന്ന എഐയുടെ ഉപയോഗം വിനോദത്തിന്റെയും ഉള്ളടക്ക സൃഷ്ടിയുടെയും ലോകത്ത് കൂടുതല്‍ പ്രചാരത്തിലായിക്കൊണ്ടിരിക്കുകയാണ്. ലോക പ്രശ്‌സ്ത വ്യക്തിത്വങ്ങളെ ഭാവനാത്മകമായ രീതിയില്‍ പ്രാദേശിക ഉത്സവങ്ങളിലേക്ക് കൊണ്ടുവരുന്നത് ട്രെന്റ് ആയി കഴിഞ്ഞു.

ഇപ്പോള്‍ ഐപിഎല്ലില്‍ രാജസ്ഥാന്‍ റോയല്‍സിനെ നയിക്കുകയാണ് സഞ്ജു. ക്രിസ്റ്റ്യാനോ ആവട്ടെ സൗദി പ്രോ ലീഗില്‍ കിടിലന്‍ ഗോളുകളുമായി കത്തിനില്‍ക്കുന്നു. രണ്ടര വര്‍ഷത്തെ കരാര്‍ അവസാനിക്കാറായതിനാല്‍ അല്‍ നസ്‌റില്‍ തുടരുമോ എന്നറിയാന്‍ കാത്തിരിക്കുകയാണ് ആരാധകര്‍.