സണ്‍റൈസേഴ്സിന്റെ മോഹങ്ങള്‍ മഴയെടുത്തു; ഡിസിയെ 133 റണ്‍സില്‍ ഒതുക്കിയിട്ടും ഐപിഎല്ലില്‍ നിന്ന് പുറത്ത്

Authored byനിഷാദ് അമീന്‍ | Samayam Malayalam | Updated: 6 May 2025, 1:01 am

ക്യാപ്റ്റന്‍ പാറ്റ് കമ്മിന്‍സ് പവര്‍ പ്ലേയില്‍ മൂന്ന് വിക്കറ്റ് വീഴ്ത്തി ഞെട്ടിച്ചെങ്കിലും മഴ ഡല്‍ഹി ക്യാപിറ്റല്‍സിന്റെ രക്ഷയ്‌ക്കെത്തി. ഐപിഎല്‍ 2025 സീസണിലെ 55ാമത് ലീഗ് കനത്ത മല്‍സരം മഴ കാരണം പാതിവഴിയില്‍ ഉപേക്ഷിച്ചതോടെ സണ്‍റൈസേഴ്സ് ഹൈദരാബാദ് പ്ലേഓഫ് കാണാതെ പുറത്തായി. ചെന്നൈ സൂപ്പര്‍ കിങ്സിനും രാജസ്ഥാന്‍ റോയല്‍സും നേരത്തേ പുറത്തായിരുന്നു.ആദ്യം ബാറ്റ് ചെയ്ത ഡല്‍ഹി ക്യാപിറ്റല്‍സിനെ 133 ല്‍ ഒതുക്കാന്‍ സണ്‍റൈസേഴ്സിന് സാധിച്ചിരുന്നു. 120 പന്തില്‍ 134 റണ്‍സ് എന്ന വിജയലക്ഷ്യം സണ്‍റൈസേഴ്സിന് അപ്രാപ്യമായിരുന്നില്ല. എന്നാല്‍ മറുപടി ബാറ്റിങ് ആരംഭിക്കുന്നതിന് മഴ തടസ്സമായി. പിന്നീട് മഴ ശമിച്ചെങ്കിലും ഹൈദരാബാദ് രാജീവ് ഗാന്ധി സ്റ്റേഡിയത്തില്‍ ഔട്ട്ഫീല്‍ഡില്‍ വലിയ വെള്ളക്കെട്ടുകള്‍ ഉണ്ടായി. പ്രാദേശിക സമയം രാത്രി 11.10 ന് മത്സരം അവസാനിപ്പിക്കാന്‍ മാച്ച് ഒഫീഷ്യലുകള്‍ തീരുമാനിച്ചു.


പ്ലേ ഓഫ് പ്രതീക്ഷ നിലനിര്‍ത്താന്‍ സണ്‍റൈസേഴ്സിന് ഈ മാച്ചില്‍ വിജയം അനിവാര്യമായിരുന്നു. പോയിന്റ് പങ്കിട്ടതോടെ ഔദ്യോഗികമായി പുറത്തായി. എസ്ആര്‍എച്ചിന് 11 മാച്ചുകളില്‍ ഏഴ് പോയിന്റാണുള്ളത്. ഭാഗ്യത്തിന്റെ പിന്തുണയോടെ ഡിസിക്ക് ഒരു പോയിന്റ് കൂടി ലഭിച്ചു. 13 പോയിന്റുമായി അഞ്ചാം സ്ഥാനത്തുള്ള ഡിസി ആദ്യ നാല് സ്ഥാനങ്ങള്‍ക്കായുള്ള പരിശ്രമത്തിലാണ്.

സഞ്ജു സാംസണിന്റെ പിതാവിനെതിരെ കെസിഎ നിയമനടപടിക്ക്; രണ്ട് മാധ്യമ പ്രവര്‍ത്തകര്‍ക്കെതിരേയും കേസ് നല്‍കും
നാല് തുടര്‍ വിജയങ്ങളുമായി സീസണ്‍ ആരംഭിച്ച ഡിസി തുടക്കത്തില്‍ ഏവരേയും ഞെട്ടിച്ച് ഒന്നാം സ്ഥാനത്ത് എത്തിയിരുന്നെങ്കിലും പിന്നീട് തപ്പിത്തടയുകയാണ്. പാറ്റ് കമ്മിന്‍സിന്റെ നേതൃത്വത്തിലുള്ള എസ്ആര്‍എച്ച് പേസ് ആക്രമണമാണ് ഇത്തവണ ഡിസി ബാറ്റിങ് നിരയില്‍ നാശംവിതച്ചത്.

https://www.instagram.com/reel/DJRqT6zNyu2/?utm_source=ig_web_copy_link&igsh=MzRlODBiNWFlZA==https://www.instagram.com/reel/DJRqT6zNyu2/?utm_source=ig_web_copy_link&igsh=MzRlODBiNWFlZA==
ടോസ് നഷ്ടപ്പെട്ട് ബാറ്റിങിന് ഇറങ്ങിയ ഡല്‍ഹി ക്യാപിറ്റല്‍സ് ബാറ്റ്സ്മാന്‍മാരുടെ ഷോട്ട് സെലക്ഷനിലെ പാളിച്ചകള്‍ കാരണം 7.1 ഓവറില്‍ അഞ്ച് വിക്കറ്റിന് 29 എന്ന നിലയിലേക്ക് കൂപ്പുകുത്തിയിരുന്നു. ആറാമനായെത്തിയ ട്രിസ്റ്റണ്‍ സ്റ്റബ്‌സ് (36 പന്തില്‍ 41), ഇംപാക്ട് പ്ലെയറായി എട്ടാമതെത്തിയ അശുതോഷ് ശര്‍മ (26 പന്തില്‍ 41) എന്നിവരാണ് വന്‍ തകര്‍ച്ചയില്‍ നിന്ന് കരകയറ്റിയത്. ഇരുവരും 45 പന്തില്‍ നിന്ന് 66 റണ്‍സിന്റെ കൂട്ടുകെട്ടുണ്ടാക്കി. വിപ്രജ് നിഗം (18), കെഎല്‍ രാഹുല്‍ (10) എന്നിവരാണ് രണ്ടക്കം തികച്ച മറ്റുള്ളവര്‍.

സഞ്ജു ഏകദിന ടീമില്‍ തിരിച്ചെത്തിയേക്കും, ഇത് സുവര്‍ണാവസരം; 2027 ലോകകപ്പ് വരെ തുടരാന്‍ സന്നദ്ധരായി രോഹിതും കോഹ്‌ലിയും
മത്സരത്തിലെ ആദ്യ പന്തില്‍ തന്നെ കരുണ്‍ നായരെ ഗോള്‍ഡന്‍ ഡക്കാക്കിയ കമ്മിന്‍സ് തന്റെ രണ്ടാം ഓവറില്‍ ഫാഫ് ഡു പ്ലെസിസിനേയും മൂന്നാം ഓവറില്‍ അഭിഷേക് പോറലിനേയും വീഴ്ത്തി. ഷോട്ട് സെലക്ഷന്‍ പാളിയതോടെ മൂവരും വിക്കറ്റ് കീപ്പര്‍ ഇഷാന്‍ കിഷന് പിടികൊടുക്കുകയായിരുന്നു.

ഹര്‍ഷല്‍ പട്ടേലും ജയദേവ് ഉനദ്കട്ടും യഥാക്രമം അക്‌സര്‍ പട്ടേലിനെയും കെ എല്‍ രാഹുലിനെയും പുറത്താക്കി. മികച്ച ഫോമിലുള്ള രാഹുല്‍ എഡ്ജ് ചെയ്ത് ഇഷാന്‍ കിഷന്റെ കൈകളില്‍ ഒടുങ്ങുകയായിരുന്നു.