സിഎസ്കെയുടെ ആവശ്യം അക്കാര്യമെങ്കിൽ ടീമിൽ പൃഥ്വി ഷാ എത്തുമോ? ഗെയ്ക്വാദിന് പകരം തെരഞ്ഞെടുക്കാൻ സാധ്യതയുള്ള മൂന്ന് താരങ്ങൾ

Edited byഅനുഷ ഗംഗാധരൻ | Samayam Malayalam | Updated: 11 Apr 2025, 3:19 pm

Samayam Malayalamറുതുരാജ് ഗെയ്ക്വാദ്, പൃഥ്വി ഷാ

ചെന്നൈ: മുൻനിര ബാറ്റർമാരിൽ ഒരാളായ റുതുരാജ് ഗെയ്ക്വാദിനെ നഷ്ടമാകുന്നത് ചെന്നൈ സൂപ്പർ കിങ്സിനെ സംബന്ധിച്ചിടത്തോളം വലിയ വെല്ലുവിളിയാണ്. മൂന്നാം നമ്പറിൽ ഇറങ്ങിയ താരം ഈ സീസണിൽ രണ്ട് തവണയാണ് അർദ്ധ സെഞ്ചുറി സ്വന്തമാക്കിയത്. അതുകൊണ്ടുതന്നെ ടീമിന് ഇവിടെ നഷ്ടമാകുന്നത് നായകനെ മാത്രമല്ല മറിച്ച് തങ്ങളുടെ മികച്ച ബാറ്റർമാരിൽ ഒരാളെ കൂടിയാണ്.

അന്ന് ബാറ്റിങ് കൊണ്ട് ഞെട്ടിച്ചു; ഇപ്പോൾ കോഹ്ലിയുടെ വിക്കറ്റ് എടുത്ത് വീണ്ടും ഞെട്ടിച്ചു, 50 ലക്ഷം നൽകി ഡൽഹി സ്വന്തമാക്കിയ ഇരുപതുകാരൻ
ഇനി ഗെയ്ക്വാദിന് പകരക്കാരനെ കണ്ടെത്തുക എന്നതാണ് സിഎസ്കെയുടെ പ്രധാന ധൗത്യം. അതേസമയം ബിസിസിഐയുടെ നിയമമനുസരിച്ച് ടീമിലുള്ള താരങ്ങൾക്ക് പരിക്ക് പറ്റി പുറത്തുപോകേണ്ടി വന്നാൽ അൺ സോൾഡ് താരങ്ങളിൽ നിന്ന് ആരെയെങ്കിലും ടീമിലെടുക്കാനെ സാധിക്കുകയുള്ളു. നിലവിൽ മൂന്ന് പേരാണ് സാധ്യത പട്ടികയിൽ ഉൾപെടുന്നവർ. പൃഥ്വി ഷാ, അയ്യുഷ് മഹാത്രെ, ഡിവാൾഡ് ബ്രെവിസ് എന്നിവരാണ് ആ മൂന്നുപേർ.

1. പൃഥ്വി ഷാ

ഐപിഎൽ മെഗാ താരലേലത്തിൽ അൺസോൾഡ് താരമായ പൃഥ്വി ഷായാണ് സാധ്യത ലിസ്റ്റിൽ ഉൾപ്പെട്ട ഒരു താരം. 2024ൽ ഇംഗ്ലണ്ട് വൺ ഡേ കപ്പിൽ 3 അർദ്ധ സെഞ്ചുറി നേടിയ താരം ടൂർണമെന്റിൽ 8 ഇന്നിങ്‌സുകളിൽ നിന്ന് 42.22 ശരശരിയിൽ 343 റൺസാണ് നേടിയത്. 2024 ഐപിഎൽ സീസണിൽ നിന്ന് താരം നേടിയത് 194 റൺസാണ്. പക്ഷെ താരം മെഗാ ലേലത്തിൽ എത്തിയപ്പോൾ അൺ സോൾഡ് ആവുകയായിരുന്നു. സിഎസ്കെ ഒരു പരിചയ സമ്പന്ന താരത്തെയാണ് തിരയുന്നത് എങ്കിൽ അവിടെ പൃഥ്വി ഷാ ഒരു മികച്ച ഓപ്ഷനാണ്.

2. അയ്യുഷ് മഹാത്രെ

ഇന്ത്യയുടെ യുവ പ്രതിഭയായ അയ്യുഷ് മഹാത്രെ സിഎസ്കെയുടെ മറ്റൊരു സാധ്യത താരമാണ്. ഐപിഎൽ 2024ലെ താരലേലത്തിൽ അൺ സോൾഡ് ആയ ഈ താരത്തെ സിഎസ്കെ മിഡ്-സീസൺ ട്രയലിലേക്ക് വിളിച്ചിരുന്നത് വലിയ ചർച്ചയായിരുന്നു. വെറും 17 വയസ്സുള്ള ഈ യുവതാരം, നിലവിൽ നല്ല ഫോമിലുണ്. ഒരു മികച്ച യുവ താരത്തെയാണ് സിഎസ്കെ പരിഗണിക്കാൻ താൽപര്യപ്പെടുന്നത് എങ്കിൽ അവിടെ എന്തുകൊണ്ടും ഉചിതമായ പേര് അയ്യുഷ് മഹാത്രെയുടേതാണ്.

'ഇനി ക്യാപ്റ്റൻ ആ യുവ വിക്കറ്റ് കീപ്പർ, മാറ്റങ്ങൾ സംഭവിക്കും'; ധോണിയുടെ ക്യാപ്റ്റൻസിയെക്കുറിച്ച് പ്രതികരിച്ച് റുതുരാജ് ഗെയ്ക്വാദ്

3. ഡിവാൾഡ് ബ്രെവിസ്

സിഎസ്കെയ്ക്ക് ഇപ്പോഴും ഒരു വിദേശ താരത്തെ ടീമിലെത്തിക്കാൻ അവസരമുണ്ട്. ഒരു ടീമിന് പരമാവധി 8 വിദേശ താരങ്ങളെയാണ് ഉൾപ്പെടുത്താൻ സാധിക്കുക. ഇവിടെ സിഎസ്കെയുടെ ക്യാമ്പിൽ 7 വിദേശ താരങ്ങളാണ് ഉൾപ്പെടുന്നത്. അങ്ങനെയെങ്കിൽ ദക്ഷിണാഫ്രിക്കയുടെ യുവതാരം ഡിവാൾഡ് ബ്രെവിസും സിഎസ്കെയ്ക്ക് പരിഗണിക്കാൻ സാധിക്കുന്ന താരമാണ്. മുൻപ് മുംബൈ ഇന്ത്യൻസ് ടീമിനായി കളിച്ച ബ്രെവിസ്, 2025ലെ എസ്എ20 ലീഗിലും സിഎസ്എ ഡിIV-വണ്ണിലും മികച്ച പ്രകടനം നടത്തിയിട്ടുണ്ട്. അതിവേഗം റൺസ് നേടാൻ സാധിക്കുന്ന ഈ താരത്തെ ടീമിൽ എത്തിച്ചാലും സിഎസ്കെയ്ക്ക് അത് ഗുണം ചെയ്യും.

അതേസമയം ഇന്ന് രാത്രി 7.30 ന് കെകെആറിനെ നേരിടാനൊരുങ്ങുകയാണ് സിഎസ്കെ. ധോണി വീണ്ടും നായക സ്ഥാനത്തേക്ക് എത്തുന്ന ഈ സീസണിലെ ആദ്യ മത്സരം കാണാൻ ആരാധകരും കാത്തിരിക്കുകയാണ്.