സൂര്യകുമാർ യാദവിൻ്റെ റെക്കോഡ് പഴങ്കഥയാക്കി ആന്ദ്രേ റസ്സൽ; ഈഡൻ ഗാർഡനിൽ പുതിയ നാഴികക്കല്ല് സ്വന്തമാക്കി

Edited byഅനുഷ ഗംഗാധരൻ | Samayam Malayalam | Updated: 5 May 2025, 8:46 am

കൊൽക്കത്ത: ഐപിഎൽ 2025 സീസണിൽ കഴിഞ്ഞ ദിവസം കൊൽക്കത്ത നൈറ്റ് റൈഡേഴ്സും രാജസ്ഥാൻ റോയൽസും തമ്മിൽ നടന്ന മത്സരത്തിൽ റോയൽസ് ഒരു റൺസിന് തോൽവി ഏറ്റുവാങ്ങിയിരിക്കുകയാണ്. നിർണായക മത്സരത്തിൽ ജയം സ്വന്തമാക്കി പോയിന്റ് ടേബിളിൽ ആറാം സ്ഥാനത്തേക്ക് ഉയർന്ന് കൊൽക്കത്ത നൈറ്റ് റൈഡേഴ്‌സ് പ്ലേ ഓഫ് സാധ്യതയും ഉയർത്തിയിരിക്കുകയാണ്.
റോയല്‍സിന് ഒരു റണ്‍സ് തോല്‍വി, പരാഗിന് സെഞ്ചുറി നഷ്ടം; നിര്‍ണായക വിജയത്തോടെ കെകെആര്‍ മുന്നോട്ട്അതേസമയം ഈ മത്സരത്തിൽ നിർണായകമായത് ആന്ദ്രേ റസ്സലിന്റെ പ്രകടനമാണ്. ഒരു ഫിനിഷറിന്റെ കടമ ഗംഭീരമായി നിർവഹിച്ച റസ്സൽ 25 പന്തിൽ 57 റൺസ് നേടി കൊൽക്കത്തയുടെ ടോട്ടൽ സ്കോർ 206 ലേക്ക് എത്തിക്കുകയായിരുന്നു. റസ്സൽ അവസാന ഓവറുകളിൽ ഈ പ്രകടനം കാഴ്ചവെച്ചില്ലായിരുന്നു എങ്കിൽ ഒരുപക്ഷെ രാജസ്ഥാൻ റോയൽസിന് അനായാസം ജയിക്കാമായിരുന്നു. അങ്ങനെ വന്നാൽ കൊൽക്കത്തയുടെ പ്ലേ ഓഫ് പ്രതീക്ഷയ്ക്ക് മങ്ങലേൽക്കുമായിരുന്നു.
ഇന്നിപ്പോൾ തകർപ്പൻ പ്രകടനത്തിലൂടെ കൊൽക്കത്തയെ പടുകൂറ്റൻ സ്കോറിലെത്തിക്കാൻ സഹായിച്ച റസ്സൽ ഐപിഎല്ലിൽ ഒരു നിർണായക നാഴികകല്ല് താണ്ടിയിരിക്കുകയാണ്. ഒരേ വേദിയിൽ കളിച്ച് 1000 റൺസ് തികച്ചവരുടെ പട്ടികയിലാണ് റസ്സലും ഇപ്പോൾ എത്തിയിരിക്കുന്നത്. കഴിഞ്ഞ ദിവസം നടന്ന മത്സരത്തിൽ 25 പന്തിൽ നാല് ഫോറുകളും ആറ് സിക്സറുകളും പറത്തി 57 റൺസ് നേടി കൊൽക്കത്തയുടെ ഹോം ഗ്രൗണ്ടിൽ 1047 റൺസ് തികച്ച് എലൈറ്റ് പട്ടികയിൽ തന്റെ പേര് എഴുതി ചേർത്തിരിക്കുകയാണ് റസ്സൽ. ടി20 ഫോർമാറ്റിൽ ഒരേ വേദിയിൽ 1000 റൺസ് നേടിയ 168 താരങ്ങളാണ് ഉള്ളത്, ഇതിൽ ഏറ്റവും മികച്ച സ്ട്രൈക്ക് റേറ്റിൽ ഈ നേട്ടം കരസ്ഥമാക്കുന്ന ലോക റെകോഡ് കൂടി റസ്സലിന്റെ പേരിലാണ് ഇപ്പോൾ. 188.64 സ്ട്രൈക്ക് റേറ്റിലാണ് താരം ഈ നേട്ടം സ്വന്തമാക്കിയത്. ടി20 ക്രിക്കറ്റിലും ഐപിഎല്ലിലും 188.64 എന്ന സ്ട്രൈക്ക് റേറ്റോടെ 1000 റൺസ് നേടി നാഴികക്കല്ല് പിന്നിട്ട ഒരേയൊരു കളിക്കാരനാണ് അദ്ദേഹം, 170 ന് മുകളിലുള്ള സ്കോറിങ് റേറ്റും അദ്ദേഹത്തിനുണ്ട്. സൂര്യകുമാർ യാദവിന്റെ പേരിലുള്ള ഐപിഎൽ റെക്കോർഡാണ് അദ്ദേഹം മറികടന്നത്.

അതേസമയം കഴിഞ്ഞ ദിവസം ഈഡൻ ഗാർഡൻ സാക്ഷ്യം വഹിച്ചത് ഒരു ത്രില്ലെർ പോരാട്ടമാണ്. ആരാധകരെ മുൾമുനയിൽ നിർത്തിയ അവസാന ഓവറിൽ രാജസ്ഥാൻ റോയൽസ് പരാജയപ്പെടുന്നത് വെറും ഒരു റണ്ണിനാണ്. മാത്രവുമല്ല ഈ സീസണിൽ രാജസ്ഥാൻ റോയൽസിനായി റിയാൻ പരാഗ് ഏറ്റവും മികച്ച ഇന്നിങ്‌സ് കാഴ്ചവെച്ചതും കഴിഞ്ഞ ദിവസമായിരുന്നു 45 പന്തിൽ 6 ഫോറുകളും 8 സിക്സറുകളും പറത്തിയ താരം 95 റൺസാണ് നേടിയത്. അർഷിത് റാണയുടെ പന്ത് വൈഭവ് റാണയ്ക്ക് നൽകിയാണ് പരാഗ് പവലിയനിലേക്ക് മടങ്ങിയത്.