സ്റ്റാർ പേസർ കാഗിസോ റബാദക്ക് ക്രിക്കറ്റിൽ നിന്ന് വിലക്ക്, ഐപിഎല്ലിൽ ഇത്തവണ കളിക്കില്ല; കാരണം ഇങ്ങനെ

Curated byഗോകുൽ എസ് | Samayam Malayalam | Updated: 3 May 2025, 7:43 pm

ദക്ഷിണാഫ്രിക്കൻ സ്റ്റാർ പേസറായ കാഗിസോ റബാദ ( kagiso Rabada ) വ്യക്തിപരമായ കാരണങ്ങൾ ചൂണ്ടിക്കാട്ടി ഐപിഎല്ലിനിടെ ( IPL 2025 ) നാട്ടിലേക്ക് മടങ്ങിയിരുന്നു. ക്രിക്കറ്റ് ലോകത്തെ അമ്പരപ്പിക്കുന്ന വാർത്തയായിരുന്നു ഇത്. എന്നാൽ ഇപ്പോളിതാ നിരോധിത ലഹരി പദാർഥം ഉപയോഗിച്ചതിനെ തുടർന്ന് റബാദ താൽക്കാലിക വിലക്ക് നേരിടുകയാണെന്നും ഇതിനാലാണ് ഐപിഎൽ മതിയാക്കി താരം നാട്ടിലേക്ക് മടങ്ങിയതെന്നും വ്യക്തമായിരിക്കുന്നു. റബാദ തന്നെയാണ് ഇപ്പോൾ ഈ വിവരം പുറത്തുവിട്ടിരിക്കുന്നത്‌‌. ഇതോടെ 2025 സീസൺ ഇന്ത്യൻ പ്രീമിയർ ലീഗിലെ ശേഷിക്കുന്ന മത്സരങ്ങളും താരത്തിന് നഷ്ടമാകുമെന്ന് ഉറപ്പായി‌. 2025 ലെ ലോക ടെസ്റ്റ് ചാമ്പ്യൻഷിപ്പിന്റെ ഫൈനലിൽ താരം കളിക്കുന്ന കാര്യവും ഇതോടെ സംശയത്തിലായി.


"റിപ്പോർട്ടുകൾ വന്നതുപോലെ വ്യക്തിപരമായ കാരണങ്ങളാൽ ഞാൻ ഐപിഎല്ലിൽ ‌നിന്ന് അടുത്തിടെ ദക്ഷിണാഫ്രിക്കയിലേക്ക് മടങ്ങി‌‌. ഞാൻ നിരാശപ്പെടുത്തിയ എല്ലാവരോടും അഗാധമായി മാപ്പ് ചോദിക്കുന്നു‌. ക്രിക്കറ്റ് കളിയെ ഒരിക്കലും നിസാരമായി കാണില്ല. എല്ലാപ്പോളും ഞാൻ ഏറെ വിലമതിക്കുന്നതാണത്. വ്യക്തിപരമായ ആഗ്രഹങ്ങളേക്കാൾ വലുതായാണ് ക്രിക്കറ്റിനെ ഞാൻ കാണുന്നത്‌. ഞാൻ ഇപ്പോൾ താൽക്കാലിക വിലക്ക് നേരിടുകയാണ്‌. ഏറെ ഇഷ്ടപ്പെടുന്ന കളിയിലേക്ക് തിരികെയെത്താൻ ഞാൻ ഏറെ ആഗ്രഹിക്കുന്നു." റബാദ ഔദ്യോഗിക പ്രസ്താവനയിൽ കുറിച്ചു‌.

വൈഭവിൻ്റെ പുറത്താകൽ; നിരാശ മറയ്ക്കാനാകാതെ രാഹുൽ ദ്രാവിഡ്; ഹോം വർക്ക് ചെയുന്ന കോച്ചിനെ ഇനി ഡഗ്‌ ഔട്ടിൽ കാണാനാകില്ലെന്ന് സോഷ്യൽ മീഡിയ
നിലവിൽ ലോക ക്രിക്കറ്റിലെ ഏറ്റവും മികച്ച പേസ് ബൗളർമാരിൽ ഒരാളാണ് കാഗിസോ റബാദ‌. ഇത്തവണത്തെ ഐപിഎൽ മെഗാ ലേലത്തിൽ 10.75 കോടി രൂപക്കാണ് ഗുജറാത്ത് ടൈറ്റൻസ് താരത്തെ സ്വന്തമാക്കിയത്. രണ്ട് കളികൾ മാത്രമാണ് ഇക്കുറി ഐപിഎല്ലിൽ താരം കളിച്ചത്. ഈ കളികളിൽ നിന്ന് രണ്ട് വിക്കറ്റുകളായിരുന്നു താരം നേടിയത്.

എന്തൊരു പതനം...! രാജസ്ഥാന്‍ റോയല്‍സ് നാണംകെട്ടു; റെക്കോഡ് തോല്‍വിയുമായി ഐപിഎല്ലില്‍ നിന്ന് പുറത്ത്
റബാദ സീസണിന്റെ തുടക്കത്തിൽ തന്നെ നാട്ടിലേക്ക് മടങ്ങിയത് ഗുജറാത്ത് ടൈറ്റൻസിന് തിരിച്ചടിയായെങ്കിലും പ്രസിദ് കൃഷ്ണ അടക്കമുള്ള താരങ്ങൾ അവസരത്തിനൊത്ത് ഉയർന്നതിനാൽ ടീം മികച്ച ഫോമിലേക്ക് ഉയർന്നു. നിലവിൽ 10 കളികളിൽ 14 പോയിന്റുമായി ഐപിഎൽ ടേബിളിൽ രണ്ടാം സ്ഥാനത്താണ് ശുഭ്മാൻ ഗിൽ നയിക്കുന്ന ടീം. ഏഴ് കളികളിൽ വിജയം നേടിയ അവർ മൂന്ന് മത്സരങ്ങളിലാണ് തോറ്റത്. ശേഷിക്കുന്ന നാല് മത്സരങ്ങളിൽ ഒരു വിജയം നേടാനായാൽ ഗുജറാത്തിന് പ്ലേ ഓഫ് ഉറപ്പിക്കാം.