15 വർഷത്തെ സൗഹൃദം, അവസാനം ദൈവം എനിക്ക് വേണ്ടി കരുതിയവൾ; വിശാലും ധൻഷികയും തമ്മിലുള്ള പ്രായ വ്യത്യാസം ചർച്ചയാവുന്നു!

Authored by: അശ്വിനി പി|Samayam Malayalam•20 May 2025, 10:07 am

യോഗിഡാ എന്ന ചിത്രത്തിന്റെ ഓഡിയോ ലോഞ്ച് ചടങ്ങിൽ വച്ചാണ് വിശാലും ധൻഷികയും തങ്ങളുടെ പ്രണയം വെളിപ്പെടുത്തിയത്, ആഗസ്റ്റ് 29 നാണ് വിവാഹം തീരുമാനിച്ചിരിയ്ക്കുന്നത്. വിവാഹത്തിന് എല്ലാവരെയും ക്ഷണിക്കുമെന്നും, എല്ലാവരും വരണം എന്നും വിശാൽ പറഞ്ഞു. എല്ലാത്തിന്റെയും അവസാനം ദൈവം നമുക്കായി ഒന്ന് കരുതിയിട്ടുണ്ടാവും, അങ്ങനെ അവസാനം എന്റെ ജീവിതത്തിലേക്ക് വന്ന പെൺകുട്ടിയാണ് ധൻഷിക എന്നാണ് വിശാൽ പറഞ്ഞത്.

പതിനഞ്ച് വർഷങ്ങളായി എനിക്ക് വിശാലിനെ അറിയാം. അദ്ദേഹത്തിന്റെ പെരുമാറ്റവും രീതികളും ഞാൻ വളരെ അധികം ബഹുമാനത്തോടെ കാണുന്നു. എന്റെ ജീവിതത്തിലെ ഒരു മോശം അവസ്ഥയിലും, യാതൊന്നും പറയാതെ തന്നെ കയറി വന്ന് പിന്തുണയായി നിന്ന ആളാണ്. ആ ഗസ്റ്റർ ആണ് എനിക്കിഷ്ടപ്പെട്ടത്. ഞങ്ങൾക്കിടയിൽ നല്ല സൗഹൃദമായിരുന്നു. അടുത്തിടെയാണ് പരസ്പരം ഞങ്ങൾ രണ്ട് പേർക്കും ഉള്ളിൽ പ്രണയം എന്ന ഫീലിങ്സ് ഉണ്ട് എന്ന് തിരിച്ചരിഞ്ഞത്. പിന്നെ എന്തിന് വൈകിപ്പിക്കണം എന്ന് തോന്നി, വിവാഹത്തിലേക്ക് കടക്കുകയാണ് എന്ന് ധൻഷികയും പറഞ്ഞു.

Also Read: കീർത്തി സുരേഷിനെ വരെ പെണ്ണാലോചിച്ച വിശാൽ! നിശ്ചയിച്ചുറപ്പിച്ച വിവാഹം മുടങ്ങി, താരപുത്രിയുമായുള്ള പ്രണയ ബന്ധം തകരാൻ കാരണം? കളിയാക്കലുകളെ അതിജീവിച്ച നടൻ

എനിക്ക് അദ്ദേഹം എന്നും സന്തോഷിച്ചു കണ്ടാൽ മതി എന്നാണ് ധൻഷിക പറഞ്ഞത്. തന്നെ സംബന്ധിച്ചും ധൻഷികയുടെ മുഖത്ത് എന്നും ഈ ചിരി വേണം എന്ന ആഗ്രഹമാണെന്ന് വിശാലും പറഞ്ഞു, കാരണം ധൻഷികയുടെ ചിരി അത്രയും മനോഹരമാണ്. എല്ലാത്തിനെയും പോസിറ്റീവായി കാണുന്ന ആളാണ് ഞാൻ, ഞങ്ങൾ ഒരുമിച്ച് നല്ല ഒരു ജീവിതം ഉണ്ടാവും എന്ന് പ്രതീക്ഷിക്കുന്നു. വഴക്കുകൾ ഉണ്ടാവും, അത് തീർച്ചയാണ്, പക്ഷേ അത് പരസ്പരം മനസ്സിലാക്കിയും വിട്ടു കൊടുത്തും നന്നായി ജീവിക്കണം എന്നാണ് ആഗ്രഹം. എന്റെ ജീവിതവാസാനം വരെ ധൻഷികയെ ഞാൻ സന്തോഷത്തോടെ വയ്ക്കും.

ധൻഷുവിന് ഒരുപാട് നല്ല സുഹൃത്തുക്കളുണ്ട്. അക്കാര്യത്തിൽ എനിക്ക് ധൻഷികയോട് അസൂയയാണ്. ആരോ ചോദിച്ചു, വിവാഹത്തിന് ശേഷം ധൻഷിക അഭിനയിക്കുമോ എന്ന്, തീർച്ചയായും അഭിനയിക്കും. ധൻഷിക നല്ല ഒരു കലാകാരിയാണ്, അഭിനയത്തെ അത്രയും ഇഷ്ടപ്പെടുന്നു. അതിനൊന്നും ഞാൻ തടസ്സം നിൽക്കില്ല- വിശാൽ പറഞ്ഞു.

തമിഴകത്തെ പുതിയ ജോഡികളെ പ്രശംസിക്കുന്ന തിരക്കിലാണ് ആരാധകർ. അതിനിടയിൽ ധൻഷികയുടെയും വിശാലിന്റെയും പ്രായം കണക്കു കൂട്ടുന്നവരുമുണ്ട്. വിശാലിന് 47 ഉം ധൻഷികയ്ക്ക് 35 ഉം ആണ് വയസ്സ്. കബാലി എന്ന ചിത്രത്തിൽ രജിനികാന്തിന്റെ മകളായി കൈയ്യടി നേടിയ നടി ഇന്ന് തമിഴ് സിനിമയിലെ ആക്ഷൻ ഹീറോയിൻ എന്നാണ് അറിയപ്പെടുന്നത്.