18 കൊല്ലം ഭർത്താവിനെ അടക്കി വച്ച സ്ത്രീയ്ക്കാണോ, മക്കളെ അച്ഛനിൽ നിന്ന് അകറ്റാൻ പ്രയാസം? ആർതി രവി ആരാണെന്ന് നിങ്ങൾക്കറിയാമോ; തുറന്നടിച്ച് സുചിത്ര

Authored by: അശ്വിനി പി|Samayam Malayalam•17 May 2025, 2:03 pm

അഭിപ്രായങ്ങൾ തുറന്ന് പറയുന്നതിന്റെ പേരിൽ എന്നും വിവാദങ്ങളിൽ ആയിട്ടുള്ള ഗായികയാണ് സുചിത്ര. എന്നാൽ വിവാദങ്ങൾക്കോ വിമർശനങ്ങൾക്കോ ഒന്നും തന്നെ സുചിത്രയുടെ വാ മൂടിക്കെട്ടാൻ സാധിച്ചിരുന്നില്ല. ഇപ്പോഴിതാ രവി മോഹൻ (ജയം രവി) - കെനിഷാ ഫ്രാൻസിസ് - ആർതി രവി വിഷയത്തിൽ പ്രതികരണവുമായി എത്തിയിരിക്കുകയാണ് സുചിത്ര. നിരന്തരം പങ്കുവച്ച നാല് ഷോട്ട് വീഡിയോകളിലായി കെനിഷാ ഫ്രാൻസിസിനെയും രവി മോഹനെയും പിന്തുണയ്ക്കുന്ന സുചിത്ര ആർതിയെ വിമർശിക്കുകയും ചെയ്യുന്നു.

ജയം രവിയും കെനിഷായും എന്ത് തെറ്റാണ് ചെയ്തത്. സിനിമ ലോകത്ത് ആരും ഇതുവരെ ചെയ്യാത്ത തെറ്റാണോ ജയം രവി ചെയ്തത്. എല്ലാവരും ചെയ്തത് ഇദ്ദേഹവും ചെയ്തു, ആദ്യമെടുത്ത തീരുമാനം തെറ്റായിരുന്നു, പക്ഷേ ഇപ്പോൾ എല്ലാം കറക്ടായിട്ടല്ലേ പോകുന്നത്. നിങ്ങൾക്ക് എന്തുകൊണ്ട് കെനിഷായെ കുറിച്ച് ആലോചിച്ച് സന്തോഷിച്ചുകൂട. എത്ര മാന്യമായിട്ടാണ് രവി മോഹൻ അവരെ ട്രീറ്റ് ചെയ്യുന്നത്, അതുപോലെ ട്രീറ്റ് ചെയ്യപ്പെടാൻ ആഗ്രഹിക്കാത്ത സ്ത്രീകളുണ്ടോ.

Also Read: എന്റെ ഈ സ്വഭാവം ഷിയാസ് ഇക്കയ്ക്ക് ഹാന്റിൽ ചെയ്യാൻ പറ്റില്ല എന്ന് പറഞ്ഞവരിത് കാണണം; കുറ്റപ്പെടുത്തുന്നവർക്ക് ദർഫ ഷിയാസിന്റെ മറുപടി

ഇത്രയും വർഷം ഒന്നിച്ച് ജീവിച്ചിട്ട് ശരിയാക്കാൻ പറ്റാത്ത വിവാഹ ജീവിതത്തിന് വേണ്ടി ഒരാൾ ഇപ്പോൾ വന്നിരുന്ന് കരയുന്നു. അവർ ആരാണെന്ന് പോലും നിങ്ങൾക്ക് അറിയില്ല, സോഷ്യൽ മീഡിയയിൽ കണ്ട ഫോട്ടോകളുടെ പരിചയമല്ലാതെ ഒന്നും ആർതി രവിയെ കുറിച്ച് നിങ്ങൾക്കറിയില്ല, എന്നിട്ടും നിങ്ങൾ അവരുടെ പക്ഷം ചേരുന്നു. ആർതി രവിയുടെ ലുക്ക് കണ്ടാണ് നിങ്ങൾ അവരെ പിന്തുണയ്ക്കുന്നത് എങ്കിൽ നിങ്ങളവരെ സൈറ്റ് അടിക്കുകയല്ലേ.

കെനിഷാ എന്ത് തെറ്റാണ് ചെയ്തത്, അവരുടെ പാട്ടുകളും ഡ്രസ്സിങും ആണോ നിങ്ങളുടെ പ്രശ്നം. ആൻഡ്രിയയെ പോലുള്ള ആളുകൾ സ്റ്റേജിൽ പാട്ട് പാടുമ്പോൾ ധരിക്കുന്ന ഡ്രസ്സാണ് അവരും ധരിച്ചിരിയ്ക്കുന്നത്. അപ്പോഴേക്കും അവരെ ബഹിഷ്കരിക്കണം. ജയം രവിയുടെ വർക്ക് ബഹിഷ്കരിക്കണം, കെനിഷയുടെ വർക്ക് ബഹിഷ്കരിക്കണം. ഇങ്ങനെ അന്ധമായ വിശ്വാസത്തിന്റെ പുറത്ത് മറ്റുള്ളവരെ കുറിച്ചൊന്നും അറിയാതെ ജഡ്ജ്മെന്റലായി സംസാരിക്കാൻ നിങ്ങൾക്ക് നാണക്കേട് തോന്നുന്നില്ലേ.

സുഹൃത്തുക്കൾ എന്ന നിലയിൽ ട്വിന്നിങ് ചെയ്തതാണ് ജയം രവിയും കെനിഷാ ഫ്രാൻസിസും ചെയ്ത തെറ്റ്. കൈ പിടിച്ചതോ, ആൾക്കൂട്ടത്തിനിടയിൽ കെനിഷാ ഇൻസെക്യുയർ ആണെന്ന് തോന്നിയപ്പോൾ ചെറുവിരൽ കൊണ്ട് അവരുടെ കൈ കോർത്ത് പിടിച്ച് കാറിൽ കയറ്റിയത്, തനിക്കൊപ്പം വന്ന ആളോട് കാണിക്കുന്ന മാനുക പരിഗണനയാണ്. അപ്പോഴേക്കും കൈ കോർത്തു പിടിച്ചു, റൊമാന്റിക് എന്നായി. എടുത്തുകൊണ്ടു പോയി കാറിൽ കയറ്റി

കുട്ടികളെ കുറിച്ചാലോചിച്ചാണോ പിന്നെ നിങ്ങളുടെ വിഷമം? കുട്ടികളുള്ള ആരും ഇതുവരെ വിവാഹ മോചനം നേടിയിട്ടില്ലേ. അല്ലെങ്കിൽ മക്കൾ അച്ഛനും അമ്മയും ഇല്ലാതെ കഷ്ടപ്പെടുകയാണ്. ബംഗ്ലാവ് പോലൊരു വീട്ടിൽ മുത്തശ്ശിയുടെയും അമ്മയുടെയും കുറേ ആന്റമാരുടെയും സംരക്ഷണത്തിലും വാത്സല്യത്തിലുമാണ് രണ്ട് മക്കളും. അച്ഛനോട് മക്കൾ അടുക്കാതിരിക്കാൻ അമ്മ ശ്രമിച്ചുകൊണ്ടേയിരിക്കുകയാണ്. രവി മോഹനെ പോലൊരു വലിയ മനുഷ്യനെ തന്റെ കൺട്രോളിൽ 18 വർഷം വച്ച സ്ത്രീയ്ക്ക്, രണ്ട് ചെറിയ മക്കളെ കസ്റ്റഡിയിൽ വയക്കാനാണോ അറിയാത്തത്- ഇത്തരത്തിലാണ് സുചിത്ര വീഡിയോയിൽ തുറന്ന് സംസാരിക്കുന്നത്. സുചിത്രയുടെ എല്ലാ വീഡിയോയും കെനിഷാ ഇൻസ്റ്റഗ്രാം സ്റ്റോറിയായി ഷെയർ ചെയ്യുകയും ചെയ്തിട്ടുണ്ട്.