70 ലക്ഷം! ദിയ നീ അത്ഭുതമാണ്; ഞാനും ഒരുപാട് കരഞ്ഞു നിന്റെ വേദന കണ്ടിട്ടല്ല പകരം ഓരോ നിമിഷവും നിന്നിലെ നിന്നെ കണ്ടിട്ട്

Authored by: ഋതു നായർ|Samayam Malayalam•9 Jul 2025, 8:33 am

ദിയ കൃഷ്ണയെ വീണ്ടും പുകഴ്ത്തി പേളി മാണി . ഫാമിലി വ്ലോഗേഴ്സിന്റെ ഇടയിൽ നീ ചരിത്രം ആണ് കുറിച്ചതെന്ന് പേളി പറയുന്നു. അറുപതുലക്ഷം എന്ന വലിയ സംഖ്യ ഒരുപാട് ആളുകളുടെ ഹൃദയം കീഴടക്കിയ ഒരുപാട് ആളുകളെ സ്പർശിച്ച ഒരുപാട് ആളുകൾക്ക് പ്രചോദനമായ ഒരുപാട് സ്ത്രീകളെ പ്രതിനിധീകരിച്ച നിനക്ക് ഒരു ബിഗ് സല്യൂട്ട്; പേളി കുറിച്ചു.

നീ ധൈര്യവതിയായ മമ്മ ആണെന്ന് തെളിയിച്ചു എന്നാണ് ഇക്കഴിഞ്ഞ ദിവസം പേളി കുറിച്ചത്.

എത്രവേഗമാണ് അറുപതുലക്ഷത്തിലേക്ക് എത്തിയത്. ഫാമിലി വ്ലോഗേഴ്സിന്റെ ഇടയിൽ നീ കുറിച്ചത് ചരിത്രമാണ് ദിയ കൃഷ്ണ . ഒരു സ്ത്രീക്ക് തന്റെ ജീവിതം ലോകത്തിന് മുന്നിൽ തുറന്നുകൊടുക്കാൻ അപാരമായ ധൈര്യം ആവശ്യമാണ് - പ്രത്യേകിച്ച് പ്രസവം പോലെ സെൻസിറ്റീവ് ആയ ശക്തവുമായ ഒന്ന്.

ഒരു പെൺകുട്ടി ധൈര്യത്തോടെ ഡെലിവറി വ്ലോഗ് പങ്കിട്ടത് ഞാൻ കണ്ടു. ആ സമയം എന്റെ മനസ്സിൽ ഉണ്ടായ വികാരങ്ങളുടെ തിരമാലകൾക്ക് തടയിടാൻ ഞാൻ ഒരുക്കമായിരുന്നില്ല. ഞാനും ഒരുപാട് കരഞ്ഞു.

ഞാൻ കരഞ്ഞു. അവൾ അനുഭവിച്ച വേദന കാരണം മാത്രമല്ല, വേദനയുടെ ഓരോ നിമിഷത്തിലും നീ കാണിച്ച ശക്തി കണ്ടിട്ടാണ് എന്റെ കണ്ണുകൾ ധാര ധാരയായി ഒഴുകിയത്. എത്രവട്ടം കാണുന്നുവോ അത്രയും തവണ വീണ്ടും വീണ്ടും കാണാനുള്ള ഒരു മാജിക്കൽ പവർ ഉണ്ട് നിന്റെ വീഡിയോയിൽ .

നീ വേദനകൊണ്ട് വിറച്ച നിമിഷങ്ങൾ, വിറങ്ങലിച്ച ശ്വാസം, നിശബ്ദമായ കണ്ണുനീർ, ആത്മാവിന്റെ ഉള്ളിൽ എവിടെയോ നിന്ന് വന്ന നിലവിളി... പിന്നെ - ഹൃദയമിടിപ്പിന്റെ ശബ്ദം, ഒരു കുഞ്ഞി കരച്ചിൽ! ശ്വാസം പോലും നിലച്ചുപോയ നിമിഷങ്ങൾ, നിന്റെ കുഞ്ഞിനെ നീ മാറോട് ചേർക്കുന്ന ആ നിമിഷങ്ങൾ വർണ്ണിക്കാൻ വാക്കുകൾ പോരാ ദിയ.

ALSO READ: അയ്യോ സുരേഷേ എന്നൊക്കെ വിളിക്കാമോ കേന്ദ്രമന്ത്രിയല്ലേ! ബാബൂന്ന് വിളിക്കുമ്പോൾ എന്നെ കുറെ ചീത്തപറഞ്ഞിട്ടുണ്ട്...

ആ നിമിഷം കണ്ടപ്പോൾ ഞാൻ ഉൾപ്പെടെ , ഈ യാത്രയിലൂടെ കടന്നുപോയ ഓരോ സ്ത്രീയെയും ഞാൻ ഓർത്തു - വേദന, ഭയം, പ്രതീക്ഷ, ഉള്ളിൽ നിന്ന് എങ്ങനെയോ ഉയർന്നുവരുന്ന വിശദീകരിക്കാനാകാത്ത സ്ത്രീകൾക്ക് മാത്രം കിട്ടുന്ന ആ ശക്തി.എല്ലാം ഞാൻ ഓർത്തുപോയി

ജീവന്റെകഥ പങ്കുവെച്ച പെൺകുട്ടി! ദിയ നിന്നോട് നന്ദി.

നീ ഒരു കുഞ്ഞിനെ മാത്രം അല്ല പ്രസവിച്ചത് ... മറ്റ് നിരവധി ആളുകളുടെ ഹൃദയങ്ങളിൽ നീ ധൈര്യം ആയി മാറുകയായിരുന്നു. ഒരു പുതുവെളിച്ചം വീശുകയായിരുന്നു.

എല്ലാ അമ്മമാരോടും ആയി ഞാൻ പറയട്ടെ - എനിക്ക് നിങ്ങളെ കാണാൻ സാധിക്കും എനിക്ക് നിങ്ങളെ അനുഭവിച്ചറിയാൻ ആകും നിങ്ങളുടെ യാത്രയുടെ ഓരോ ഭാഗത്തെയും ഞാൻ ബഹുമാനിക്കുന്നു; പേളി വികാരാധീനയായി കുറിച്ചു.

ഈ ജൂലൈ അഞ്ചിനാണ് ദിയ കൃഷ്ണ ആൺകുട്ടിക്ക് ജന്മം നൽകിയത് യൂട്യൂബ് ചരിത്രത്തിൽ ഏറ്റവും കൂടുതൽ ആളുകൾ കണ്ട ഡെലിവറി വീഡിയോ ആയി അത് മാറിയിരിക്കുകയാണ് ഇപ്പോൾ. നിഓം എന്ന് പേരിട്ടിരിക്കുന്ന ഓമി ശരിക്കും യൂ ട്യൂബിൽ ഒരു തരംഗം തന്നെ സൃഷ്ടിച്ചു.