CSK IPL 2026: ചെന്നെെയില്‍ സഞ്ജു‍ ഓപ്പണര്‍ തന്നെ, ഒപ്പം റുതുരാജോ ആയുഷോ? ചെന്നെെ പ്ലെയിങ് ഇലവന്‍ സാധ്യതകള്‍ വിലയിരുത്താം

2026 ഐപിഎല്‍ സീസണ് വേണ്ടി കാത്തിരിക്കുകയാണ് ക്രിക്കറ്റ് ആരാധകര്‍. ടി20 ലോകകപ്പില്‍ ഇന്ത്യ കിരീടം നേടിയതോടെ ആരാധകരെല്ലാം വലിയ ആവേശത്തിലാണ്. മാര്‍ച്ച് 28-ന് തുടങ്ങുന്ന ഐപിഎല്ലിന്‍റെ ആദ്യ ഘട്ട ഷെഡ്യൂള്‍ സംഘാടകര്‍ കഴിഞ്ഞ ദിവസം പുറത്തുവിട്ടിരുന്നു. മാര്‍ച്ച് 30-നാണ് സഞ്ജു സാംസണ്‍ ചെന്നെെ സൂപ്പര്‍ കിങ്സിന് വേണ്ടി അരങ്ങേറ്റം കുറിക്കുക. ഗുവാഹത്തിയില്‍ വെച്ച് നടക്കുന്ന മത്സരത്തില്‍ സഞ്ജു ഓപ്പണറായി കളിക്കാനാണ് സാധ്യത. ചെന്നെെയുടെ പ്ലേയിങ് ഇലവന്‍ എങ്ങനെയായിരിക്കുമെന്ന് പരിശോധിക്കാം. 18 കോടി രൂപക്ക് രാജസ്ഥാന്‍ റോയല്‍സ് വിട്ട് ചെന്നെെയിലെത്തിയ സഞ്ജു സാംസണ്‍ ഓപ്പണറായി കളിക്കും. സഞ്ജുവിനൊപ്പം ആര് ഓപ്പണ്‍ ചെയ്യുമെന്ന കാര്യമാണ് അറിയേണ്ടത്. കഴിഞ്ഞ സീസണില്‍ ഓപ്പണറായിരുന്ന ആയുഷ് മാത്രേ തന്നെ കളിക്കാനാണ് സാധ്യത. അങ്ങനെ വരുമ്പോള്‍ ക്യാപ്റ്റന്‍ റുതുരാജ് ഗെയ്ക്വാദ് വണ്‍ ഡൗണായി ക്രീസിലേക്ക് എത്തും. കഴിഞ്ഞ സീസണില്‍ പരിക്ക് കാരണം അധികം മത്സരങ്ങള്‍ കളിക്കാന്‍ റുതുരാജിന് കഴിഞ്ഞിരുന്നില്ല.
'ഇന്ത്യയ്ക്കെതിരെ ബാറ്റ് ചെയ്യാനിറങ്ങിയ പാക് താരങ്ങൾ ഭയന്നു, ഓരോ പന്തിലും ബുദ്ധിമുട്ടി'; വെളിപ്പെടുത്തലുമായി ഷാഹിദ് അഫ്രീദി
ദക്ഷിണാഫ്രിക്കന്‍ വെടിക്കെട്ട് ബാറ്റര്‍ ഡ്യൂവാള്‍ഡ് ബ്രെവിസ് നാലാം നമ്പറില്‍ കളിക്കും. അന്താരാഷ്ട്ര ക്രിക്കറ്റിലും മറ്റു ഫ്രാഞ്ചൈസി ലീഗുകളിലും കിടിലന്‍ പ്രകടനമാണ് ബ്രെവിസ് കാഴ്ച്ച വെക്കുന്നത്. ബ്രെവിസിന്റെ വെടിക്കെട്ട് മധ്യനിരയില്‍ കരുത്തായി മാറുമെന്നാണ് ചെന്നെെ സൂപ്പര്‍ കിങ്സ് ടീമിന്‍റെ പ്രതീക്ഷ. അഞ്ചാമനായി ശിവം ദുബെയും ആറാമനായി പ്രശാന്ത് വീറും കളത്തിലിറങ്ങും. ഏഴാമത്തെ പൊസിഷനിലായിരിക്കും എംഎസ് ധോണി ബാറ്റ് ചെയ്യാന്‍ സാധ്യത. ധോണി ഇംപാക്ട് പ്ലെയറായി മാത്രം കളിക്കാനും സാധ്യതകള്‍ ഏറെയാണ്.

ജെയ്മി ഓവര്‍ട്ടണ്‍, നൂര്‍ അഹമ്മദ്, ഖലീല്‍ അഹമ്മദ് എന്നിവരും ടീമിനായി കളിക്കാനാണ് സാധ്യത. 11ാമനായി നഥാന്‍ എല്ലിസോ മാറ്റ് ഹെന്‍റിയോ കളിച്ചേക്കും. പേസ് ബോളറായി സാക് ഫോക്സിനെയും ചെന്നെെ പ്ലെയിങ് ഇലവനിലേക്ക് പരിഗണിക്കാന്‍ സാധ്യതയുണ്ട്. രാഹുല്‍ ചഹര്‍, അഖീല്‍ ഹുസൈന്‍ എന്നിവരില്‍ ആരെങ്കിലും ഇംപാക്ട് പ്ലെയറായി കളിച്ചേക്കും.
T20 WC 2026: അക്സര്‍ കലിപ്പിലായിരുന്നു, സൂര്യ മാപ്പ് പറഞ്ഞപ്പോഴാണ് എല്ലാം ശരിയായത്; ടി20 ലോകകപ്പിനിടെ ഡ്രസിങ് റൂമില്‍ സംഭവിച്ചതെന്ത്?
കഴിഞ്ഞ സീസണില്‍ ചെന്നെെ നേരിട്ട പ്രധാന പ്രശ്നം ഫോമിലെത്താത്ത താരങ്ങള്‍ക്ക് പകരക്കാരായി അധികം ഓപ്ഷനുകളില്‍ ഇല്ലായിരുന്നു എന്നതാണ്. ഇത്തവണ അങ്ങനെയൊരു പ്രശ്നം ചെന്നെെ നേരിടാന്‍ സാധ്യത കുറവാണ്. മാറ്റ് ഷോര്‍ട്ട്, സര്‍ഫറാസ് ഖാന്‍, ഉര്‍വില്‍ പട്ടേല്‍, കാര്‍ത്തിക് ശര്‍മ, ശ്രേയസ് ഗോപാല്‍ തുടങ്ങിയ താരങ്ങളെ പകരക്കാരനായി പരിഗണിക്കാന്‍ സാധിക്കും. പുതിയ സീസണില്‍ സഞ്ജു സാംസണും ചെന്നെെ സൂപ്പര്‍ കിങ്സും മിന്നിക്കുമെന്നാണ് ആരാധകരുടെ പ്രതീക്ഷ.