IPL 2026: 22 പന്തിൽ 11, ഇതെന്ത് ബാറ്റിങ്? ഡൽഹി ക്യാപ്റ്റൻ സ്ഥാനത്ത് നിന്ന് മാറൂ, അക്ഷർ പട്ടേലിന് 'പൊങ്കാലയിട്ട് ' ആരാധകർ

ഇന്ത്യൻ പ്രീമിയർ ലീഗിന്റെ 2026 സീസണിലെ 51ാം മത്സരത്തിൽ കൊൽക്കത്ത നെെറ്റ് റെെഡേഴ്സിന് മുന്നിൽ 143 റൺസ് വിജയലക്ഷ്യം വെച്ചിരിക്കുകയാണ് ഡൽഹി ക്യാപിറ്റൽസ് . ആദ്യം ബാറ്റ് ചെയ്ത ഡൽഹി എട്ട് വിക്കറ്റിന് 142 റൺസാണ് നേടിയത്. സ്വന്തം തട്ടകത്തിൽ ഡൽഹിയുടെ ബാറ്റിങ് നിര തീർത്തും നിരാശപ്പെടുത്തിയിരിക്കുകയാണ്. ഓപ്പണർ പതും നിസങ്കയുടെ അർധ സെഞ്ചുറി മാത്രമാണ് ഡൽഹിക്ക് ആശ്വസിക്കാനുള്ളത്. അശുതോഷ് ശർമയും ഭേദപ്പെട്ട പ്രകടനം നടത്തി. എന്നാൽ മറ്റെല്ലാവരും നിരാശപ്പെടുത്തിയെന്ന് പറയാം. ഇപ്പോഴിതാ ഡൽഹി ക്യാപിറ്റൽസ് നായകനും സ്പിൻ ഓൾറൗണ്ടറുമായ അക്ഷർ പട്ടേലിനെതിരേ വലിയ വിമർശനം ഉയർത്തുകയാണ് ആരാധകർ. 22 പന്തിൽ 11 റൺസെടുത്ത് പുറത്തായതിന് പിന്നാലെയാണ് അക്ഷറിന് വിമർശനം നേരിടേണ്ടി വന്നത്. വെറും 50 സ്ട്രെെക്ക് റേറ്റിലായിരുന്നു അക്ഷറിന്റെ പ്രകടനം. ഒരു ബൗണ്ടറി പോലും നേടാൻ അക്ഷറിന് സാധിക്കാതെ പോയി.

താരത്തിന്റെ മെല്ലപ്പോക്ക് ബാറ്റിങ്ങിന് പിന്നാലെ ഡൽഹിയുടെ നായകസ്ഥാനം ഒഴിയണമെന്നടക്കമാണ് ആരാധകർ ആവശ്യപ്പെടുന്നത്. അശുതോഷ് ശർമ ഡെത്തോവറിൽ ഭേദപ്പെട്ട പ്രകടനമാണ് നടത്തിയത്. കൂടുതൽ പന്തുകൾ താരത്തിന് ലഭിക്കാനുള്ള അവസരമെങ്കിലും അക്ഷർ നൽകണമായിരുന്നുവെന്നാണ് ആരാധകർ പറയുന്നത്. സ്വന്തം തട്ടകത്തിൽ പോലും ബാറ്റിങ് മികവ് കാട്ടാൻ സാധിച്ചില്ലെങ്കിൽ പിന്നെ എവിടെയാണ് സാധിക്കുകയെന്നതാണ് ആരാധകരുടെ ചോദ്യം.

അക്ഷർ പട്ടേൽ ക്യാപ്റ്റൻ എന്ന നിലയിൽ ആ പദവിയോട് നീതികാട്ടുന്നില്ലെന്ന് പറയാം. ബാറ്റുകൊണ്ടും പന്തുകൊണ്ടും കാര്യമായൊന്നും ചെയ്യാത്ത അക്ഷർ ഫീൽഡറെന്ന നിലയിലും കാര്യമായ മികവ് കാട്ടുന്നില്ല. അക്ഷറല്ലാതെ മറ്റാരും നിലവിൽ ഡൽഹിയെ നയിക്കാനില്ലെന്നതാണ് വസ്തുത. കെ എൽ രാഹുൽ നായകസ്ഥാനം നിരസിച്ചതോടെയാണ് അക്ഷർ പട്ടേലിലേക്ക് ഈ റോൾ എത്തിയത്. പക്ഷെ പ്രകടനം കൊണ്ട് നായകന്റെ ഉത്തരവാദിത്തം കാട്ടാൻ അക്ഷറിന് സാധിക്കുന്നില്ല.
സൂര്യ പുറത്ത്, ടി20 ക്യാപ്റ്റനായി ശ്രേയസ് അയ്യർ എത്തും; വെെസ് ക്യാപ്റ്റൻ സഞ്ജുവോ? ഐപിഎൽ 2026ന് പിന്നാലെ ഇന്ത്യൻ ടീമിൽ വമ്പൻ മാറ്റം
ഡൽഹിയുടെ ബാറ്റിങ് നിരയിൽ ആരും സ്ഥിരത കാട്ടുന്നില്ലെന്ന് പറയാം. കെ എൽ രാഹുൽ റൺവേട്ടക്കാരിൽ മൂന്നാം സ്ഥാനത്തുണ്ട്. ഒരു സെഞ്ചുറിയും മൂന്ന് ഫിഫ്റ്റിയും നേടിയെങ്കിലും രാഹുലിന്റെ സ്ഥിരത പ്രശ്നമാണ്. കെകെആറിനെതിരേ 14 പന്തിൽ 23 റൺസാണ് രാഹുലിന് നേടാനയത്. നിതീഷ് റാണ 10 പന്തിൽ എട്ട് റൺസ് നേടി പുറത്തായി. സമീർ റിസ്വി ഏഴ് പന്തിൽ മൂന്ന് റൺസുമായി മടങ്ങി. ട്രിസ്റ്റൻ സ്റ്റബ്സ് നാല് പന്തിൽ‌ രണ്ട് റൺസാണ് നേടിയത്.

അശുതോഷ് ശർമ 28 പന്തിൽ 39 റൺസ് നേടിയതാണ് ഡൽഹിയെ വലിയ തകർച്ചയിൽ നിന്ന് രക്ഷിച്ചത്. മൂന്ന് വീതം സിക്സും ഫോറും അശുതോഷ് നേടി. തകർപ്പൻ ഷോട്ടുകളോടെ മുന്നേറിയ താരത്തിനൊപ്പം അക്ഷർ നിന്നിരുന്നെങ്കിൽ സ്കോർബോർഡ് 160ലേക്കെങ്കിലും എത്തിക്കാമായിരുന്നു.

Sanju Samson: സഞ്ജുവിന്റെ വലിയ സ്വപ്നം, ഇന്ത്യ ടി20 വെെസ് ക്യാപ്റ്റനാക്കുമോ? അനുകൂലമാകുന്നത് മൂന്ന് കാര്യങ്ങൾ, അന്തിമ തീരുമാനം ഗംഭീറിന്റേത്

കെകെആറിനായി അനുകുൽ റോയിയും കാർത്തിക് ത്യാഗിയും രണ്ട് വിക്കറ്റുകൾ വീഴ്ത്തിയപ്പോൾ കാമറൂൺ ഗ്രീനും സുനിൽ നരെയ്നും വെെഭവ് അറോറയും ഓരോ വിക്കറ്റുകളും വീഴ്ത്തി.