1 month ago
3
Authored by: നിഷാദ് അമീന്|Samayam Malayalam•3 Dec 2025, 1:03 am
IPL 2026 Auction: ഐപിഎല് 2026 മിനി ലേലത്തില് ആറ് പ്രധാന താരങ്ങള് ഉണ്ടാവില്ലെന്ന് ഉറപ്പായി. ഗ്ലെന് മാക്സ്വെല്, ആന്ഡ്രേ റസ്സല് , ഫാഫ് ഡു പ്ലെസിസ് തുടങ്ങിയവര് അടുത്ത സീസണില് കളിക്കില്ല.
ആറ് പ്രമുഖ താരങ്ങള് ഐപിഎല് 2026 ലേലത്തില് പങ്കെടുക്കില്ല.(ഫോട്ടോസ്- Agencies)ലേലത്തില് ഏറ്റവും ഉയര്ന്ന തുക വിനിയോഗിക്കാന് കഴിയുക കൊല്ക്കത്ത നൈറ്റ് റൈഡേഴ്സിനാണ്. കെകെആറിന്റെ പക്കല് 64.3 കോടി രൂപയുണ്ട്. ഏറ്റവും കുറഞ്ഞ തുക കൈവശമുള്ളത് (2.75 കോടി) മുംബൈ ഇന്ത്യന്സിനാണ്. ഗ്ലെന് മാക്സ്വെല്, ആന്ഡ്രേ റസ്സല്, ഫാഫ് ഡു പ്ലെസിസ് തുടങ്ങി ആറ് പ്രധാന കളിക്കാര് ഇത്തവണ ലേലത്തില് ഉണ്ടാവില്ലെന്ന് ഉറപ്പായി.
ലേലം ആവശ്യമില്ല, ലീഗ് ആറു മാസം; ഐപിഎല്ലില് മാറ്റങ്ങള് നിര്ദേശിച്ച് ഉത്തപ്പ
1,062 ഇന്ത്യന് ക്രിക്കറ്റ് താരങ്ങള് ഉള്പ്പെടെ 1355 കളിക്കാര് മിനി ലേലത്തില് രജിസ്റ്റര് ചെയ്തിട്ടുണ്ട്. 2026 ടി20 ലോകകപ്പിന് യോഗ്യത നേടിയ ഇറ്റലിയില് നിന്നുള്ള കളിക്കാര് ഉള്പ്പെടെ 13 രാജ്യങ്ങളില് നിന്നുള്ള താരങ്ങള് ഈ വര്ഷം ലേലത്തിനെത്തും.
കഴിഞ്ഞ സീസണില് മോശം പ്രകടനം കാഴ്ചവെച്ച ചെന്നൈ സൂപ്പര് കിംഗ്സ്, രാജസ്ഥാന് റോയല്സ് തുടങ്ങിയ ടീമുകളില് 2026ല് കാര്യമായ അഴിച്ചുപണിയുണ്ടാവും. നിലനിര്ത്താന് ഉദ്ദേശിക്കുന്ന കളിക്കാരുടെ പട്ടിക കഴിഞ്ഞ മാസം ഫ്രാഞ്ചൈസികള് അന്തിമമാക്കിയിരുന്നു.
SMAT 2025: സഞ്ജുവോ ജിതേഷോ? ടി20 പരമ്പരയ്ക്ക് മുമ്പ് കടുത്ത മല്സരം; മുഷ്താഖ് അലിയിലെ നാല് മാച്ചുകളിലെ പ്രകടനം ഇങ്ങനെവിവിധ കാരണങ്ങളാല് ഐപിഎല് 2026 ലേലത്തില് നിന്ന് ഒഴിവാക്കപ്പെടുന്ന ആറ് പ്രധാന താരങ്ങള് ചുവടെ.
ഫാഫ് ഡു പ്ലെസിസ്
പാകിസ്താന് സൂപ്പര് ലീഗില് പങ്കെടുക്കാന് തീരുമാനിച്ച ദക്ഷിണാഫ്രിക്കന് ഇതിഹാസം ഫാഫ് ഡു പ്ലെസിസ് ഇത്തവണ ഐപിഎല്ലില് ഉണ്ടാവില്ല. സിഎസ്കെ, ആര്സിബി ടീമുകള്ക്ക് വേണ്ടി കളിച്ച ഇദ്ദേഹം 2025ല് ഡല്ഹി ക്യാപിറ്റല്സിന്റെ ഭാഗമായിരുന്നു.
SMAT 2025: മുംബൈ വിട്ടപ്പോള് അര്ജുന് ടെണ്ടുല്ക്കറിന്റെ രാശി തെളിഞ്ഞോ? പുതിയ ടീമിനായി ഓള്റൗണ്ട് പ്രകടനംചേതേശ്വര് പൂജാര
അടുത്തിടെ എല്ലാത്തരം ക്രിക്കറ്റുകളില് നിന്നും വിരമിച്ചു. ഐപിഎല്ലില് സ്ഥിരമായി പങ്കെടുക്കാറില്ല. സിഎസ്കെയ്ക്ക് വേണ്ടിയാണ് ഇന്ത്യന് താരം അവസാനമായി കളിച്ചത്.
രവിചന്ദ്രന് അശ്വിന്
ഐപിഎല് 2025 ല് തന്റെ ഹോം ടീമായ സിഎസ്കെയ്ക്ക് വേണ്ടി കളിച്ച ഇന്ത്യന് ഓഫ് സ്പിന്നര് ഇത്തവണ ലേലത്തിനുണ്ടാവില്ല. ഇന്ത്യന് ക്രിക്കറ്റില് നിന്ന് വിരമിക്കല് പ്രഖ്യാപിച്ച അശ്വിന് ബിഗ് ബാഷ് ലീഗില് കളിക്കേണ്ടതായിരുന്നു. പരിക്ക് കാരണം പിന്മാറേണ്ടി വന്നു.
ആന്ഡ്രേ റസ്സല്
മിനി ലേലത്തിന് മുമ്പ് കെകെആര് വിട്ടയച്ചതിന് പിന്നാലെ ഐപിഎല്ലില് നിന്ന് വിരമിച്ചു. കെകെആറിന്റെ 'പവര് കോച്ച്' ആയി പ്രത്യക്ഷപ്പെടും.
മോയിന് അലി
2025 ല് കെകെആറിന്റെ ഭാഗമായിരുന്ന ഇദ്ദേഹം പിഎസ്എല്ലിലേക്ക് മാറി. മിനി ലേലത്തിന് മുമ്പ് അദ്ദേഹത്തെ കെകെആര് നിലനിര്ത്തിയില്ല.
ഗ്ലെന് മാക്സ്വെല്
ഓസ്ട്രേലിയന് താരത്തെ പഞ്ചാബ് കിങ്സ് ലേലത്തില് വിട്ടയച്ചു. എന്നാല്, ലേലത്തില് രജിസ്റ്റര് ചെയ്ത കളിക്കാരുടെ പട്ടികയില് അദ്ദേഹത്തിന്റെ പേര് ഇല്ല.
ഐപിഎല് 2026 ലേലത്തില് ഏറ്റവും ഉയര്ന്ന അടിസ്ഥാന വിലയുള്ള ഇന്ത്യന് കളിക്കാര് വെങ്കടേഷ് അയ്യരും രവി ബിഷ്ണോയിയുമാണ്. ഏറ്റവും ഉയര്ന്ന ബേസ് പ്രൈസ് ആയ രണ്ട് കോടി രൂപ വിഭാഗത്തില് ഇരുവരും ഉള്പ്പെട്ടു.
കഴിഞ്ഞ തവണ 23.75 കോടി രൂപയ്ക്കാണ് കെകെആര് വെങ്കിടേഷിനെ വാങ്ങിയത്. മോശം പ്രകടനം കാരണം അവര് വിട്ടയച്ചു. കഴിഞ്ഞ വര്ഷം 11 കോടി രൂപയ്ക്ക് നിലനിര്ത്തിയ ബിഷ്ണോയിയെ ലഖ്നൗ സൂപ്പര് ജയന്റ്സും കൈവിട്ടു.
രചയിതാവിനെക്കുറിച്ച്നിഷാദ് അമീന്17 വര്ഷമായി മാധ്യമരംഗത്ത് പ്രവര്ത്തിക്കുന്നു. കാലിക്കറ്റ് സര്വകലാശാലയില് നിന്ന് മാസ് കമ്മ്യൂണിക്കേഷനില് ബിരുദവും കാലിക്കറ്റ് പ്രസ് ക്ലബ്ബില് നിന്ന് ടെലിവിഷന് ജേണലിസത്തില് പിജി ഡിപ്ലോമയും ഇംഗ്ലീഷ് സാഹിത്യത്തില് ബിരുദാനന്തര ബിരുദവും നേടി. ഏഴ് വര്ഷം സൗദി അറേബ്യയില് മാധ്യമപ്രവര്ത്തകനായിരുന്നു. സൗദിയില് ഇന്ത്യന് മീഡിയ ഫോറത്തിന്റെ ജനറല് സെക്രട്ടറിയായും പ്രവര്ത്തിച്ചിട്ടുണ്ട്. സുപ്രഭാതം, മലയാളം ന്യൂസ്, തേജസ് ദിനപത്രങ്ങളില് സീനിയര് സബ് എഡിറ്ററായും ഗള്ഫ് ന്യൂസ് എഡിറ്ററായും സീനിയര് റിപോര്ട്ടറായും കേരളത്തിലെയും ഗള്ഫിലെയും വിവിധ ബ്യൂറോകളിലും എഡിറ്റോറിയല് ഡെസ്കിലും ന്യൂഡല്ഹി, റിയാദ്, ജിദ്ദ, യുഎഇ എന്നിവിടങ്ങളിലും ജോലിചെയ്തു. നിലവിൽ സമയം മലയാളത്തില് സ്പോർട്സ് ലേഖനങ്ങൾ എഴുതുന്നു.... കൂടുതൽ വായിക്കുക
English (US) ·