IPL 2026: അഭിഷേകിന്റേയും ​ഗില്ലിന്റേയും ശ്രദ്ധ ക്രിക്കറ്റിലല്ല, അത് മറ്റ് കാര്യങ്ങളിലേക്ക് മാറി, ഫ്ളോപ്പായ കാരണം ചൂണ്ടിക്കാട്ടി യോ​ഗ് രാജ്

ഇന്ത്യൻ പ്രീമിയർ ലീഗിന്റെ 2026 സീസൺ ആവേശകരമായി ആരംഭിക്കാൻ പോവുകയാണ്. ഇത്തവണ 10 ടീമുകളും സജീവ കിരീട പ്രതീക്ഷയിലാണ്. നിലവിലെ ചാമ്പ്യന്മാരായ റോയൽ ചലഞ്ചേഴ്സ് ബംഗളൂരുവും 2016ലെ ചാമ്പ്യന്മാരായ സൺറെെസേഴ്സ് ഹെെദരാബാദും തമ്മിലുള്ള പോരാട്ടത്തോടെയാണ് ഐപിഎൽ 2026 സീസൺ ആരംഭിക്കുക. ഇത്തവണത്തെ സീസൺ പല താരങ്ങൾക്കും വളരെ നിർണ്ണായകമാണ്.മോശം ഫോമിലൂടെ കടന്ന് പോകുന്ന പല താരങ്ങൾക്കും ശക്തമായ തിരിച്ചുവരവ് നടത്താൻ ഇത്തവണത്തെ ഐപിഎല്ലിലൂടെ സാധിക്കേണ്ടതായുണ്ട്. ശുഭ്മാൻ ഗില്ലും അഭിഷേക് ശർമയുമെല്ലാം സമീപകാലത്തുണ്ടായ മോശം പ്രകടനത്തിന്റെ ചീത്തപ്പേര് ഐപിഎല്ലിലൂടെ തീർക്കാമെന്ന കണക്കുകൂട്ടലിലാണ്. ഗിൽ ഇന്ത്യയുടെ ടി20 ടീമിന്റെ വെെസ് ക്യാപ്റ്റനായിരുന്നെങ്കിലും ഇപ്പോൾ‌ ടീമിൽ നിന്ന് തഴയപ്പെട്ടിരിക്കുകയാണ്.

അഭിഷേക് ശർമ യുടെ ടി20 ലോകകപ്പിലെ പ്രകടനം പ്രതീക്ഷിച്ച നിലവാരം കാട്ടിയതുമില്ല. എട്ട് മത്സരത്തിൽ നിന്ന് 141 റൺസാണ് അഭിഷേക് ശർമ നേടിയത്. രണ്ട് പേർക്കും ഐപിഎല്ലിലെ പ്രകടനം വളരെ നിർണ്ണായകമാണെന്ന് പറയാം. ഇപ്പോഴിതാ അഭിഷേകിന്റേയും ഗില്ലിന്റേയും സമീപകാലത്തെ മോശം പ്രകടനത്തിന് കാരണം ക്രിക്കറ്റിൽ നിന്നുള്ള ശ്രദ്ധ മാറിയതുകൊണ്ടാണെന്ന് അഭിപ്രായപ്പെട്ടിരിക്കുകയാണ് മുൻ താരവും പരിശീലകനുമായ യോഗ് രാജ് സിങ്.

'അഭിഷേകും ഗില്ലും മോശം ഫോമിലാകാൻ കാരണം ശ്രദ്ധ ക്രിക്കറ്റിൽ നിന്ന് മറ്റെവിടെയോ ആയതിനാലാണ്. രണ്ട് പേരും ഫ്ളോപ്പാവാൻ കാരണമായത് അതുകൊണ്ടാണ്. റീൽസ് ഇടലല്ല അഭിഷേകിന്റെ ജോലി. അവൻ വെെകീട്ട് 9 മണിക്ക് കിടക്കുകയും രാവിലെ 5 മണിക്ക് എണീക്കുകയും 1000 പന്തുകൾ നേരിടുകയും ചെയ്യണം. അച്ചടക്കം ക്രിക്കറ്റിൽ വളരെ പ്രധാനപ്പെട്ടതാണ്.
IPL 2026: രാജസ്ഥാന്റെ ഉടമ മാറി, റിയാൻ പരാ​ഗിന്റെ ക്യാപ്റ്റൻസി തെറിക്കുമോ? നയിക്കാൻ ജയ്സ്വാൾ തയ്യാർ, ടീമിന്റെ നീക്കം ഇതാവും
ഈ ലോകം തന്നെ പ്രവർത്തിക്കുന്നത് അച്ചടക്കത്തിലൂടെയാണ്. ക്രിക്കറ്റ് താരങ്ങളും അത് പിന്തുടരണം. എവിടെയാണ് ക്രിക്കറ്റ് താരങ്ങൾക്ക് തെറ്റ് പറ്റുന്നത്?. പാർ‌ട്ടികൾ, പെൺകുട്ടികളുമായുള്ള ബന്ധം, പണത്തിന്റെ ദൂർത്ത്, എപ്പോഴും ഷൂട്ടിങ് ഇതെല്ലാമാണ് പ്രശ്നം' യോഗ് രാജ് പറഞ്ഞു. യുവരാജ് സിങ് വളർത്തിയ താരമാണ് അഭിഷേക് ശർമ. ശുഭ്മാൻ ഗില്ലും യുവരാജ് സിങ്ങിന് കീഴിൽ പരിശീലനം നടത്തിയിട്ടുണ്ട്.

അഭിഷേകും ഗില്ലും വലിയ ആരാധക പിന്തുണയുള്ളവരാണ്. കൂടാതെ യുവാക്കളെന്ന നിലയിലുള്ള എല്ലാ വിനോദങ്ങളും ഇവർ നന്നായി ആസ്വദിക്കുന്നുമുണ്ട്. പാർട്ടികളും ഡേറ്റിങ്ങും പ്രണയവുമെല്ലാം ഇവർക്കുണ്ട്. ഇത് ക്രിക്കറ്റിലെ ശ്രദ്ധ തെറ്റിക്കുന്നുവെന്നാണ് യോഗ് രാജ് ചൂണ്ടിക്കാട്ടുന്നത്. ഗില്ലും സച്ചിൻ ടെണ്ടുൽക്കറുടെ മകളായ സാറാ ടെണ്ടുൽക്കറും തമ്മിൽ പ്രണയത്തിലാണെന്ന റിപ്പോർട്ടുകളുണ്ട്.

IPL 2026: സഞ്ജു വന്നതോടെ റുതുരാജിന് ഓപ്പണർ സീറ്റ് നഷ്ടമാവും, സിഎസ്കെയ്ക്ക് ഇത്തവണ പുതിയ കൂട്ടുകെട്ട്; കാരണം എന്താണെന്ന് അറിയാം

ഇതിനെയെല്ലാം പരോക്ഷമായി വിമർശിക്കുകയാണ് യോഗ് രാജ് ചെയ്തിരിക്കുന്നത്. അഭിഷേക് ശർമ സൺറെെസേഴ്സ് ഹെെദരാബാദിനൊപ്പമാണ് ഇത്തവണയുമുള്ളത്. ശുഭ്മാൻ ഗിൽ ഗുജറാത്ത് ടെെറ്റൻസിന്റെ ക്യാപ്റ്റനാണ്. ഇന്ത്യയുടെ ഏകദിന, ടെസ്റ്റ് ടീമിന്റെ ക്യാപ്റ്റനായ ശുഭ്മാൻ ഗില്ലിന് ടി20 ടീമിലേക്ക് തിരിച്ചെത്താൻ മികച്ച സ്ട്രെെക്ക് റേറ്റിൽ ഇത്തവണ തകർപ്പൻ പ്രകടനം നടത്തേണ്ടതായുണ്ട്.

അതിന് അദ്ദേഹത്തിന് സാധിക്കുമോയെന്നതാണ് കാത്തിരുന്ന് കാണേണ്ടത്. ഗുജറാത്തിനൊപ്പം ക്യാപ്റ്റനെന്ന നിലയിലും ശോഭിക്കാത്ത പക്ഷം ഇന്ത്യയുടെ ടി20 നായകസ്ഥാനത്തേക്കെത്തുക ഗില്ലിന് എളുപ്പമാവില്ല. അതുകൊണ്ടുതന്നെ ഈ സീസൺ ഗില്ലിനെ സംബന്ധിച്ച് വളരെ പ്രധാനപ്പെട്ടതാണെന്ന് തന്നെ പറയാം.