IPL 2026: അമ്പമ്പോ കോഹ്ലി, പരിശീലന മത്സരത്തിൽ ബാറ്റിങ് വെടിക്കെട്ട്; കസറിയടിച്ച് ഡേവിഡും ഷെഫേർഡും, കപ്പ് ആർസിബി നിലനിർത്തുമോ?

ഇന്ത്യൻ പ്രീമിയർ ലീഗിന്റെ 2026 സീസൺ ആരംഭിക്കാൻ ഇനി രണ്ട് ദിവസമാണ് ശേഷിക്കുന്നത്. 28ന് നിലവിലെ ചാമ്പ്യന്മാരായ റോയൽ ചലഞ്ചേഴ്സ് ബംഗളൂരു മുൻ ചാമ്പ്യന്മാരായ സൺറെെസേഴ്സ് ഹെെദരാബാദിനെ നേരിടുന്നതോടെയാണ് ഐപിഎൽ ആവേശത്തിന് കൊടിയേറുന്നത്. ടീമുകളെല്ലാം അവസാന ഘട്ട പരിശീലനത്തിലാണുള്ളത്.ഇൻഡ്രാ സ്ക്വാഡ് പരിശീലനത്തിൽ താരങ്ങളെല്ലാം തകർപ്പൻ പ്രകടനം നടത്തുന്നത് ടീമുകളുടെ പ്രചീക്ഷ ഉയർത്തുകയാണ്. ഇപ്പോഴിതാ ആദ്യ മത്സരത്തിന് മുമ്പ് എതിരാളികൾക്ക് മുന്നറിയിപ്പ് നൽകുന്ന പ്രകടനം കാഴ്ചവെച്ചിരിക്കുകയാണ് ആർസിബിയുടെ വിരാട് കോഹ്ലി . ഇൻഡ്രാ സ്ക്വാഡ് മത്സരത്തിൽ ബാറ്റിങ് വെടിക്കെട്ടാണ് താരം പുറത്തെടുത്തത്.

19 പന്തിൽ 45 റൺസെടുത്താണ് കോഹ്ലി ഇൻഡ്രാ സ്ക്വാഡ് മത്സരത്തിൽ ശോഭിച്ചത്. അന്താരാഷ്ട്ര ക്രിക്കറ്റിൽ ഏകദിനം മാത്രം കളിക്കുന്ന കോഹ്ലി ഇടവേളക്ക് ശേഷമാണ് വീണ്ടും കളിക്കാനെത്തുന്നത്. തന്റെ ഫോം നഷ്ടപ്പെട്ടിട്ടില്ലെന്ന് തെളിയിക്കുന്ന പ്രകടനമാണ് കോഹ്ലി കാഴ്ചവെച്ചതെന്ന് പറയാം. കോഹ്ലിയുടെ തകർപ്പൻ ബാറ്റിങ് ആർസിബിക്ക് വലിയ ആത്മവിശ്വാസം നൽകുന്ന കാര്യമാണ്.

ഈ സീസണിൽ കിരീടം നിലനിർത്താൻ ആർസിബിക്ക് സാധിക്കുമെന്ന പ്രതീക്ഷ നൽകുന്ന പ്രകടനമാണ് വിരാട് കോഹ്ലി പുറത്തെടുത്തിരിക്കുന്നത്. ഇത്തവണയും ആർസിബിയുടെ ഓപ്പണർ റോളിൽ കോഹ്ലിയെ പ്രതീക്ഷിക്കാം. കോഹ്ലി നൽകുന്ന തുടക്കം ആർസിബിയെ സംബന്ധിച്ച് സുപ്രധാനമാണ്. അതുകൊണ്ടുതന്നെ കോഹ്ലിയുടെ പരിശീലന മത്സരത്തിലെ പ്രകടനം വലിയ പ്രതീക്ഷയാണ് നൽകുന്നത്.
IPL 2026: രാജസ്ഥാന്റെ ഉടമ മാറി, റിയാൻ പരാ​ഗിന്റെ ക്യാപ്റ്റൻസി തെറിക്കുമോ? നയിക്കാൻ ജയ്സ്വാൾ തയ്യാർ, ടീമിന്റെ നീക്കം ഇതാവുംആർസിബിയുടെ ആത്മവിശ്വാസം ഉയർത്തി രണ്ട് വിദേശ താരങ്ങളും നെറ്റ്സിൽ തകർപ്പൻ പ്രകടനം പുറത്തെടുത്തിട്ടുണ്ട്. ഓസ്ട്രേലിയക്കാരനായ ടിം ഡേവിഡ് ടി20 ലോകകപ്പിൽ നിരാശപ്പെടുത്തുന്ന പ്രകടനമാണ് പുറത്തെടുത്തത്. എന്നാൽ പരിശീലന മത്സരത്തിൽ കിടിലൻ ബാറ്റിങ് പ്രകടനമാണ് അദ്ദേഹം കാഴ്ചവെച്ചത്. 32 പന്തിൽ 68 റൺസാണ് അദ്ദേഹം നേടിയത്. വെസ്റ്റ് ഇൻഡീസ് താരമായ റൊമാരിയോ ഷെഫേർഡ് 14 പന്തിൽ 37 റൺസും നേടി തകർപ്പൻ പ്രകടനത്തോടെ കെെയടി നേടി.

ഇതെല്ലാം ആർസിബിയുടെ പ്രതീക്ഷകൾ സജീവമാക്കുകയാണ്. ആദ്യ മത്സരത്തിൽ സൺറെെസേഴ്സ് ഹെെദരാബാദിനെ തോൽപ്പിച്ച് തുടങ്ങാൻ നിലവിലെ ചാമ്പ്യന്മാരായ ആർസിബിക്ക് സാധിക്കുമെന്നാണ് ആരാധകർ പ്രതീക്ഷിക്കുന്നത്. എന്നാൽ ഇത്തവണ ആർസിബിയുടെ ബൗളിങ് നിരയിൽ പ്രശ്നങ്ങളേറെയാണ്. ടീമിന്റെ ബൗളിങ്ങിന്റെ കുന്തമുന ഓസ്ട്രേലിയക്കാരനായ ജോഷ് ഹെയ്സൽവുഡായിരുന്നു.

IPL 2026: സഞ്ജു വന്നതോടെ റുതുരാജിന് ഓപ്പണർ സീറ്റ് നഷ്ടമാവും, സിഎസ്കെയ്ക്ക് ഇത്തവണ പുതിയ കൂട്ടുകെട്ട്; കാരണം എന്താണെന്ന് അറിയാം

എന്നാൽ പരിക്കേറ്റ ഹെയ്സൽവുഡ് ഇത്തവണത്തെ ഐപിഎല്ലിൽ കളിക്കുന്നില്ല. ഇത് ആർസിബിക്ക് കടുത്ത തിരിച്ചടിയാണ്. അവസാന സീസണിൽ ശോഭിച്ച യഷ് ദയാലും ഈ സീസണിൽ കളിക്കുന്നില്ല. പീഡന കേസിൽ കുറ്റാരോപിതനായ യഷ് ദയാലിനെ ഇത്തവണത്തെ സീസണിൽ പരിഗണിക്കേണ്ടെന്നാണ് ആർസിബിയുടെ നിലപാട്. ഇതും ടീമിന് തിരിച്ചടിയാവുന്നു.

ഇത്തവണത്തെ ആർസിബി യുടെ ബൗളിങ് നിരയിലെ പ്രശ്നങ്ങൾ ബാറ്റിങ് മികവിലൂടെ മറികടക്കാൻ ടീമിന് സാധിക്കുമോയെന്നതാണ് കാത്തിരുന്ന് കാണേണ്ടത്. ഇത്തവണയും ആർസിബിക്ക് ശക്തമായ ബാറ്റിങ് കരുത്താണുള്ളത്. വിരാട് കോഹ്ലി സ്ഥിരതയോടെ കളിക്കേണ്ടത് ടീമിനെ സംബന്ധിച്ച് നിർണ്ണായകമാണ്. പുതിയ ഉടമകൾക്ക് കീഴിൽ ആർസിബി കപ്പ് നേടുമോയെന്നതാണ് കാത്തിരുന്ന് കാണേണ്ടത്.