IPL 2026: അവനില്ലാതെ ആർസിബി കപ്പ് നേടില്ല, ടീമിന്റെ തുറുപ്പുചീട്ട് ആ ബൗളറാണ്; മുന്നറിയിപ്പുമായി ക്രിസ് ശ്രീകാന്ത്

ഇന്ത്യൻ പ്രീമിയർ ലീഗിന്റെ 2026 സീസണിൽ കിരീടം നിലനിർത്താൻ ആർസിബി ഇറങ്ങുകയാണ്. പ്രഥമ സീസൺ മുതലുള്ള കാത്തിരിപ്പിന് അവസാന സീസണിലാണ് ആർസിബി വിരാമമിട്ടത്. കന്നി കിരീടം സ്വന്തമാക്കിയ ആർസിബിക്ക് ഇത്തവണ കിരീടം നിലനിർത്താൻ സാധിക്കുമോയെന്നതാണ് എല്ലാവരും ഉറ്റുനോക്കുന്നത്. ഈ സീസണിലെ ഉദ്ഘാടന മത്സരത്തിൽ ആർസിബി സൺറെെസേഴ്സ് ഹെെദരാബാദിനെയാണ് നേരിടുന്നത്. ഇത്തവണയും തകർപ്പൻ താരനിരയുണ്ടെങ്കിലും ചില സൂപ്പർ താരങ്ങളുടെ പരിക്ക് ആർസിബിക്ക് വലിയ തലവേദനയാണ്. ഇതിൽ എടുത്തു പറയേണ്ടത് ജോഷ് ഹെയ്സൽവുഡിന്റെ അഭാവത്തെക്കുറിച്ചാണ്. സ്റ്റാർ പേസർ പരിക്കിനെത്തുടർന്ന് ഈ സീസണിൽ കളിക്കുന്നില്ല. ഇപ്പോഴിതാ ഹെയ്സൽവുഡ് കളിച്ചില്ലെങ്കിൽ ആർസിബിക്ക് കിരീട നേട്ടം പ്രയാസമായിരിക്കുമെന്ന് മുന്നറിയിപ്പ് നൽകിയിരിക്കുകയാണ് മുൻ ഇന്ത്യൻ താരമായ ക്രിസ് ശ്രീകാന്ത്.

'ജോഷ് ഹെയ്സൽവുഡിന്റെ അഭാവം ആർസിബിയെ സംബന്ധിച്ച് കടുത്ത തിരിച്ചടിയാണ്. രണ്ട് ആഴ്ച അവന് നഷ്ടമാകുന്ന സാഹചര്യമുണ്ടായാൽ നാലോ അഞ്ചോ മത്സരങ്ങൾ ആർസിബിക്ക് അപ്പോൾ കഴിഞ്ഞിട്ടുണ്ടാവും. അവനില്ലെങ്കിൽ ടീമിന്റെ ഊർജ്ജം താഴോട്ട് പോകും. ബൗളിങ് നിര ആകെ ദുർബലമാകും. അവന് പകരം ആരു വന്നാലും ആ നിലവാരം കാട്ടില്ല. ജേക്കബ് ഡുഫി മോശം ബൗളറല്ല.

എന്നാൽ ടി20 ലോകകപ്പിൽ നന്നായി തല്ലുവാങ്ങി. അവന് ഇന്ത്യൻ സാഹചര്യത്തിൽ അത്ര മികച്ച പ്രകടനം കാഴ്ചവെക്കാൻ സാധിക്കുന്നില്ല. ഹെയ്സൽവുഡ് മാച്ച് വിന്നറായിട്ടുള്ള താരമാണ്. ജസ്പ്രീത് ബുംറക്ക് സൃഷ്ടിക്കാൻ സാധിക്കുന്നതുപോലെ എതിരാളികളിൽ ഭയം നിറക്കാൻ ഹെയ്സൽവുഡിന് സാധിക്കും. ടെസ്റ്റ് മത്സരത്തിലേതുപോലെ മികച്ച ലെങ്തിൽ പന്തെറിയാൻ അവന് കഴിവുണ്ട്. ബാറ്റ്സ്മാനെ അവൻ നന്നായി പ്രയാസപ്പെടുത്തും' ശ്രീകാന്ത് പറഞ്ഞു.
IPL 2026: സൂപ്പർ താരങ്ങൾ, പക്ഷെ ഇവരുടെ ഫോം ടീമുകൾക്ക് ആശങ്ക; ഫ്ളോപ്പായാൽ വലിയ തിരിച്ചടി, അഞ്ച് താരങ്ങൾ ഇവരാണ്
കഴിഞ്ഞ വർഷം നവംബർ മുതൽ പരിക്കിന്റെ പിടിയിലുള്ള താരമാണ് ഹെയ്സൽവുഡ്. ടി20 ലോകകപ്പടക്കം താരത്തിന് നഷ്ടമായിരുന്നു. പൂർണ്ണ ഫിറ്റ്നസിലേക്കെത്താതെ ഓസ്ട്രേലിയ ഹെയ്സൽവുഡിന് എൻഒസി നൽകില്ല. നിലവിലെ റിപ്പോർട്ടുകൾ പ്രകാരം ഹെയ്സൽവുഡ് ഐപിഎൽ കളിക്കാൻ യാതൊരു സാധ്യതയുമില്ല. അങ്ങനെ വന്നാൽ അത് ആർസിബിയെ പ്രതികൂലമായി ബാധിക്കുമെന്ന് പറയാം.

ആർസിബിയുടെ ബൗളിങ് നിരയുടെ കുന്തമുന ഹെയ്സൽവുഡാണ്. ഭുവനേശ്വർ കുമാറുണ്ടെങ്കിലും ഹെയ്സൽവുഡാണ് എതിരാളികളുടെ പേടി സ്വപ്നം. അവസാന സീസണിൽ 22 വിക്കറ്റാണ് ഹെയ്സൽവുഡ് വീഴ്ത്തിയത്. ആർസിബിയുടെ കിരീടത്തിൽ നിർണ്ണായക പങ്ക് വഹിക്കാൻ ഹെയ്സൽവുഡിനായിരുന്നു. ഭുവനേശ്വർ കുമാർ 18 വിക്കറ്റാണ് അവസാന സീസണിൽ വീഴ്ത്തിയത്. യഷ് ദയാൽ ഇത്തവണ ആർസിബിക്കൊപ്പം ഉണ്ടായേക്കില്ല.

IPL 2026: ചേട്ടൻ തുടങ്ങി മക്കളേ... സിഎസ്കെ നെറ്റ്സിൽ പരിശീലനം ആരംഭിച്ച് സഞ്ജു, ആദ്യ സെഷനിൽ ചെയ്തത് ഇങ്ങനെ

പീഡന കേസിൽ ആരോപണം നേരിടുന്ന യഷ് ദയാലിനെ ഇത്തവണ ആർസിബി പരിശീലന ക്യാംപിലേക്ക് വിളിച്ചിട്ടില്ല. ഭുവനേശ്വർ കുമാറിലേക്ക് അമിത ഭാരം എത്തുന്ന സാഹചര്യമാണ് നിലവിലുള്ളത്. നുവാൻ തുഷാര, റാസിഖ് ദാർ, ജേക്കബ് ഡുഫി എന്നിവർക്കൊന്നും ഹെയ്സൽവുഡിന്റെ വിടവ് നികത്താൻ സാധിക്കില്ലെന്ന് നിസംശയം പറയാം.

ബാറ്റിങ് കരുത്തുകൊണ്ട് മാത്രം മുന്നോട്ട് പോകാൻ ആർസിബിക്ക് സാധിക്കില്ല. ഇനി മികച്ചൊരു ബൗളറെ കണ്ടെത്തുകയെന്നതും പ്രയാസം. അതുകൊണ്ടുതന്നെ ഹെയ്സൽവുഡ് ആർസിബിക്ക് വലിയ തലവേദനയാണെന്ന് തന്നെ പറയാം. ഈ വെല്ലുവിളിയെ എങ്ങനെ അവർ മറികടക്കുമെന്നതാണ് കാത്തിരുന്ന് കാണേണ്ടത്.