5 days ago
3
Authored by: സൈഫുദ്ധീൻ ടി എം|Samayam Malayalam•17 Mar 2026, 6:44 p.m. IST
പുതിയ സീസൺ ഇന്ത്യൻ പ്രീമിയർ ലീഗിനായി ആവേശത്തോടെ കാത്തിരിക്കുകയാണ് ക്രിക്കറ്റ് ആരാധകർ. കഴിഞ്ഞ സീസണിൽ ചരിത്രത്തിൽ ആദ്യമായി റോയൽസ് ചലഞ്ചേഴ്സ് ബാംഗ്ലൂർ ഐപിഎൽ കിരീടത്തിൽ മുത്തമിട്ടിരുന്നു. പുതിയ സീസണിൽ ആര് കപ്പ് അടിക്കുമെന്നറിയാന് ഐപിഎല് അവസാനിക്കുന്നത് വരെ കാത്തിരിക്കണം. എന്നാല് അടുത്ത 25 വർഷത്തേക്കുള്ള ഐപിഎൽ ചാമ്പ്യന്മാരെ ജനറേറ്റീവ് എഐ ടൂളായ ചാറ്റ് ജിപിടി പ്രവചിച്ചാല് എങ്ങനെ ഉണ്ടാകുമെന്ന് നോക്കാം.
ഹൈലൈറ്റ്:
- അടുത്ത 25 വർഷത്തേക്കുള്ള ഐപിഎൽ ചാമ്പ്യന്മാരെ പ്രവചിച്ച് ചാറ്റ് ജിപിടി
- 2026 സീസണില് മുംബൈ ഇന്ത്യൻസ് കിരീടം എന്നാണ് പ്രവചനം
- ഡൽഹിയും പഞ്ചാബും രാജസ്ഥാനുമെല്ലാം കപ്പ് നേടാൻ ഇനിയും കാത്തിരിക്കണം
ഹാര്ദിക് പാണ്ഡ്യ, എംഎസ് ധോണി(ഫോട്ടോസ്- Getty Images)
IPL 2026: ഷര്ദുലിനെ കൂറ്റന് സിക്സറിന് തൂക്കി, പിന്നാലെ കളിയാക്കി രോഹിത് ശര്മ പറഞ്ഞതെന്ത്? വൈറലായി വീഡിയോകിരീടം നേടുന്ന കാര്യത്തിൽ മുംബൈ ഇന്ത്യൻസിനൊപ്പം നിലയുറപ്പിച്ചിട്ടുള്ള ചെന്നൈ സൂപ്പർ കിങ്സ് തങ്ങളുടെ അക്കൗണ്ടിലേക്ക് ആറാമത്തെ കിരീടം കൂട്ടിച്ചേർക്കാൻ ഒരു വർഷം കൂടി കാത്തിരിക്കണം എന്നാണ് ചാറ്റ് ജിപിടി യുടെ പ്രവചനം. 2028-ല് സൺറൈസേഴ്സ് ഹൈദരാബാദും 2029 സീസണില് ഗുജറാത്ത് ടൈറ്റന്സും 2030-ൽ റോയൽ ചലഞ്ചേഴ്സ് ബെംഗളുരുവും ഐപിഎൽ കിരീടങ്ങളുടെ എണ്ണം രണ്ടായി വർധിപ്പിക്കും എന്നാണ് ചാറ്റ് ജിപിടി പ്രവചിക്കുന്നത്.
2031-ൽ കൊൽക്കത്ത നൈറ്റ് റൈഡേഴ്സ് തങ്ങളുടെ നാലാം കിരീടം സ്വന്തമാക്കുമെന്നും 24 വർഷങ്ങൾക്ക് ശേഷം 2032-ല് രാജസ്ഥാൻ റോയൽസ് തങ്ങളുടെ രണ്ടാം കിരീടം നേടുമെന്നും പ്രവചിക്കുന്നു. 2008-ലെ ആദ്യ സീസണില് കിരീടം നേടിയതിന് ശേഷം ഇതുവരെ രാജസ്ഥാന് റോയല്സിന് കപ്പ് നേടാന് സാധിച്ചിട്ടില്ല. സഞ്ജു സാംസണ് നയിച്ച രാജസ്ഥാന് ഒരു സീസണില് ഫൈനലിലെത്തിയെങ്കിലും കിരീടമുറപ്പിക്കാന് കഴിഞ്ഞിരുന്നില്ല.
Kerala Blasters: ബ്ലാസ്റ്റേഴ്സ് പിന്തിരിഞ്ഞോടില്ല, അക്രമണത്തിന്റെ മൂര്ച്ച കൂട്ടാന് അവനെത്തി; റാഞ്ചിയത് മോഹന് ബഗാന് താരത്തെഐപിഎൽ ചരിത്രത്തിൽ ഇതുവരെ കിരീടം നേടാത്ത ഡൽഹി ക്യാപിറ്റൽസ്, പഞ്ചാബ് കിങ്സ്, ലഖ്നൗ സൂപ്പര് ജയന്റ്സ് എന്നീ ടീമുകൾ കപ്പ് നേടാന് ഇനിയും വർഷങ്ങൾ കാത്തിരിക്കണമെന്നാണ് ചാറ്റ് ജിപിടി പ്രവചിക്കുന്നത്. പ്രവചനമനുസരിച്ച് ഡൽഹി 2034-ലും ലഖ്നൗ 2036-ലും പഞ്ചാബ് കിങ്സ് 2037-ലും ഐപിഎല്ലിലെ ആദ്യ കിരീടം നേടും. ചാറ്റ്ജിപിടിയുടെ പ്രവചനം അനുസരിച്ച് 2050-ലെ ഐപിഎല് കിരീട വിജയി മുംബെെ ഇന്ത്യന്സാണ്.
ആറാം കിരീടം ലക്ഷ്യം; രോഹിത് ശർമയുടെ കരുത്തിൽ മുംബൈ ഇന്ത്യൻസ് ഇറങ്ങുന്നു
രചയിതാവിനെക്കുറിച്ച്സൈഫുദ്ധീൻ ടി എംസമയം മലയാളത്തില് സീനിയര് ഡിജിറ്റല് കണ്ടന്റ് പ്രൊഡ്യൂസറാണ് സൈഫുദ്ധീന് ടി എം. കാലിക്കറ്റ് യൂണിവേഴ്സിറ്റിയിൽ നിന്ന് ഫങ്ഷണല് ഇംഗ്ലീഷില് ബിരുദവും ജേണലിസത്തില് ബിരുദാനന്തര ബിരുദവും പൂര്ത്തിയാക്കി. സുപ്രഭാതം ദിനപത്രത്തില് ട്രൈനിയായി മാധ്യമപ്രവര്ത്തനം ആരംഭിച്ചു. സ്പോര്ട്സ് മലയാളം ഓണ്ലൈന് പോര്ട്ടലില് സബ് എഡിറ്ററായി ജോലി ചെയ്തു. പിന്നീട് ബൈറ്റ്ഡാന്സ്, ടൈംസ് ഇന്റര്നെറ്റ്, ഷെയര്ചാറ്റ് തുടങ്ങിയ സ്ഥാപനങ്ങളിലെ കണ്ടന്റ് ഓപ്പറേഷന് ഡിപ്പാര്ട്ട്മെന്റുകളില് പ്രവര്ത്തിച്ചു. ഹ്യൂമര്, ടെക്നോളജി, ഓട്ടോമൊബൈല്, ഗെയിമിങ് തുടങ്ങിയ മേഖലകള് കൈകാര്യം ചെയ്തു. 2024 മുതല് ടൈംസ് ഇന്റര്നെറ്റില് നിന്നുള്ള സമയം മലയാളത്തിന്റെ ഭാഗമായി. ഗള്ഫ്, വിദേശം, കായികം, തുടങ്ങിയ മേഖലകളില് ലേഖനങ്ങള് എഴുതുന്നതിനൊപ്പം വീഡിയോ അവതരിപ്പിക്കുകയും ചെയ്യുന്നു.... കൂടുതൽ വായിക്കുക
English (US) ·